¹ Kuvwa ku musololi kuya ku mukaintu ubanakwe, balo mbimfwini mu bwini- alimwi kutali buyo ume, pele ubabo babuzhiba bwini - ² nkaambo ka bwini bukalilila mwesu alimwi bulakuli aswe lyoonse. ³ Luse, inkumbu u luumuno shilakuli aswe kuvwa kwa Leza Taata alimwi u Jeso Kilisito, Mwanakwe Taata, mubwini u luzando. ⁴ Ndibotelelwe ati ndabayana banako bamwi bendela mubwini, mbubona mbutwatambula mulazho wezu kuvwa kwa Taata. ⁵ Inzho ndakulomba, mukaintu - ukutali ukoya ndakulemba kwako mulazho mupiya, pele wezo ngutwakukwete kuvwa ku mataliilo - kwaamba tulyelele kufunana umwi uumwi. ⁶ Lolu ndufuno, kwaamba tulyelele kweenda kwiingaina umilawo wakwe. Wezu inguwe mulawo, mbubona mbumwakatelela kumatalikilo kwaamba ati mulyelele kwendela mumo. ⁷ Ukuti banji banji bashikutepaula baya mu luundu, alimwi baina nibavumina ati Jeso Kilisito wakezila mubunyama. ezu inguwe shikutepaula alimwi u shinkondonina Jeso. ⁸ Amulibonene nubeni, kwaamba ati mwiina nimuswekelwa chintu nchitwakasebenzela, pele kwaamba mukatambule bulumbu bukwene. ⁹ Kufumbwa uya ambele amana takalilila muniisho sha Kilisito tamukwete Leza. Wezo ukalilila munjiisho, wezo ulikwete Taata u Mwanakwe. ¹⁰ Kuti muntu washika kwenu amana taleti kuyiisha koku, mutamutambuli mu maanda enu alimwi mutamwaanzha. ¹¹ Ukuti wezo umwaanzha ulatola lubavu mu michito yakwe ya chibi ¹² Ndikwete shintu shinji shinji shakumulembela, pele nkitazanda kumulembela kusebezha ipepa u inki. Ubobo, ndazandisha kwiza kwenu ukwaamba katubwenene kubushu, kwaamba lutangalo lwesu luzulile. ¹³ Bana ba munyokwenu mukaintu musale umwe bamwaanzha.