¹ nkhuvwanga kuwakalamba muli mwemwe, nene, nemuno nemukalamba muzo nakamboni uwawuchuzi wakwe kilisitu, nukuti nanikwene newenga newino indankhanywa muwuchindame wuno wulawumbulwa: ² Muye mweyakachema yavitekwa vwakwe Leza vino mukavisayilila, ukuwomba ngati ayakalola_nsichakuti mphaka muchite, kweni pakuti mukulonda, ngati vino Leza akalonda ukuti muwombe-- chitaya ichakuzana ichakusonzya insonyi kweni umwakuipa. ³ Mutati mwaya ngati mweyakalamba payanthu yano mukawasung. Mumalo mwakwe, muye mwechilanjizyo pavitekwa. ⁴ Apano ndi kachema mukalamba wawumbulwa, mulapochela ichizwalo ichawula ukuchujuka imphumphu yawuchindame. ⁵ Munzila iyiliyimwi, mwe yalumendo, muyipe kuyanthu ayakalamb. mwensi mwemwe, yizwikini mwenga uwunthu wenga nu muze. pakuti Leza akakana ukuyikwezya, kweni akapa uwila kuli kuyakuyisya. ⁶ Achino achino muyisye mwenga pansi pikasa lyamaka lyakwe Leza umwakuti umwakuti awakwezue pansita yakwe. ⁷ Sumbilini ukusakamala kwinu pali weliwe pamulandu akasayilila. ⁸ Muye mweyatele, chenjelini. Umulwani winu akupitana ngati ukulila kwakwe chisama, ukulonda wumwi ukuti alye. ⁹ Mwiminkhane nawe. Muye mweyamaka mwisuwilo. Mumanye ukuti awuzo ayisuwilo yikalila mukuchula ukulikumwi. ¹⁰ Ndi wachula pakasita kanono, Leza uwawila wonsi, winowawamile muwuchindame wakwe uwawula ukusila muli Kilisitu, aliwalungamika, ali wapanga, aliwakomya, nupya aliwatenganika. ¹¹ Kuli weliwe kuye amaka pee na pee. Ameni. ¹² Nkhamusenda Silivinasi ngati uwunji umusuwilwa, nukuti nawalika muwufupi kuli mwemwe ukupitila muli weliwe. Nkhuvwanga kuli mwemwe nukuti nkhusimichizya kuli mwemwe ukuti vino nawalika uwila uwenecho wakwe Leza. Mwimilile mwenemo. ¹³ Umwanachi wino ali mu Bebeloni, wino wasolwa ponga namwemwe, akuwalamuka. Na Maliko kwene, umwanane, akuwalamuka. ¹⁴ Lamunkhinini wenga numuze nukufyomphana kwa lukundo. Umutende wuye namwe mwensi mweyano muli muli Kilisitu.