¹ Paulu u Timoti, basebezhi baka Kilisito Jeso, ku bantu boonse baka Leza basalala umwa Kilisito Jeso balo baliku Filipi, bali u beendelezha alimwi uma dikoni. ² Luse a lube kwenu u luumuno luhwa kwa Leza Tatesu alimwi u Mwami Jeso Kilisito. ³ Ume ndalumba Leza wangu choonse chiindi Ume ndamutelaika, ⁴ lyoonse mukukomba kwangu kwenu noonse, kulachita kukomba kwangu kubotelwa ⁵ u kaambo kakuba antoomwi mu mulumbe kuhwa ku buzuba bwa kutaanguna kushikila u bwasunu. ⁶ Ume ndashoma kuli sheshi shintu shoonse, wezo walo wakatalika mulimo wezu mwenu u lakatolelela kuya kuumana kushikila ku buzuba bwaka Kilisito Jeso. ⁷ Chili kabotu kwangu kuliteelela bolya u kaambo kenu noonse kwaamba Ume monzo wangu ube aali umwe. Umwe noonse mwaakuli ame mu luse umu ndaakwaangilwe alimwi u mukulikwabilila kwangu u kubona kuti mulmbe mwini mwini. ⁸ Leza ngu kamboni wangu, umbuli Ume mbwimufwini u lufwuno lwaka Kilisito Jeso. ⁹ Koku nkukukomba kwangu: kwaamba ati lufwuno lwenu lukalililishe mu luzhibo u mukuteelelesha ¹⁰ koonse kwaamba mushome kuli chizandika, alimwi kwaamba ati mube balangisha u bayina kampenda kushikila kubuzuba bwaka Kilisito, ¹¹ kamuzwile muchelo wa bululami wezo wakazhiza kwiita mwa Jeso Kilisito ku bulemu u kulumba Leza. ¹² Inzho ndazanda kwaamba umwe muzhibe, nu bakwesu, checho chakachitika kwangu chasebeza kululamika mulumbe. ¹³ U chakachita, incheetani muli Kilisito shakazhiza atuba moonse mubusena bwa mwami alimwi u kuli boonse. ¹⁴ Bamwi bakwesu bakakwatisha mu Mwami u kaambo ka ncheetani shangu, bamana tabazhoka munshi chakuleka kutiya kwaamba izwi. ¹⁵ Bamwi chini chini balakambauka Kilisito kwiita mumunyono alimwi u kuzanda kukazhanya, alimwi bamwi kwiita mu bubotu. ¹⁶ Bamwi balachichita kwiita mulufwuno, kabezhi kwaamba ati Ume ndakabikwa kono ku kulikwabilila kwa mulumbe. ¹⁷ Pele babo bamwi bakambauka aka Kilisito balachita bobo kwiita mu bushikalifwune, kutali mubwini pe. Balatelaika kuti balazungila kumapenzhi angu lelyo Ume ninchili mwaange macheni. ¹⁸ Chili buti? Kufwumbwa muchaya-- nikuba kuhwila munzhila itali njiyo naaba munzhila yabwini--Kilisito ulakambaukwa, amana muli chechi Ume ndabotelwa. Ee ye, alimwi Ume ndakabotelwa, ¹⁹ Ume ndizhi kwaamba ati chilakahwililila mukwaanguluka kwangu kwiita mukukomba kwenu alimwi u kuyohwewa u Moza waka Jeso Kilisito. ²⁰ Koku nku kuzandisha u kulindila alimwi u bulindizhi bwangu kwaamba ati Ume kwiina inzhila yezho njiya kuyanina mo kuusa, pele u kushanchila kwangu, kuhwa ninzho u kwa lyoonse, Kilisito ulakasumpulwa mukati ka mubili wangu, nikuba mu mulilo naaba mu lufwu. ²¹ Ume kwangu kupona ngu Kilisito alimwi kufwa nimpindu kwangu. ²² Pele naakuti ndishikupona mu mubili, ati mbusebezhi bubotu kwangu. No nchichiliye nchinkonzha kusala? Ume nshichizhi. ²³ Kaambo Ume shampenzha shintu shobile. Shesho nshizandisha shikuhwe kwangu nshaale bulyo u Kilisito, chalo nchichibaala kuba kabotu, ²⁴ pele kushaala mu mubili chilazandika u kaambo kenu. ²⁵ U kuti ndazulwa kuli chechi, Ume ndizhi kwaamba ati ndakalilila u kutolelela amwe noonse, kuhwililila alimwi u kubotelwa mulushomo, ²⁶ kwaamba ati muli Ume mukwatile mo chakwaamba u kulisumpula mwa Kilisito Jeso lelyo ndakazhiza kwenu alimwi. ²⁷ Amulilemeke mubukale bwenu bwalo bweendelana u mulumbe waka Kilisito, nikuba Ume ndakazhiza kumulingula naaba ndataakwiko, ndakaateelela enu, kwaamba ati mulizhimine nchi mu moza womwi, u muzeezo womwi u kuyohwana antoomwi mulushomo lwa mulumbe. ²⁸ Mutabi nimuya kufwa bukandu kuli koonse kuli babo balo mbumukazhanyana abo. Chechi nchitondezho kuli babo mbubaya kuzonaunwa, pele lolu ndufwutuko lwenu--chechi chilahwa kwa Leza. ²⁹ Kaambo mwakapewa nchabulyo kwenu u kaambo kaka Kilisito kutali bulyo kushoma mwakwe, pele u kupenga kaambo kakwe, ³⁰ u kaambo kepenzhi lelyo lyalo ndimwakabona mwangu, awa ninzho mulapupulala mwangu.