(Panalu Hang Yerusalem) ¹ Balalu papire ka ulun minau teka Yudea lepuh ngajar kawan ungkup' " Amun naun puang na supit sameh adat sa na ami Muses, naun puang kaiyuh salamat. ² Bulu kababuren andri balawan panner sa hante hi Paulus andri ulun yiru, mhere sapakat hi Paulus andri hi Barnabas, andri papire ka ulun teka here , mamai ma Yerusalem umpan panalu andri kawan rasul baya kawan walahni neo piwangun here. ³ Dami udi na atet ma wuang lalan daya kawan ungkup, here tapitah Fenisia andri Samaria nelang tanuhui ne'u pangarawahen ulun lain, umpan ngenei habar ma'eh sa hante ma katuluh ulun ungkup. ⁴ Dami here hampe hang Yerusalem,here na sammut daya kawan ungkup, kawan rasul andri kawan tatu'eh, bulu here nyarita inun sa haut na ulah Alatalla mitah here. ⁵ Kude papire ulun teka golongan Farisi sa harap minri nelang ka eyau," tu'u -tu'u bariran nyupit here andri nunyu here ngaraja andri ngalut aheng Musa!" ⁶ Kawan rasul andri tatu'eh panalu sasameh palus maner masalah ni. ⁷ Dami udi here bahual paner hang iru.Hi Petrus mindri palus kaeyau ma here,pulah na,i katuluh naun karasa neu teka sadi hurap Alatalla haut ngulah pidian teka penah naun mitah wiwi mulutku,kawan ulun ulun sagar kerengei habar Injil andri jari harap. ⁸ Bulu Alatalla karasa atei murunsia,haut basaksi ma here andri ngami Ruh Barasis ma here,sameh kala haut na gawi Ni ma takam, ⁹ Hanye puang han beda beda here andri takam,dami udi hanye ngabaris atei here mitah kaharapen. ¹⁰ Jari taati,wuah inun hanyu nyuba Alatalla andri ngelah kuk sa weat hang diyung kawan murid ,itak kakah takam kahiye pada ma takam,puang sagar uweng sa kaiyuh nangungni? ¹¹ Kude , basing takam harap takam nasalamat ,mitah anugrah Tuhan Yesus, sameh here pada, ¹² Balalu katuluh pikumpulan iru suni nelang nyanrengei Barnabas andri hi Paulus,bulu karueh rasul iru manarang bamasam siri andri mukjizat isa haut na ulah Alatallamitah here hang penah pikumpulan ulun ulun lain. ¹³ Dami here tariye bapanner,Yakobus nuing," Pulah na,i katuluh renei eyauku". ¹⁴ Hi Simon haut manarang kala awe Alatalla teka mula,i haut ngarasa ulun ulun lain,umak ngalap teka penah kawan ulun ungkup umak ngaran Ni. ¹⁵ Papaneran kawan nabi satuju hal iti,kala na tulis,' ¹⁶ Udi iti,aku sagar mulek .Andri sagar nammuan kamulek punnuk Dawid sa haut runtun .Aku sagar nammuan kamulek le,e - le,e ni,andri Aku sagar nangka,eh ni, ¹⁷ Umpan katuluh murunsia sa mi le,e kaiyuh ngantara Tuhan,andri katuluh ulun lain sa na herau mitah ngaranKu,sa ngaraja katuluh yiti,' ¹⁸ Haut karasa teka mula,i masaa. ¹⁹ Bulu, aku kahaba ne,u takam kapinu,u ni puang ngampihadin ulun - ulun teka tumpungan lain sa haut mulek mulek ma Alatalla. ²⁰ Kude,takam saharusni nulis ma here umpan here nyanawit tenga teka kawan purija kawan sampatung , teka dusa ibela,teka inunsa haut na ke'at,andri teka ira. ²¹ Sabab,teka kawan sadi hurap,Muses haut uweng,hang