¹ Teka Yudas, walah Yesus Kristus* nelang pulaksani Yakobus, ma here isahaut napidi andri palelu Allataala amah, andri isa na palihara Yesus Kristus. ² Mudahan ahi lelo, nelang kasanagen, sa limpar ma amau nu. Alatalla Kai Nukum Here isa Ngulah Hala ³ Pulaksani katuluh isa na kalelo, rahat aku tatu'u bausaha nulis ina ma naun yeru kasalameten takam katuluh, aku kainam perlu nulus ina ma hanyu nelang ilaku naun tatap bajuang andri tatu'u ma iman isa na tahampe panalukai isa kete-kete ma naun kuan ulun barasih*. ⁴ Sabab, kuan ulun tatantu haut ikakihik ngaan ikarasa, yere here isa teka dahulu haut na tantu mak nahukum, kuan ulun isa ngaan baiman isa idurhaka andri ahi lelo Alatalla takam ma mulur kabahirien nelang nampik isa Penguasa andri Tuhan takam, Yesus Kristus. ⁵ Aku hampi itung hanyu , biarpun hanyu haut karasa sepenuh ni, neu Tuhan haut mayalamat ungkup-Ni yeiru ngaluar here teka tane Mesir, kude udi yiru Hanye nyanrupuh here isa ngaan harap. ⁶ Andri, kuan malekat isa nangkah kuan batas kakuasaan here, haut nanan pa unengan here, haut na karut andri rantai isa ngaan bingkas hang wuang paling maiyeng neu penghukuman hang andrau dedeh yati. ⁷ Pada Sodom* andri Gomora* nelang kuan kota hang wariung ni, isa haut ngaan sanunuh andri kuan dosa seksual dan gagah kabahirien isa ngaan wajar, haut kaiyuh hukuman apui sa kalalawah iru jari sonto. ⁸ Kalayeru pada kuan ulun, isa ngandal kuan upi here, nambere tega, nampik kuasa, andri mahina katuluh isa paling maeh. ⁹ Mikhael ja, Isa ngapala malaikat, rahat basual handri Setan* neu bangkai Moses*, ngaan heei kuan atuhan pisuhan ma hanye, balalu hanye kaeyau "elah Tuhan nyangit misuh hanyu!" ¹⁰ Kude Kuan here ulun payantawang ina ma hina kuan isa here ngaan karasa, isa here karasa kuan kabahirian, nyalah kuan eha isa ngaan uweng akal. Daya kuan hal inalah here tau na sanhancur. ¹¹ Silaka here! here haut uma lalan isa na itah Kain, andri ngagah andri serakah kahalaen isa na ulah Bileam, andri rupuh daya mambarontak nyalah Korah. ¹² Here nyalah bintik hang wuang pesta mihewu nu, isa mapaham kutaen baya hanyu ngaan kainam takut, nelang ekat mementing tega ni erai. here nyalah rakun isa ngaan ngenei uran, mun na siwui riwut ma aru ati. Here nyalah kuan kakau isa ngaan mua hang musim nii, matei rueh kali, andri na bubut hampe kuan wakat ni. ¹³ Here nyalah galombang hang laut isa mehet, isa mawure neu ngumangan here erai. here nyalah kuan eha sa liar, ma here piieng sa paling tamam isa haut na sadia ma here hampe kalalawah. ¹⁴ Nelang neu kuan ulun inalah Henokh, pitu turun teka hi Adam, kaeau, " Dinung leh, Tuhan hawi handri baribu-ribu kuan ulun barasih Nii, ¹⁵ Ma nangawi mahakimi ma katuluh ulun; ma hukum katuluh ulun durhaka neu katuluh gawian durhaka isa nagawi here handri cara durhaka, neu katuluh antuhan isa ngaan maeh isa na antuh katantuluh kuan ulun badosa isa duhaka nadap Alatalla." ¹⁶ Here kuan ulun isa katuju saratang ngaguut, ngatara kahalaen, andri mulur kabahirian here erai; here dedeh wawa nelang nilap ulun lain pan kaiyuh kauntungen. Paringatan andri Patataan ¹⁷ Kuan Pulaksani isa nakalelu, naun harus kaitung inun isa haut na antuh kuan rasul* Tuhan takam, Yesus Kristus. ¹⁸ Here haut iwara ma naun, " Hang Zaman Pijumpuhan, naan hulet kuan ulun ngasese isa ekat mulur kabahirien here isa durhaka." ¹⁹ Here ru kuan ulun isa ngulah pirawekan, uma kabahirien pindasar dunia, handri ngaan uweng baisi Roh*. ²⁰ Kude, Naun, Kuan Pulaksani isa na kaleluku, tamuan tega nuu erai hang amau iman nu isa paling barasih nelang ilakudua hang wuang Amirue barasih*. ²¹ Pelihara tega nu hang wuang lelu Alatalla nelang ngandrei lelusinta Tuhan Takam, Yesus Kristus, isa ngenei takam pamelum isa sejati. ²² Ware ampun pintar marahati ma here isa bembang, ²³ Nasalamat kuan ulun teka apui. ma kuan lain ni, tatarang ahilelo nelang nyindrah inam takut, nelang marikang likan ma pama here isa natamere kabahirien duniawi. Nawat hormat Ma Alatalla ²⁴ Ma Hanye, isa bakuasa majaga hayu pan ada lawu tumang handri pihadir nu ngaan uweng cacat hang hadapan piharung isa mulia Ni andri arai mihewu. ²⁵ Ma hanye satu-satu nii Alatalla, panyalamat takam, mitah Kristus Yesus, Tuhan takam, mulia, bapagaruh, wigas, andri bakuasa teka sadi hurap, itati, hampe kalalawah. Amin *