¹ "Ume ndime musaansa mwini mwini, walo Taata ngushimuunda. ² Ulakusha kufwumbwa mutabi uuli mwangu wezo walo uteezha muchelo, alimwi ulakokolela woonse mutabi wezo uuyezha muchelo kwaamba ati ulozhe kweezha michelo imwi. ³ Mulasalala kale u kaambo kamulumbe wezo Ume ngundakaamba kwenu. ⁴ Amukalilile muli ume, alimwi Ame muli umwe. Mbubona awo mutabi mbuutalozha kweezha muchelo wini chita bulyo kooli kumusaansa, ubobo nikukaba umwe, chita mukalilile muli ume. ⁵ Ume ndime musaansa, umwe muli mitabi, Wezo ukalilila muli ume ame muli nguwe, uleezha michelo minji minji, ubobo u kwiina ume kwiina nchimukonzha kuchita. ⁶ Naakuti umwi takalilila mwangu, ulasweewa ukoya mutabi u kuzuma, baleebungika mitabi ukwiisowela mumulilo, yamana ilakapiya. ⁷ Naakuti wakalilila muli ume, alimwi naakuti mazwi angu akalilila mwako, kumbila kufwumbwa checho nchuuzanda, chilakachitwa kwako. ⁸ Taata ulalemekwa muli chechi, kwaamba mweezhe michelo minji minji alimwi mulibonye kwaamba muli bashichiiya bangu. ⁹ Mbubona Taata mbwaakafwuna ume, Ame mbubona ndimufwini. Amukalilie mulufwuno lwangu. ¹⁰ Naakuti mwaabamba malailile angu, ati mulakalilila mulufwuno lwangu, mbubona Ame mbundakabamba malailile aka Taata u kukalilila mulufwuno lwakwe. ¹¹ Ume ndaamba kwenu shintu sheshi kwaamba kubotelwa kwangu kube mwenu kwaamba ati kubotelwa kwenu kuzulile. ¹² Aza ngumalailile angu, amufwunane uumwi umweenzhiina mbubona mbundaa kumufwini. ¹³ Kwiina naaba womwi ukwete lufwuno lubaala lolu--kwaamba umwi abike bumi bwakwe u kaambo kabeenzhiina. ¹⁴ Muli beenzuma naakuti mwachita shintu shesho nshindakamulailila. ¹⁵ Ndiina linji Ume ninkamwita linji busebezhi, kaambo musebezhi tazhibi shimatwangaakwe nchaachita. Ume ndamwita ati muli beenzuma, choonse checho nchindakatelela kuhwa kwa Taata Ume ndakamuzhibya. ¹⁶ Umwe mwiina nimwakansala ume, pele Ume ndakamusala u kumubika kwaamba ati muye mukeezhe michelo, kwaamba michelo yenu ikakalilile. Chechi chili bolya kufwumbwa checho nchimwakumbila kwa Taata mwinzhina lyangu, ulakamupa. ¹⁷ Sheshi shintu ndamulailila, kwaamba ati amufwunane uumwi umweenzhiina. ¹⁸ Naakuti luundu lwamusula, amuzhibe kuti kalunswile kalutana kumusula umwe. ¹⁹ Naakuti muli bana luundu, luundu nilwaakumufwini ukoya bandulo. Pele kaambo tamuli bana luundu u kuti Ume ndakamusala kuhwa muluundu, ubobo luundu luli muswile. ²⁰ Amutelaike izwi lelyo Ume ndinda kamwaambila, 'Musebezhi tali mukando aali shimatwangaakwe.' Naakuti bampenzha ume, balakamupenzha amwe; naakuti balibamba izwi lyangu, balakalibamba alyo izwi lyenu. ²¹ Balakashichita sheshi shintu shoonse kwenu u kaambo kezhina lyangu, kaambo tabamwizhi wezo wakantuma. ²² Kuti Ume indatakazhiza u kwaamba abo, nibakaakwiina chibi, pele ninzho baina bulilekelele kushibi shabo. ²³ Wezo uswile ume ulimuswile u Taata. ²⁴ Naakuti indatakachita milimo yezho kwiina naaba womwi wakeechita akati kabo, nibaakwiina chibi, pele ninzho babona u kusula ume u Taata. ²⁵ Pele chechi chilyeelele nkuzuzukizha izwi lelyo ilembe mumulawo wabo, 'Bakansula bulyo bwiina kaambo.' ²⁶ Lelyo muyohwi naaya kuzhiza--wezo Ume ngwinkakatuma kwenu kuhwa kwa Taata, wezu ngu moza wabwini, wezo uuhwa kwa Taata--ulakapa bumboni aali ume. ²⁷ Umwe amwe mulyeelele kupa bumboni, kaambo mwakaakuli ame kuhwa kumatalikilo.