Salam dan Ucapan Syukur Paulus ¹ Dari Paulus, Silwanus, lawan Timotius kepada jamaat di Tesalonika nang ada dalam Allah Bapa lawan dalam Tuhan Yesus Kristus. Anugrah lawan damai menyertai kau. ² Kami salalu baucap syukur kepada Allah hagan kau segalaan lawan menyembat kau dalam doa-doa kami, ³ salalu maingat gawian iman usaha kasih, lawan katakunan pangharapan kau didalam Tuhan kita, Yesus Kristus di hagan Allah lawan Abah kita. ⁴ Dangsanak-dangsanak nang disayangi Allah, ketahuilah bahwa ia talah mamilih kau. ⁵ Sabab, injil* kami kada datang kehadapankau dalam ucapan-ucapan saja, tatapi jua dalam kuasa, dalam Roh Kudus*, lawan dengan keyakinan panuh kayak nang kamu katahui orang-orang kayak apakah kami ini dianatara kau, dami kapantingan kawu. ⁶ Kawu talah manjadi orang-orang nang manaladani kami lawan Tuhan karna kawu manarima Firman dalam banyak kasadihan dengan suka cita dari Roh kudus, ⁷ supaya kau manjadi taladan bagi sagalaan orang pacaya di Makedonia lawan Akhaya. ⁸ Sabab dari kawu firman Tuhan bergema bukan hanya di Makedonia lawan Akhaya, malainakan jua di satiap tampa, iman kawu kapada Allah sudah tahaban sehingga kamu kada perlu meucapan apa-apa lagi. ⁹ Sabab buhannya seorangan megisahakan tantang kami bagaimana kau manyambut kami, lawan bagaimana kau tabulik kapada Allah dari barhala-hala hagan malayani Allah nang hidup lawan sidi, ¹⁰ Lawan orang menunggui kadatangan anak-Nya dari surga, nang suda Ia bangkitkan dari antara orang mati, yaitu Yesus, nang manyalamatkan kita dari murka nang akan datang.