¹ Apano,yanji mwe yakundwe yane yano nkhuluchila, insansa zyane nichilambu, yimililini ninsimpho muli mwene, mweyakundwe yanji. ² Nkhumulenga yuodia, nupya nkhumulenga Sunteke, ukuya ayamelengwi ayaliyamwi muli mwene. ³ Nkhuzumila,nkhukunena, wewunji wachumi, ukuwavwa yaa ayanachi yano yawombanga pamwi nani pakutanda izwii, palipamwi na Kelementi naawomvi yanji wonsi,tano amazina yawo yalimwibuku lyawumi. ⁴ Mwasechela muli mwene. nupya nditi, sechelini. ⁵ Ukufuka kwinu kumanyikwe kuyanthu wonsi. Mwene ali mupipi. ⁶ Mutalanguluka palichimwi.Nkhandi , vyonsi mukupepa nu kulenga nu kutaizya,Muleke ukulonda kwinu kumanyikwe kuli Leza, ⁷ numutende wakwe Leza,wino walusya ukumanya konsi, alichinjilila imyenzo yinu namelengwi yinu muli kilisitu yesu. ⁸ Pawumalilo, yanji, ivinthu vyonsi ivyachumi ivinthu vyonsi ivichindikwe, ivinthu vyonsi ivyololoke, ivinthu vyonsi iviswepe, ivinthu vyonsi ivikundwe, ivinthu vyonsi vino vikatakwa ningo, ndipali ichinthu chimwi ichakulusya, ndipali ichinthu chimwi ichakuwanzwa,mwelenganye pavinthu vii. ⁹ Ivinthu vino mwasambilila nukupochela nukuvwa nukulola muli nene, wombini ivinthu vii, na Leza wamtende iliya namwe. ¹⁰ Nkhusechela sana muli mwene pakuti nomba mwatimuwezya amelengwi yinu kuli nene. nadi kwene mwelenganyanga vyakwe neneukufuma mphiti, kwene patali ulongo ukuti mungavwa. ¹¹ Nsikuvwanga chii pamulandu wakulonda chimwi. pano nati nsambilile ukuzumila ukuvwichisya mumisango yonsi. ¹² Imanyile chino chikasula ukuya wemupina, nupya manyile kwene chino chikasula ukuya nivinji.Munzila yonsi numuvinthu vyonsi nati nsambilila inkhama muno ningikalila ningo pamwi muno ningikalila ninzala, namuno ningikalila nivivule pamwi ukusowelwa. ¹³ Ningachita ivinthu vyonsi ukupitila muli weliwe wino akunkhomya. ¹⁴ Lelo, mwachisile ningo panomwali nimbali mukuchita kwane. ¹⁵ Mwe ya Filipi namwe kwene mumanyile kuno kunthandiko kwilandwe lisuma, pano nafumanga mu Mesodoniya, kutali ing'anda yamapepo nayimwi yino yangavwizye pamisango yakupela nukupochelela nkhandi mwemwe mwenga. ¹⁶ Ngavino napano nali ku Teselonika kwene, mwangavwanga kuli vino nkhulonda akinji. ¹⁷ Sumulandu wakuti nkhulonda ivyawila.Nkhandi, nkhulonda ivikomwa vikonjelezya kululumbi lwinu. ¹⁸ Nati mphochelela ivinthu vyonsi ukuyana, nukuchila. nomba pano natimphochelela ivinthu ukufuma kuli Epafulodita vino mwatumile. Natinja navyo ivyakukwana. Ivyakununtchila ningo, ichaupi ichakuzumilizika nukusechelesya kuli Leza. ¹⁹ Leza wane alakwanisya ukulonda kwinu konsi kuyana ni vyuma vyakwe muwuchinda muli kilisitu Yesu. ²⁰ Lyene kuli Leza witu na tata vichindikwe pee nape.Ameni. ²¹ Lamukini wonsi ayanthu yatiswe yakwe Leza muli kilisitu Yesu. Anji yano yali nani yakuwalamuka. ²² Wonsi ayanthu yakwe Lezaayatisweyano yali pano,yakuwalamuka,nkhani-nkhani ayamung'anda yakwe Kayisale. ²³ Uluse lwamwene Yesu kilisitu luye numupasi winu.