³ Habar maih dari Timotius Tentang Jemaat di Tesalonika ¹ Karana itu, katika kami sudah kada tahan lagi, kami mamutusakan hagan bautu saorang haja di Atena. ² lawan mangirim Timotius , dansanak kami lawan pelayan Allah, lawan kawan sagawian kami dalam Injil Kristus, kepada kawu hagan manguatakan lawan maucapi kawu bakaitan dengan iman Kawu, supaya kada ada saorangpun nang digoyahakan ulih kamiyayaan-kamiyayaan ini. Sabab kawu saorangan tahu bahwa kita mamang ditantuakan hagan itu. ⁴ Bahkan, katika kami basama kawu, kami tarus-manarus mahabari kawu bahwa kita pacangan mangalami kamiyayaan, lawan nyitu imbah tajadi nangkaya kawu katahui. ⁵ Ulih karana itu, katika aku kada tahan lagi, aku mautus gasan mangatahui iman kawu. Aku takutan, kalau pina sipanggoda udah manggoda kawu maulah apa nang kami ulah manjadi sia-sia. ⁶ Namun, wayahini, Timotius udah baulik kakami dari wadah kawu, lawan inya mambawa habar maih manganai iman kawu wan sayang kawu hagan kami, bahwa kawu salalu manyimpan kanangan nang maih akan kami wan rindu badapatan wankawu. ⁷ Karana nyitu dansanak-dansanak, dalam sagalaan kangalihan lawan kamiyayaan ini, kami tahibur ulih kawu liwat iman kawu. ⁸ Wayahini, kami hidup pabila kawu jua hidup batajuk taguh dalam Tuhan. ⁹ Sabab, pandiran syukur apa nang kawa kami sampaiakan wan Allah karena kawu, sabagai ganti sagala kahimungan nang kami rasaakan dihadapan Allah karana kawu? ¹⁰ Kadap dawai kami badoa wan bujur-bujur hagan kami kawa batamu lawan kawu, wan kawa malangkapi apa nang masih kurang pada iman kawu. ¹¹ Wayanyia, biarha Allah lawan Bapa saorangan, lawan Yesus, Tuhan kita, nang mairingi jalan kami manuju kawu. ¹² Kiranya TRuhan maulah kawu batumbuh wan hibak dalam kasih akan saorang gasan nang lain, lawan gasan sagalaan urang, nangkaya kami ulah gasan kawu. ¹³ Kiranya Ia managuhakan hati kawu kada bacacat dalam kasucian dihadapan Allah Bapa kita pas Tuhan kita datang, Yesus, basamaan urang-urang kudus-Nya.