tiap tumpuk,ulun -ulun haut nyarita andri nabasa hang sinagoge - sinaguge tiap andrau sabat. ²² Bulu,paninungan kawan rasul ma'eh,andri tatu'eh,andri katuluh ungkup,midi'kawan ulun - ulun teka penah here umak na utus hampe Antiokhia sasameh hi Paulus andri hi Barnabas.Here ngutus hi Yudas sa na antuh Barsabas,baya Silas,kawan tatu'eh teka pulaksana,i sa mira kaharapen, ²³ Andri here nulis surat andri tangan here erai,kalina;"Teka rasul - rasul andri tatu'eh,pulaksana,i mira kaharapen,mak katuluh pulaksana,i mira puang Yahudi hang Antiokhia,hang Siria,hang Kilikia,salam. ²⁴ Daya kami haut karengei ne'u papire ulun teka penah kami,ma kawan here kami puang ngami parentah, haut hanggangu hanyu andri papaneran here sa ngulah naun tagangu. ²⁵ Ne'u iti na dinung ma'eh umak kami,dami jari mira pakat ,umak mkidi ulun - ulun andri ngutus here ma naun sasameh andri pulaksana,i kami sa nakasih,Barnabas andri Paulus, ²⁶ Sa haut ngami welum here umak ngaran Tuhan takam,Kristus Yesus. ²⁷ Daya sabab yiru,kami ngutus hi Yudas andri hi Silas,ne'u here raerai sagar iwara inun - inun sa sameh mitah panner. ²⁸ Daya ,ware ma'eh ni umak Roh Kudus andri umak kami ngelah pigawian hang ammau naun ne,u puang diwi we'at teka sa parlu ni. ²⁹ Pada naun nyanawit tenga teka kawan inun haut na ami umak pangantu,andri teka ira,andri inun sa matei na ke'at,andri teka dusa ibela.Amun naun han jaga diri naun ra erai teka inun - inun ni,naun ngaraja isa ma'eh.Hampe panalu." ³⁰ Dami udi here iwara,here minau ma Antiokhia,andri ngumpul kawan ungkup ,here nyarah surat yiru. ³¹ Dami kawan ulun mira kaharapen mambasani,here arai mihewu daya rariu iru. ³² Hi Yudas andri hi Silas,ne'u here ra'erai hanye ru nabi,ngampi kukuh andri ngampi kansing pulaksana'i sa mira kaharapen mitah hene papanneran. ³³ Andri ,udi here muneng hang yaru papire lawah,ulun - ulun harap iru nyanepah here mudi andri ma'eh,umak ulun - ulun sa haut na utus here. ³⁴ ( Kude daya yiru,ma'eh nyalah ni umak hi Silas tatap muneng hang yaru ) ³⁵ Kude,Paulus andri Barnabas muneng hang Antiokhia, nelang ngajar andri nahampe lengan Tuhan rama ulun lain pada. ³⁶ Dami udi papire andrau,Paulus bapan'ner ma hi Barnabas," ware takam mulek palus suwuk kawan pulaksana'i sa mira kaharapen hang tiap - tiap tumpuk,uneng tak na hampe firman Tuhan lepuh ninung wangun here." ³⁷ Barnabas hamen ngenei pada hi Yohanes sa herawan ni hi Markus. ³⁸ Kude, Paulus nganggap puang samustini ngennei ulun sa haut nanan here hang Pamfilia andri puang hakun tulak sasameh here umak ngaraja iru. ³⁹ Bulu,here basalisih aheng sa tamam,balalu here bapisah isa andri lain.Hi Barnabas ngenei hi Markus baya hanye palus balayar ma tiba Siprus, ⁴⁰ Bulu hi Paulus midi hi Silas palus tulak,dami udi manyarah kawan ⁴¹ pulaksana'i sa mira kaharapen ma wuang anugerah Tuhan.Balalu,hanye mitah Siria andri Kilikia nelang ngampi kukuh kawan jemaat.