¹ Jude, musebezhi wa Jesu Kilisito alimwi munina Jemusi, ukuli babo betiwa, bafunwa muli Leza Taata ubikilwe kwa Jeso Kilisito: ² Luse u luumuno alimwi u lufuno luhule muli umwe. ³ Nubafunwa, lelyo nindakusola kumulembela makani a lufutuko, ndakamulembela kumukulwaizha kwamba muzume mu lushomo lwakapewa lweendo lutaanzhi kuli bana Leza basalala. ⁴ Ukuti bantu bamwi benjila cakuzubaila akati kenu. Baba bantu kabahulilwa kumafunze. Baba mbantu batazanda inzhila ya Leza balo bakachincha luse lwa kutola mumatelaishi abo, alimwi bakamutama Mwami alimwi mufutuli, wesu Jeso Kilisito. ⁵ Inzho ndazanda kumuzhibalusha umwe - nikuba kuti aza mwakweezhi kale - kwaamba Mwami wakafutula bantu kuvwa muchishicha Egypt, pele kumane wakayaya babo bataka kushoma. ⁶ Alimwi, bangelo batakachita mulimo wabo, pele bakashiya busena bwabo bubotu - Leza uli bangile mu macheetani mu mushinze kulindila bubeteshi mu buzuba bolya. ⁷ Sododma u Gomola u minzhi yakuzhingulukile bakalyaba ku kuchita mamambe alimwi uku shiyanza sha buhuule. Chechi nchitondezho cha chisubulo cha mulilo utamana. ⁸ Nikuba kuti, munzhila ikozhenye babo bashikulota basofwaazha mibili yabo. Balakaka bwendelezhi alimi balabazonauna babo basale. ⁹ Pele naba Maiko mukando wa bangelo, chiindi naka kukazhanya u shatani ukutatelezhanya aze ku makani a mubili wa Mozesi, wiina nakazanda kuleta bukosozhi butasumene kuli nguwe, pele wakamwambila ati, "Mwami nakulemanine!" ¹⁰ Pele baba bantu balatukana kufumbwa nchiba tateleleshi ukoya banyama baina maanu, sheshi inshisho shintu shibazonauna. ¹¹ Mawe kuli mbabo! Ukuti bendela munzhila ya Kaini alimwi bendela mwa Balamu. Bafwilamwa Kola. ¹² Baba bantu balabisha mapobwe enu a lufuno, balalya amwe cakubula bukando- bembezhi balisanina lwabo beni. Balo makumbi aina imvula apepululwa u muuwo; masamu a mupeyo, atezha michelo- afwile kobile, azyukile. ¹³ Balo mankwishita atizha alwatele, baliletela beni insoni; intongwezhi shizhunga, shalo shisungililwe mushinze shikwense. ¹⁴ Enoki, walo wa ciloba ku banakwe Adamu, wakaba shinshima, ulaamba ati, "Amulange! Mwami uleza u shuulu shuulu sha bantu basalala. ¹⁵ Uleza kubeteka boonse bantu. Uleza kupa cisubulo boonse babo batamutiyi Leza umichito ukuchita shitaluleme, alimwi u mazwi mabiyabi ngubakamwita mwanaamuntu. ¹⁶ Buba mbu ba shimafunze, bashi kutongauka,bashi kuchilila mizeezo ya shibi shabo. Milomo yabo ilali kankaizha ukuchenga bantu. ¹⁷ Pele umwe, nubafunwa amutelaike mazwi ngubakaamba batumwa ba Mwami Jesu Kilisito. ¹⁸ Bakamwaambila ati, "Kumamanino kulakaba basampauzhi bati bakatobele mizeezo yabo beni itali ya Leza." ¹⁹ Baba imbabo baleta kwandaana; mbana luundu alimwi baina Moza. ²⁰ Pele umwe, amukomene mu lushomo lusalala, alimwi mukombe mukombe mu Moza Usalala. ²¹ Amukale mu lufuno lwa Leza alimwi amulindile lushomo luse lwa Mwami Jeso Kilisito lwalo lumuletela buumi buteeli. ²² Amubafwile luse babo bashinshanya. ²³ Amufutule bamwi mukubavuna kuvwa mu mulilo; kuli bamwi amutondezhe luse u bukandu, kusula u chikobelo chakasofwazhiwa u bunyama. ²⁴ Inzho kuli wezo ukonzha kumusunga kwaamba mutalebwa alimwi ukwaamba muchikonzhe ku kuzhima kumbele lya bulemu bwakwe kamusalele ukubotelwa, ²⁵ kwa Leza womwi nana mufutuli wesu mwa Jesu Kilisito, kube bulemu bukando, bwendelezhi, alimwi iinsana, chiindi choonse, inzho alimwi u lyoonse. Ameni.