¹ Mulai Paulus, hamba Allah lawan rasul kristus Yesus, nang disuruh dami iman orang-orang nang ditunjuk Allah lawan pangalaman handak kabanaran nang mamimpin kapada kesalehan ² angkuhan buhan nya mandapatakan pangharapan hidup kekal, nang manjanjii tumat sabalum panambayaan zaman oleh Allah nang kulir kada suah badusta. ³ pada waktunya ampunya talah maingatakan Firman-nya malalui penghabaran nang talah dipercayaakan ka aku pas lawan suruhan Allah, juru salamat kita. ⁴ kapada Titus, anak nang sah dalam iman kita basamaan. Anugerah lawan damai sejahtera dari Allah, Bapa, lawan Yesus kristus, juru selamat kita. ⁵ karana alasan nyiatih aku maninggalakan kau di kreta, yaitu supaya kau dapat maimbahakan nyapa nang sana handak diatur lawan maangkit penatua-penatua di satiap kota, saparti nang aku pasanakan kasaorang. ⁶ Ampunya angkuhanya orang nang kada balubang, laki dari saikung bini, baisi anak-anak nang parcaya, lawan kada dibawa karana hidup nang kada bermoral atau malawan. ⁷ sabab saorang penilik jemaat angkuhanya saorang nang kada balubang sabagai penalayaan Allah, kada sombong, kada ancap sarik , kada pamabuk, kada katuju bakalahi, lawan kada karang dalam mancari huhujungan. ⁸ kabalikanya, katuju mambarii tumpangan, mancintai nyapa nang maih, batanggung jawab, adil, saleh lawan manjaga diri. ⁹ inya baimbing nahap pada pandiran nang dapat diparcaya, sasuai lawan nang sudah dipadahakan, hingga inya dapat mambarii nasihat manurut pangajaran nang wagas lawan managur buhanya nang malawannya. ¹⁰ sabab, ada banyak orang nang malawan, katuju bapandir kada maih, lawan manipu, khususnya buhanya nang asalnya dari bakompolan orang bersunat. ¹¹ buhanya pantas basunyi mulutnya karana buhanya mangalihi sagalaan saumbunan dangan malajarii hal-hal nang manyupani. ¹² salah sauting dari buhanya, Yaitu nabi buhanya saorang, baucap, ''Dasar orang-orang kreta pandusta kaya binatang buas nang jahat, lawan pelahap nang malas. ¹³ manjanakki nyia banar angkuhanya nyitu, tagurakan buhanya keras supaya buhanya baubah wagas dalam iman. ¹⁴ Jangan mahatiakan kikisan dusta orang Yahudi lawan suruhan orang-orang nang kadahakun kebenaran. ¹⁵ Bagi nang murni, sagalaan adalah murni, Namun, bagi buhanya nang najis lawan kada percayaan, kada ada sauting pun nang murni karana maih pikiran kahandak hati murni buhanya adalah najis. ¹⁶ buhanya mangaku tahu Allah, tetapi dengan kalakuannya buhanya menyangkal Allah. buhanya nyitu singkuduaan, kada, taat, lawan kada sanggup manggawi apa pun nang maih.