¹ Paulus, erang kaulun tawanan Kristus Yesus, nelang pulaknai Timotius hang Filemon, erang kaulun isa nakalelu nelang hengau isa gawian andri takam, ² nelang ma hi Apfia pulaknai takam isa wawei, nelang ma hi Arkhipu.s hengau takam bajuang, nadap jemaat isa panalu hang lewu nu. ³ mara anugrah nelang damai sejahtra teka Alatalla ammah takam nelang Yesus Kristus nengau naun ⁴ Aku saratang basyukur ma Alatalla. aku kaitung hanyu hang wuang dua-duaku. ⁵ Aku karengeim ahi lelu nelang iman isa naan hang hanyuhang wuang Tuhan Yesus nelang pada hang katuluh nulun isa penu kaharapen. ⁶ Aku badua himpan hang kumpulan iman nu bariran manyu pangarasaen hang katuluh hal isa maeh isa naan hang lahelang takam hang wuang Kristus. ⁷ Daya iru pulaksaniku, aku uweng kaaraien nelang tantulu rariu isa hene daya ahi lelu nu, Daya atei kuan ulun barasis haut sigar dayanu. ⁸ Daya sabab iru, biar eh aku uweng kakapeen hang wuang Kristus umak marintah naunhimpan ngaraja inun isa harus nagawi naun. ⁹ daya sabab ahi lelu, kabalikanni aku ilaku mahanyu; aku, Paulus, aku sa matueh na, nelang itati erang kaulun tawanan manyu Yesus Kristus. ¹⁰ Aku ilaku ma hanyu, neu anakku Onesimus, aku haut jari ammah ni tawuk aku hang wuang penjara. ¹¹ Daya sabab iru hanye suah puang bariran ma hanyu. kude itati hanye bariran maeh neu hanyu nelan ma aku. ¹² Aku ngutus hanye mulek ma hanyu, hanyeru kasayangen ku. Sabujurni ¹³ Aku hamen nahan ni baya aku, himpan hanye kaiyuh malayani aku umak hanyu, rahat aku hang wuang panjara daya gana Injil. ¹⁴ Kude aku puang hakun ngaraja inun-inun amun ngaan uweng nasatujuinu. Aku puang hakun ngulah gawian isa maeh ma hanyu mun daya tapaksa kude daya karelaen. ¹⁵ iyuh pada hanye tapisah andri naun umak sementara ai himpan hanyu narime palus makalalawah. ¹⁶ himpan hanye ada lagi nyalah walah, kude nyalah pulaknai isa nakalelu utamani umak aku, nelang labis lagi umak hanyu, maeh ni nyalah murunsiannaan hang wuang Tuhan. ¹⁷ Jari amun hanyu ngangab aku jari hengau nu, tarimeleh hanye nyalah hanyu narime aku. ¹⁸ Amun hanye naan kahalaen ma hanyu, timpan nuleh ma aku. ¹⁹ Aku, Paulus, nulisni makai tangan ku raerai ; Aku sgar bayar ma hanyu kamulek. Aku ngaan sagar nyinggung hanyudaya hanyu naan utang welum ma aku. ²⁰ Maeh ni, pulaknaiku, tagai nu leh aku arai hewu hang wuang Tuhan ; ampi sigar atei ku hang wuang Kristus. ²¹ Yakin daya kataatten nu, aku na nulis umak hanyu. Andri pangarasaenku neu hanyu sagar ngaraja teka isa nalaku daya ku. ²² Hang katika isa sameh, sadialeh kamar tamu umak aku, daya aku uweng aheng himpan mitah dua nu puang lawah lagi aku ngapung hanyu. ²³ Efapras, hengau ku hang wuang penjara hang wuang Kristus Yesus, tabe ma hanyu. ²⁴ Andri kaliru pada hi Markus, Aristarkhus, Demas, Lukas, kuan hengauku isa gawian. ²⁵ Kirani Anugrah teka Tuhan Yesus Kristus takam, nyindrah ruh nu. Amen.