Yesus Naenat ma Sorga nelang Janji Hawini Roh Kudus ¹ Hang wuang buku isa natulis kapihuan, Teofilus, neo katuluh isa Yesus karaja nelang naajar, ² Hampe hang andrau tawuk Hanye naenat, sa udi Hanye ngami papire parentah , mitah Roh Kudus, ma kawan rasul-rasul isa haut napidiNi. ³ Ma katuluh here, Hanye manarang tenga neo pamelum udi Hanye sangsara, andri wahai bukti, nelang nantarang tenga ma here selawah epat pulu andrau nelang iwara neo Kerajaan Allatala. ⁴ Kapihuan sameh-sameh anri here, Hanyemamarenteh ma here sapaya ada nanan Yerusalem, kode nganrei jajnji Allatala, isa eau-Ni,"Naun karengei teka Aku, ⁵ daya Yohanes mambaptis anri ranu, kode naun sagar na baptis anri Roh Kudus, puang lawah teka taati."' ⁶ Daya yeru, tawuk here bakumpul katuluh, here nunti ma Hanye, ''Tuhan, inun ina waktuni Hanyu ngampinri mulek karajaan umak ulun Israel?" ⁷ Hanye kaeau ma katuluh here "Inunkah bagiannu umak mantaru neo waktu baya wayah isa haut na ami kuasa daya Allatala. ⁸ Kode amun, naun sindi narime kuasa tawuk Roh Kudus haut hawi mahanyu pada hanyu sindi jari saksi-saksi-Ku hang Yerusalem, hang katuluh Yudea baya Samaria, baya hampe ma unengan tane ranu paling hujung." ⁹ udi Hanye iwara, rahat here ninung, Yesus mihemmuk mitah rakun hampe wawai teka paninungan here. ¹⁰ rahat here magun nantau ma langit, samantara Hanye tulak, naan rueh kaulun upu ba pama punra mahilak mindri han tuhi here. ¹¹ eyau ni "hai ulun ulun Galilea, inun hanyu mindri eleh ninung ma langit? ina Yesus, haut ta angkat ma Suruga hang penah hanyu, kode Hanye hawi mulek andri sara sameh kakala hanyu ninung Ni tulak ma Suruga. Midi Erang Kaulun Rasul Wau ¹² udi iru here mulek ma Yerusalem teka wungkur Zaitun sa naan reet Yerusalem sa lawit ni sapakia'an Sabat. ¹³ Tawuk here hawi, palus mamai ma amau, lewu uneng here ; Petrus, adri Yohanes, andri Yakobus, andri Andreas, andri Filipus, Tomas, andri Bartolomeus, andri Matias, andri Yakobus iya Alfeus, Simon ulun Zelot, andri Yudas iya Yakobus, ¹⁴ Here katuluh mira pakat hang wuang laku doa sameh sameh kawan wawei andri Maria Ineh Yesus, pada andri kawan pulaksanai ni ¹⁵ Hang andrau iru Petrus mindri hang penah penah kawan ungkup hang wuang Panante Tuhan ( jatuh ruangpulu kaulun ) andri kaeau ¹⁶ "Pulaksanai, Surat Barasis puang iyuh puang na sanyari sasuai kapihu'an eyau Roh Barasis, mitah wiwie mulut Daud neo Yudas sa jari tatu'eh kawan ulun yamma Yesus. ¹⁷ Neo hanye (Yudas) naan pada hang kumpulan takam tu'eh ungkup ina. ¹⁸ ta'ati ulun ina (Yudas) midie erang karawen tane teka upa pigawianni sa puang ma'eh, hanye panalaen lawu tantu'ulu, tenga katuluh hansur lenuh andri apukan sana'i ni tahammur. ¹⁹ Daya ulah gawi ina rasa ulun rama uneng hang Yerusalem, jari tane iru na antuh hang basa here Hakael Dama, aratini 'Tane Ira' ²⁰ Daya haut tatulis ang wuang Kitab Mazmur : " Elah lewu uneng suni suwung andri elah hang yaru paueng erang kaulun muneng hang wuangni,' Mazmur 69 : 26 anri, ' elah ulun lain ngalap kakuasaanni,' Mazmur 108 : 8 ²¹ Daya iru erang kaulun eka here gaha sindrah andri takam salawah Tuhan Yesus saluk unset hang kumpulan takam. ²² Teka andrusan Yohanes hampe andrau Yesus mihemmuk teka kawan takam, isa teka here, jari saksi Yesus welum mulekNi teka pampatei. ²³ Bulu here mgusul rueh kaulun, hanye ni Yusuf na herau Barsabas (hanye na antuh hi Yustus) andri Matias ²⁴ Here badoa "Tuhan sa karasa atei katuluh murunsia, tantarang ma kami, hiye kami rueh ina Tuhan pidi, ²⁵ Ummak narime jari tu'eh ungkup andri pidudusan Rasul teka Yudas sa haut tulak ma unengni. ²⁶ Udi yeru kawan Rasul ngulah undi hang pidi'an, here ngumpe undi lawu ngaran Matias nampan hanye jari Rasul kasawalas.