Chaandano 8
1
Jeso wakaya kulupili lwa Olivisi.
2
Chifwumo fwumo wakashika kuchikombelo alimwi, amana bantu boonse bakazhiza; wakakala anshi amane wakatali kubayiisha.
3
Balembi alimwi uba Falisi bakaleta mukaintu wakakwatwa ulachita bumambe. Bakamukalika mukati .
4
Bamane bakaamba kwakwe ati, "Mwiiyi, wezu mukaintu wakwatwa ulachita bumambe.
5
Inzho mumulawo, Mozesi wakatushimwina kuyasa mabwe muntu uuli ukoya wezu; Ulaamba buti uwe kwakwe?"
6
Bakaamba bobo kwaamba ati bamuteye kutewa bakwate a kumubeeshzeha aali nguwe, pele Jeso wakakotama amane wakalemba anshi u munwe wakwe.
7
Awo nibakatolelela kumubuzha mibuzho, wakazhimuka amane wakaamba kwabo ati, "Umwi wenu akati kenu wezo uyina chibi, Naabe wakutaanguna kuyasa ibwe aali nguwe."
8
Alimwi wakakotama anshi, amane wakalemba anshi u munwe wakwe.
9
Awo lelyo nibakachiteelela, bakaahwa womwi womwi, kutalikila kumukandosha. Kumamanino, Jeso wakashaala iche, antoomwi u mukaintu wakaakuli mukati.
10
Jeso wakazhimuka amane wakaamba kwakwe ati, "Mukaintu, mbalikwi bashikukubeesha? Saa kuli umwi shikukubisha?"
11
Wakaamba ati, "Kwiina naaba womwi, Mwami." Jeso wakaamba ati, "Ame nshikubisha bisha. Koya u takachiti chibi linji."
12
Alimwi Jeso wakaamba kwabo, waamba ati, "Ume ndime mumuni wa luundu; wezo woonse u nchilila wiina naati a keende mumushinze pele ulakakwata mumuni wa bumi."
13
Ba Falisi bakaamba kwakwe ati, "Ulapa bumboni bwako u mwini; bumboni bwako tabuli bwa bwini."
14
Jeso wakayingula amane wakaamba kwabo ati, "Nikuba kuti ndapa bumboni bwangu ndimwini,bumboni bwangu mbwa bwini. Ume ndikwizhi kundakahwa alimwi ndikwizhi Ume koko nkwinja, pele umwe tamukwizhi koko ume nkwindakahwa alimwi tamukwizhi u koko nkwinja.
15
Mulabeteka kwiingayina u mubili; Ume kwiina ngwimbeteka naaba womwi.
16
Amana Ume kuti ndabeteka, kubeteka kwangu nkwabwini kaambo Ume nshili iche, pele Ume ndili u Taata wezo wakantuma.
17
Ee ye, amana mumulawo wenu kulilembelwe kwaamba ati bumboni bwa bantu bobile mbwa bwini.
18
Ume ndime wezo upa bumboni bwangu ndimwini, amana u Taata wezo wakantuma u lapa bumboni bwangu."
19
Bakaamba kwakwe ati, "Anu uso ulikwi?" Jeso wakabayingula ati, "Tamwinzhi ume naaba Taata; kuti nimwaankwizhi ume, nimwaakumwizhi u Taata aze."
20
Wakaamba aza mazwi muchizobolelo lelyo naakaakuyiisha muchikombelo, amana kwiina wakamukwata kaambo chiindi chakwe kachitana kushika.
21
U bobo alimwi wakaamba kwabo ati, "Ume ndaya ndamushiya; mulakankapula amana mulakafwila mushibi shenu. Koko Ume nkwinja, tamukonzha kuya ko."
22
Ba Juda bakaamba ati, "Saa ulazanda kuliyaya? Saa nchichecho nchaambila ati, 'Koko nkwinja tamukonzha kuya ko'?"
23
Jeso wakaamba kwabo ati, "Umwe mulahwa anshi, Ume ndahwa mwizeulu. Umwe muli bamuluundu lono; Ume nshili wa luundu pe.
24
U bobo, Ume ndakaamba kwenu kwaamba ati mulakafwila mushibi shenu, Chita kuti mwashoma kwaamba ati Ume ndime wezo, mulakafwila mushibi shenu."
25
Bakaamba ninzho kwakwe ati, "Ndiweni anu?" Jeso wakaamba kwabo ati, "Checho Ume nchindamwaambila kuhwa kumatalikilo.
26
Ume ndikwete shintu shinji shinji shakumwaambila alimwi u kumubeteka enu umwe. Nikuba bobo, wezo ume wakantuma ngwa bwini; alimwi shintu shesho ume nshindakateelela kuhwa kwakwe, nshisheshi nshing'amba kuluundu."
27
Bayina nibakateelela nshaakwaamba kwabo ati nshaka Ushi.
28
Jeso wakaamba ati, "Lelyo mwakamusumpula Mwanaa Muntu, awo mulakazhiba ati Ume Ndime Wezo, alimwi nshichiti shangu ndimwini. Mbubona Taata mbwaakanjiisha, Ume mwing'ambila shintu sheshi.
29
Wezo walo wakantuma uli ame, amana wiina kunshiya iche, kaambo lyoonse ndachita checho chimubotela."
