¹ Mwibuka lyakutanguna ndakalemba, Teyafilasi, wabashimwina shoonse Jeso shakanka kuchita ukuyiisha, ² mpaka kushikila buzuba mbwakatolwa kwizeulu, nakaman kubapa malailile mu Moza Usalala kubatumwa mbakasala. ³ Amane kupenga kwakwe, wakalitondezha mwini nkubabele kshintu shandene-andene. Kwa mazuba ali makumi one kulibonya kuli mbabo, ukwamba shabwami bwa Leza. ⁴ Nakakuli mumuswangano abo, wakabalailila kwamba batamuvwi mu Jelusalema, pele mulindilile chishomezho cha Taata, checho nchakaamba, "mwakatelela kuvwa kwangu ⁵ ati Johani wakaku papatiza umeenzhi, pele mulaka papatizwa u Moza usalala mumazuba mashoonto." ⁶ Nibakakubungene antoomwi bakamubuzha ati, Mwami, sa chechi nchiindi chakuzhola bwami bwa Izilaeli?" ⁷ wakabambila ati, "Tachili chiindi chenu chakuzhiba chiindi nichikaachitika Taata nchabikile mwini munsana shakwe. ⁸ Pele mulakatambula insana chiindi Moza Usalala wakashika kwenu, alimwi mulakaba bakamboni bangu moonse mu Jelusalema umu Judeya alimwi umu Samaliya, alimwi ukushika kumamanino anshi." ⁹ Nakamana Mwami Jeso kwaamba sheshi shintu, nibakakulangile mwizeulu, wakatolwa mwizeulu, ngoona ikumbi lyakamuhumba kuvwa kumenso abo. ¹⁰ Nibakuchilangile kwizeulu na kaya, ndilyona , bobile balombwana bakazhima nkubakubele balisamine shisani shituba. ¹¹ Bakaamba,"umwe nubalombwana bamu Galileya, Nkaambo nzhi nchimuzhimine kono ukulanga kwizeulu?Wezu Jesu watolwa kwizeulu kuvwa kwenu, ulakazhoka muchiyanza mumona mumwabunena kuya kwizeulu." ¹² Ngona bakapiluka ku Jelusalema kuvwa ku lupili lwitwa Olivisi, lwalo luli kufwaafwi u Jelusalema, musinzo wa buzuba bwa Muchibelu. ¹³ Chiindi nibakashika, bakaya mun'ganda ya mwizeulu, mubakakukala.Kabali Pita, Johani, Jemusi, Andulu, Filipo, Tomasi, Batolomeu, Matayo, Jemusi mwanakwe Alufiyasi, Saimoni waku Zeloti, u Judasi mwanakwe Jemusi. ¹⁴ Boonse kabalyabile ukukwata muzeezo womwi wakukomba, antoomwi uba makaintu u maliya baina Jeso, ubanina balombwana. ¹⁵ Mumazuba azo Pita wakazhima akati ka balombwana banina ,antoomwi kabataleli ku mwaanda womwi umakumi obile, amane wakaamba, ¹⁶ "Nubakwesu chilyelele kwaamba malembe azuzukizhiwe, walo Moza Usalala mbuwa kaamba kwitila mu mulomo wa Devidi kumakani aJudasi, wakasololela bakakwata Jeso. ¹⁷ Ukuti kali umwi wesu wakatambula chabilo ku mulimo." ¹⁸ (Wezo mulombwana wakaula muunda kumali ngakayana kububiyabi, koko wakawa wattola chamutwi, amana mubili wakwe wakanduka, ubula bwakwe boonse bwakavwa ansengwe. ¹⁹ Boonse bakakukala mu Jelusalema bakaatelela makani aza, inzho bakaulika muunda wezo mumushobo wabo "Akeledama,"Muunda wa Bulowa.") ²⁰ Ubobo chililembelew mwibuka lya Intembauzho, 'Amuleke muunda wakwe ukabe muunda wiina nukakala muntu linji'; 'Akube muntu uumwi ukabweza busena bwakwe bwabusololi.' ²¹ Chilyelele, ubobo, kwaamba ati umwi wabalombwana mbutwakuba abo choonse chiindi Mwami Jeso nakakwiza ukuya akati kesu, ²² kutalikila kulupapatizo lwa Johani kushikila buzuba nakatolwa kwizeulu kuvwa kwesu, abe kamboni antoomwi aswe kumakani abubuke bwakwe." ²³ Bakabika kumbele balombwana bobile, Josefa wakwiitwa Basabbas, limwi kabamwiita ati Jusitusi, alimwi u Matiyasi. ²⁴ Bakakomba ukwaamba ati, "Uwe, Mwami, ulizhi myozo yabantu boonse, tutondezhe akati kabo bobile nguwasala ²⁵ kubweza busena mumulimo wezu u butumwa walo ngwakaleka Judasi ukuya kubusena bwakwe mwini." ²⁶ Bakauma chisolo kuli mbabo, amana chisolo chakawila kwa Matiyasi, amane wakasangana ali bali ikumi u womwi wa batumwa.