¹ Alino naweni ukwikasa iya kwe ndilo lyako wumwi wino wikazile a pachilimba cha wumwene nikope iliwalikwe imbali zyonsi, ilimatwe nivimatwa visano na vili. ² Naweni umungeko uwamaka akukosola nizwi ilya papela, ''Aweni wino angakwansya pakuyula ikope ilivungwe nukulepula ivimatwa?" ³ Nanti wenga mwigulu pamwi nu munsi ya pansi pamwi ukwisika kwansi wino akwanisye pakuyula ikope izingane nukuliwelenga. ⁴ Nalizile nkanikwene pamulandu kutazanikwe nanti wenga wino wali ayule ikope izingane nukuliwelenga. ⁵ Kwene wenga uwaya kalamba watili kuli nene, ''utalila. Lola! inkalamu iya luko lwa wa yuda, wino umusisi wakwe Davide ,awino wacimvya.Awino alinginepakuyula ikope izingane nupya nukumamatula visano na vili vilya." ⁶ Alino naweni umwana wa ng'onzi ayimilile pakasi pa masyo ayachilimba ayachimwene nupya umukasi muvyawumi iviwumbwe vine (4) nupya pakasi pawakalamba. Walolekanga ngati yamukomile. Wali ni mphembe zisano na zili na manso yasano na yayili (7), vino imipasi yisano na yili yakwe Leza yino yatumwa umunsi yonsi iyapansi. ⁷ Wapisile nukuya senda ikope ilizingane lyakwe ndilo lyakwe wilya wino wikazile apacilimba cha wumwene. ⁸ Lino wasenda ikope ilizingane, iviwumbwe vilya vine nayakalamba yalya amakumi yayili na yani (24) yaponyile pamanso ya mwana wa ng'onzi. Wensi wako woliwo walemile ipango nutumbale twakwe golide utuzule nutwakusuka utwa kununtchila, chino ali mapepo ayayanthu ayatele yakwe Leza. ⁹ Yimbile nu lwimbo lupya: ''We wakukwana ukusenda ikope ilizingzne nupya nukulimamatula. Amuno wakomilwe, nupya nuwazi wako wuno wakala ayanthu yakwe Leza ukufuma kuluko lonsi, nukumuvwango, nukuyanthu nupya nu luko. ¹⁰ Wawapanjile uwene nupya nayasimapepo kuno yamuwombele leza witu,nupya yalilamulainsi yapasi.a ¹¹ Alino naweni nukuvwa ichongo cha ya ngeli avule nupya niviwumbwa vya wumi nakalamba yalizizye ichilimba cha mumwene.Nipendwa yali izimbi ishumi(10,0000)nizimbi lya mazimbi ishumi(10,000,000)nupya namazimbi ya mazimbi. ¹² Yapunzile nizwi lya papela ,''uwakulondwa umwana wa ng`onzi wino wakumwa,apochelele amaka,uwukankala,namano,namaka,numuchinzi,nuwuchindame nupya nukutumpulwa.'' <sup>13</sup> Alino nuvwile chonsi ichiwumbwa chino chali ukwi yulu nupya numunsi yapansi nupya nukwisika ukwansi nupya na paliyemba vyonsimulivyolivyo vyatingi,nene ''kuli wino wikala apachilimba cha wumwene ku mwana ng`onzi atumpulwe,numuchidzi,nuwuchindame,nupya nuwulamulilo uwape-nape nupya nape.'' ¹⁴ Iviwumbwa vine ivya wumi vyatanji,''Amene!'' nakalamba yaponyile a pansi nukumupepa.