¹ Inzho kakutana kushika chepobwe lyakwiitilila. Jeso kezhi kwaamba iwoola lyashika lyakumuhwa mono muluundu kwaamba aye kwa Ushi. Ukuti kabafwini bakwe mwini babo bakaakuli muluundu, wakabafwunina limwi kushika kumamanino. ² Awo mubiyabi kachibikile kale mumunzo waka Judasi Sikaliyoti mwanakwe Simoni, kumwaba Jeso. Awo nibakaakulya, ³ Jeso--kezhi kwaamba ati Ushi wakamupa shoonse shintu mumatashi akwe alimwi ati wakahwa kwa Leza alimwi ulakabweela kwa Leza-- ⁴ wakazhimuka awo ngubakaakulya wasamununa chikobelo chakwe nchaakakusamine cheezeulu. Amane wakabweza itaulu walizambaila mwini. ⁵ Amane wakununa meenzhi mumutiba usambila wakatalika kusanzha matende a bashichiiya bakwe u kwakunkumuna iitaulu lelyo ndyaakalizambaila. ⁶ Wakashika ngaakubele Saimoni Pita, walo Pita wakaamba ati, "Mwami, sa ulaasanzha matende angu?" ⁷ Jeso wakamwiingula waamba kwakwe ati, "Chechi Ume chinchita tukonzha kuchiteelelesha ninzho, Pele ulakachiteelelesha chakashika chiindi." ⁸ Pita wakaamba kwakwe ati, "Wiina nuukaasanzha matende angu." Jeso wakamwiingula ati, "Kuti Ume ndatakusanzha, ulabula chaabilo kwangu." ⁹ Saimoni Pita wakaamba kwakwe ati, "Mwami, utansanzha bulyo chifwumba changu, chita kumatashi u kumutwi." ¹⁰ Jeso wakaamba ati, "Wezo woonse wasamba kale talangilwa alimwi, chita bulyo kusanzha matende akwe, u kuti ulasalala kale chakumaninina; ulasalala, pele kutali noonse." ¹¹ (U kuti Jeso kamwinzhi wezo uuya kumwaba; nkukako nchaakaambila ati, "Tamuli noonse nimusalala.") ¹² Iinzho lelyo Jeso nakamana kubasanzha kumatende u kubweza masani akwe wakakala anshi alimwi, waamba nkubabele ati, "Sa mwachizhiba chechi nchindachita kwenu? ¹³ Mulenta ati 'mwiiyi' u 'Mwami,' alimwi mulaamba kabotu, kaambo Ume mbwimbele. ¹⁴ Naakuti Ume, ndimwami ndimwiiyi, ndasanzha matende enu, mulyeelele amwe kusanzha matende aumwi uumwi. ¹⁵ Ukuti Ume ndamupa chitondezho kwaamba umwe mulyeelele kuchita mbubona Ume mbundamuchitila. ¹⁶ Chini, chini, Ume ndamushimwinina, musebezhi tali mukando aali shimatwangaakwe; naaba mutumwa kuba mukando aali wezo wakamutuma. ¹⁷ Naakuti mulishizhi shintu sheshi, muli balonjezhe naakuti mwashichita sheshi. ¹⁸ Nshaamba enu noonse pe; Ndibezhi babo balo mbwindakasala--pele chechi chili bolya kwaamba malembe azuzukizhiwe: 'Wezo walo uulya chinkwa changu ati wabusha inkondo ame.' ¹⁹ Ndamushimwina chechi ninzho kachitana kuchitika kwaamba lelyo chakachitika, mukashoma kuti NDIME. ²⁰ Chini, chini, Ume ndamwaambila, woonse watambula wezo Ume ngundakatuma ati wantambula, amana woonse wezo watambula ume watambula u wezo wakantuma." ²¹ Lelyo Jeso naakaamba chechi, wakapenga mumoza. Wakalyaambilila waamba ati, "Chini, chini, Ume ndamwaambila kwaamba umwi wenu ulaka ngaba," ²² Bashichiiya bakalangana beni ubeni, bakalitelaikila aali wezo ngwaakakwaamba. ²³ Umwi wa bashichiiya bakwe, wezo Jeso ngwaakaakufwini, kalele anshi kwitebulu kuluya lwakwe Jeso. ²⁴ Saimoni Pita wakaambila wezu shichiiya waamba ati, "Mubuzhe nguni ngwaamba." ²⁵ Ngoona wakaswena kufwaafwi u Jeso waamba kwakwe ati, "Mwami, nguuliye?" ²⁶ Awo Jeso wakaingula, "Nguwezo walo Ngu nkabwengela kapazha ka chinkwa u kumupa." Lelyo naakabwenga chinkwa, wakachipa kwa Judasi mwanakwe Saimoni Sikaliyoti. ²⁷ Awo naakachimana chinkwa, Satani wakamunjila, ngoona Jeso wakaamba kwakwe ati, "Nchiiyi nchuuchichita, chichite kufwaambaana." ²⁸ Inzho kwiina naaba womwi waakuli kwitebulu wakazhiba nchaakaambila bobo kwakwe. ²⁹ Bamwi bakatelaika ati, ambweni Judasi mbwaakaakukwata inkomo ya mali, Jeso wamwaambila ati, "Akaule shesho nshituzanda kuya kusebezha kwipobwe," Naa kwaamba ambweni ukalapa shintu kubapushi. ³⁰ Naakamana Judasi kutambula chinkwa, wakamuhwa ngoonaawo. Kaali mashiku. ³¹ Awo Judasi naakaya, Jeso wakaamba ati, "Inzho Mwanaa Muntu walemekwa, u Leza walemekwa kwiita mwakwe. ³² Naakuti Leza walemekwa kwiita mwakwe, Leza aze ulalemeka mwanakwe kwiita mwakwe, alimwi ulamulemeka ngoonaawo. ³³ Nubana bashoonto, Ndaakulyaamwe bulyo kwakaindi kashoonto. Mulakankapula, u koya Ume mbundakaamba kuba Juda, 'Ume koko nkwinja, tamukonzha kuya.' Inzho amwe ndaamba chechi kwenu. ³⁴ Ume ndamupa mulawo mupiya, kwaamba mulyezhi kufwuna uumwi umweenzhiina; mbubona mbundakamufwuna, ubobo amwe mulyeelele kufwunana uumwi umweenzhiina. ³⁵ Mwachita bobo boonse balakazhiba kwaamba muli bashichiiya bangu, mwaakukwete lufwuno uumwi ku mweenzhiina. ³⁶ Saimoni Pita wakaamba kwakwe ati, "Mwami, anu ulayakwi?" Jeso wakaingula, "Koko Ume kwiinja, tamukonzha kunchilila ninzho, pele mulakanchilila luzhiza." ³⁷ Pita wakaamba kwakwe ati,"Mwami, kaambooyi nshikonzha kukuchilila ninzho? Ndapa bumi bwangu aali uwe." ³⁸ Jeso wakamwiingula ati, "Ulapa bumi bwako aali ume? Chini,chini, Ume ndakwaambila, mukombwe katana kukokoloka ulankaka shiindi shotatwe."