²⁶ Tanto a miyakandamar a akal o Datu, ogaid na kagiya so mga pasad ago so mga makatatalingguma, di phakagiraw a di ko mga pangni niyan. ²⁷ Na piyakasung o datu so sakataw a orip'n phoon ko tumatam'ngon na siyugo iyan a awidi niyan so ulo e Juan. sumiyongon so orip'n n a piyutulan iyan sa ulo sa kalabusowan. ²⁸ Inawidan iyan so ulo a tataguon ko mala a lampay na inib'gay niyan ko raga na inib'gay niyan mambo ko ina iyan. ²⁹ Sii ko kiyan'ga ron o mga orip'n, sumiyong siranon na kinuwa iran so lawas ikyhan na initago iran ko l'b'ngan. ³⁰ Mithimo-timo so manga talasuguay ko makalilib't ki Jesus na pitharo iyan kiran so langon o miyanggalb'k iyan ago mingi pamando iyan. ³¹ Ago pitharo e Jesus r'kiran, "Saya kano sumong tano sa Ilang a darpa na dum'kha tano sa magaan." Ogaid na madak'l a phakauma ago phagawa, na dad'n a oras iran para kuman. ³² Na miyagda siran sa awang p'song sa Ilang a darpa. ³³ Ogaid na miyailay siran a phagawa na madak'l a miyakakilala kiran, na miyamalagoy so mga taw a phoon ko manga ing'd na kiyaunaan iran si Jesus sa kiyapakauma niyan roo. ³⁴ Sii ko kiyapakauma iran so ruwasan, miyailay niyan sco madak'l a taw na kiyagagawan s'kaniyan r'kiran kagiya datar siran o manga bilibili a daa tumutuganoron. Na piphoonan iyan siran mamando sa m'barambarang. ³⁵ Sii ko kap'rimon iyan d'n, sumiyong r'kaniyan so manga talasuguay niyan na pitharo iran, "Ilang a ing'd aya na p'khagagawii d'n. ³⁶ Pakaawaangka siran saya ka on siran makasong ko bala a ing'd ka on siran makapamasa sa khakan iran para ko manga ginawa iran." ³⁷ Ogaid na sumimbag s'kaniyan na pitharo iyan kiran, "B'gi niyo siran apiya antonaa a khakan." Pitharo iran r'kaniyan, "Khapakay kami a sumong ago mamasa sa paan a m akapagaarga sa duwagatos a denario a imb'gay kiran ka on siran makakan?" ³⁸ Pitharo iyan kiran, Pira timan a paan iyo? Song kano ron na ilaya niyo." Sii ko kiyatukawi iranon, pitharo iran, "Lima timan a paan ago duwa timan a s'da." ³⁹ Siyugo iyan so langon o taw a muntod sa shagurompong ko manga utan. ⁴⁰ Miyuntod siran a shasagurompong, sagurompong a tag magatos ago tag limapulo. ⁴¹ Sii ko kiyakuwaa niyan ko lima timan a paan ago duwa timan a s'da, lumiyangag s'kaniyan sa langit, piyanalamatan iyan ago pimbaa baad iyan so manga paan na ini b'gay niyan ko manga talasuguay niyan para mipam'gay ko manga taw. Na pimbaa baad iyan so duwa timan a s'da para r'kiran lagon. ⁴² Kumiyan siran langon taman ko kiyausog iran. ⁴³ Tinimo iran so pimbaa baad a paan, sapulo ago duwa a basket a miyap'no, p'don d'n so pimbaa baad a s'da. ⁴⁴ Na limanggibo a manga mama a kumiyan ko manga paan.