30
Awo Jeso naakaakwaamba shintu sheshi, banji banji bakashoma mwakwe.
31
Jeso wakaamba kubabo ba Juda balo bakamushoma ati, "Naakuti mwakalilila mumazwi angu, ati muli bashichiiya bangu ba bwini;
32
amana mulakabuzhiba bwini, amana bwini bulakamulubula."
33
Bakamwingula ati,"Tuli bamukowa waka Abulahamu amana twiina nitwakaba bazhike baumwi pe; No ulakonzha kwaamba buti ati, 'Mulakalubulwa'?"
34
Jeso wakabayingula ati, "Chini, chini, Ume ndaamba kwenu, Woonse wezo u chita chibi muzhike wa chibi.
35
Muzhike takalilila mung'anda kwa lyoonse; mwana ulakalilila kwa lyoonse.
36
U bobo, kuti Mwana wakulubula, ati walubulwa mu bwini.
37
Ume ndizhi kwaamba ati muli mukowa waka Abulahamu; mulakapula kunjaya kaambo mazwi angu ayina busena mukati kenu.
38
Ume ndaamba checho nchindakabona kwa Taata, alimwi amwe mulachita checho nchimwakateelela kwaushenu."
39
Bakayingula bamane bakaamba ati, "Uswe ushesu ngu Abulahamu." Jeso wakaamba kwabo ati, "Naakuti nimwaakuli banakwe Abulahamu, nimwaakuchita michito yaka Abulahamu.
40
Pele, mulakapula kunjaya, muntu wezo wakamushimwina bwini bobo Ume mbundakateelela kuhwa kwa Leza. Abulahamu wiina naakachita chechi.
41
Mulachita michito yaka ushenu." Bakaamba kwakwe ati, "Twiina nitwazhalilwa mubumambe; tulikwete ushesu womwi; Leza."
42
Jeso wakaamba kwabo ati, "Naakuti Leza naakuli ushenu, nimwaakumfwini, u kuti Ume ndakahwa kwa Leza amana ndime ano; ndiina Ume indakahwa kwangu ndimwini, pele wezo wakantuma.
43
Kaambooyi nchimutaateelelesha mazwi angu? Nchichecho tamulozha kwaateelelesha mazwi angu?
44
Umwe muli baka ushenu, musangushi, amana mulazandisha kuchita luzando lwaka ushenu. Kali muyazhi kuhwa kumatalikilo alimwi talozha kuzhima a bwini kaambo kwiina bwini mwakwe. Awo aamba shakuchenga, ulaamba kuhwa kubube bwakwe kaambo mubeshi amana ngu ushi wa bubeshi.
45
Amana, kaambo Ume ndaamba shabwini, umwe tamulozha kunshoma.
46
Nguni wenu umwe unjanina shibi? Naakuti Ume ndaamba shabwini, Kaambooyi umwe nchimutanshomi?
47
Wezo woonse waka Leza ulateelela mazwi aka Leza; tamwaateeleli kaambo tamuli baka Leza."
48
Ba Juda bakamwiingula bamane bakaamba kwakwe ati, "Saa tatuli bwini twaamba ati uli mu Samaliya alimwi ulikwete musangushi?"
49
Jeso wakabayingula ati, "Ume ndiina musangushi, pele Ume ndalemeka Taata, amana umwe mulangubausha.
50
Ume nshikapula bulemu bwangu; kuli womwi u kapula alimwi u kubeteka.
51
Chini, chini, Ume ndaamba kwenu ati, naakuti umwi wabamba mazwi angu, wiina naati a kabone lufwu."
52
Ba Juda bakaamba kwakwe ati, "Inzho twazhiba kwaamba ati ulikwete musangushi. Abulahamu alimwi ubashinshimi bakafwa; pele ulaamba ati, Naakuti umwi wabamba izwi lyangu, wiina naati a kasole lufwu.'
53
Uwe tuli mukandosha kubaala ushesu Abulahamu wezo wakafwa, saa imbo? Bashinshimi abo bakafwa. Anu uwe ulalibika lwako ati ndiweni?"
54
Jeso wakayingula ati, "Naakuti ndalilemya lwangu ndimwini, ati bulemu bwangu bwiina mbububele; ngu Taata nguundemya ume---amana umwe ngumwaamba ati ngu Leza wenu.
55
Mwiina nimwakamuzhiba pe, pele Ume ndimwizhi,. Naakuti Ume ndaamba ati, 'Ume nshimwizhi,' Ati Ame ndaba ukoya umwe, mubeshi. Nikuba bobo, Ume ndimwizhi alimwi ndabamba izwi lyakwe.
56
Ushenu Abulahamu wakabotelwa naakabona buzuba bwangu,; wakabubona amana wakabotelwa."
57
Ba Juda bakaamba kwakwe ati, "Uwe tunakushika kale ku myaka makumi osanwe, amana ati wakamubona Abulahamu?"
58
Jeso wakaamba kwabo ati, "Chini, chini, Ume ndaamba kwenu ati, katana kubawo Abulahamu, Ume Ndakaakuliko."
59
Bamane bakabweza mabwe kwaamba bamuyase, pele Jeso wakazuba amane wakamuhwa muchikombelo.