¹ Alino naweni ichinyama chikutumphuka ukufuma muli yemba.Chali ni mphembe ikumi (10) ni mitwe yisano na yili (7).Pa mphembe zyakwe pali imphumphu ikumi, nukuti pamutwe wuli wonsi pali izina lya musamu. ² Ichinyama chii chino naweni chali ngati inangu. Iviwutu vyakwe vyali ngati iviwutu vyakwe chiwuli, Nukuti umulomo wakwe wali ngati umulomo wa nkhalamu. Inzoka yachipile amaka yakwe,ichilimba chakwe, ni nsambu zyakwe izikalamba izya wuteko. ³ Umutwe wonga pa mitwe ya chinyama wali ni chilonda cha wufwe, kwene ichilonda cha wufwe chilya chapozile.Insi yonsi yazungwike lino yikukonkha ichinyama. ⁴ Nawokwene yachipefile ichinzoka, pakuti wapile insambu zyakwe ku chinyama. Yachipefile ichinyama,nawokwene,nukuti yavwanganga ukuti, "Aweni wino ali ngati ichinyama?''nukuti "Aweni wino angalwa nacho?" ⁵ Ichinyama chapilwe umulomo wakuvwanga amazwi yakuyitumvya na ya musamu.Chazumilizike ukuwombela insambu pa myezi amakumi yani na twili (42). ⁶ Alino ichinyama chayuzile umulomo wakwe pakuvwanga ivyakumusamula Leza_ukusamula izina lyakwe,amalo yano akayikala, nayano yakayikala mwiyulu. ⁷ Ichinyama chapilwe amaka yakulwila inkhondo na yanthu ayatiswe yakwe Leza nukuti chiwachimvye. Nakupya, chapilwe insambu pa luko lonsi,ayanthu,umuvwango,ninsi. ⁸ Wonsi yano yakayikala munsi yapansi yalichipepa,wensi wino izina lyakwe litawalikwa,ukufuma pano insi yelewilwe,mwibuku lyawumi lino lyaya numwana wang'onzi wino wakomilwe. ⁹ Ndi wumwi ali ni kutwi, lekini awuvwe. ¹⁰ Ndi wumwi uwakutoleka ukuya kuwuzya,kuwuzya aliya.Ndi wino uwakukomwa na panga,alikomwa na panga.Paa pali ulwamo lwa yakutonthelela umwakujimba ni suwilo lya yanthu ayatiswe yakwe Leza. ¹¹ Apano naweni ichinyama chuze chikutumphuka ukufuma munsi. Wali ni mphembe zili ngati umwana wa ng'onzi, nupya chavwanganga ichinzoka. ¹² Wawomvyanga insambu zyonsi izyachinyama chakutalika pamanso yakwe, nupya chapanjisizye insi na yano yikala mwenemo ukuti yapepa ichinyama chakutalika_chino ichilonda chakwe cha kumfwa chapozile. ¹³ Wapanzile ivizungusyo ivyamaka. Wapanjisyanga nukuti umoto wusamuke wize pansi munsi yapansi ukufuma mwiyulu pamanso ya yanthu. Muvimanyilo wapilwe amaka mumalo ya chinyama, ¹⁴ wawayifile yano yikala munsi ya pansi, ukuwanena ukuti yapange ichikolanyo cha chinyama--wino wachisike nu lupalala,kwene wachilinji nuwumi. ¹⁵ Wazumilizyike ukuputila umupu kuchikolanyo cha chinyama ukuti ichikolanyo chingavwanga nukupanjisya ukuti wonsi yano yakukana ukupepa ichinyama yakomwe. ¹⁶ Nakupya wapatichizyanga aliwensi, uwawula ukumanyikwa nu wamaka,umukankhala nu mupina,umusapuke nu muzya,ukuti yapochele ichimanyilo pikasa lyakwe ndilo pamwi pamphumi. ¹⁷ Chali ichawula ukuchitika kuli wensi pa kukala pamwi ukukazya kano ndi ali ni chimanyilo cha chinyama,chino,imphendwa yakwimilila izina lyakwe. ¹⁸ Paa pakulondwa amano. Ndi wumwi ali na mano, lekini apende imphendwa ya chinyama .Pakuti imphendwa ya munthu. Imphenwa yakwe a 666.