1
Ampi itung ma kawan here nampan Tunduk ma pamimpin panguasa,taat andri patuh ngalut ma ulahan sa maeh,
2
puang nuduh hiye pun maeh paner gumungan puang babur , maeh atei anri tuu tuu basikap maeh andri katuluh ulun.
3
Daya dahulu hiye ru takam lunga ,tawang nelang puang nuu ngalut takam nasamalah daya kahamenen , bahiri, muar padae na kuar.
4
Kude Alatalla panyalamat takam,nantarang sinta lelu nelang pikaehatei ni ma takam.
5
Hanye nyalamat takam puang daya ulahan sa wuah sa na ulah takam ,kude daya ahhi lelu Alatalla mitah padudusan mulek lahir andri Pambaharuan Roh barasih,
6
Alatalla ngampinau Roh ni andri penu itetei Kristus Yesus,Raja Panyalamat takam,
7
Jari daya ahhi lelu Yesus , takam ikaeh mulek andri Alatalla, bulu takam kaiyuh pamelum jari waris sasuai andri na harap nampan welum palus kalalawah.
8
Lengan ina tuu bujur.daya hang hal ina aku sini hanyu tuu tuu yakin nampan here sa haut persaya ma Alatalla tamah rajin ngulah ulahan sa maeh. Hal hal sa maeh tuu baguna ma katuluh ulun.
9
Kude ware sanawit ipanyawab ipanyawab, turunan turunan, pasalisihan, andri pibaburen sa lunga hanteru Hukum Taurat, daya hal iru puang uweng gunani ekat mamus,
10
Umak ulun sa ngulah pamisah, na ampi itung hanye hindra atau ma karueh kali, udi iru sanawit hanye ,
11
Saba hanyu karasa ulun yalah iru haut na santawang daya penu dosa, hanye ngami hukuman ma dirini raerai.
Pawaraan Pajumpuhan andri Tabe
12
Aku haut ngutus Artemas atawa Tiktikus ma hanyu , kalaawe sara nu pan hawi ma aku hang Nikopolis daya kaputusanku aku muneng hang yaru salawah musim marisak yatie .
13
Andri sakuat tanaganu, bantuleh hi Zenas , Hi ahli hukum iru , andri Apolos sa naan hang wuang pakiaan nampan here puang kakurangan inun pun jua.
14
Inun harus ulun ulun takam paajar pan rajin ngaraja sa maeh nampan here kaiyuh nyansukup kaparluan welum andrau ma andrau dan puang welum andri puang bawua.
15
Katuluh ulun sa naan ibaya andri aku uras nampe kirim tabe ma hanyu ,tahampe tabeku ma here hengau kaparsayaan,sa sinta andri kamie hang wuang iman.
Anugerah Alatalla Nyindrah Naun Katuluh,