¹ . 1 Teka penatua nuju hi Gayus isa nakallelu, isa nakalelukuhang wuang kapinuu. ² Pulaksanaiku sa nakalelu, aku ilakudua himpan hanyu makmur hang wuang katuluh hal nelang sigar, kewaanagun amirue nu hang wuanag kadaan maeh, ³ Daya aku bangat arai hewu tawuk kuan pulaknaiku hawi ngamikasaksian neu kapinuu nu, kewangun hanyu takia hang wuang kapinuu. ⁴ Neu aku puang uweng arai hewu yalah yiru isa labis hante, nyeiru tawuk aku karengei neu kuan anak ku takia hang wuang kapinuu. ⁵ Pulaksannaiku isa nakalelu, Hanyu kakete nantarang kasatiaennu tatiap hanyu bagawi umak kuan pulaksanai nu nelang umak kuan ulun asing, ⁶ Isa haut ngami kasaksian hang amau ahi lelunu hang dahapan jemaat. Maeh tuu ulahan nu ngarawah here hang wuang pakiaan here andri sara isa tau natarime maeh daya Alatalla, ⁷ Daya sabab ngaran Ni here haut tulak nelang puang narime sunah erang kaulun teka puang ulun Yahudi. ⁸ Andri kalahie harusni takam wajib narime here, hampe takam kaiyuh hengai isa gawian hang wuang kapinuu ni. ⁹ Aku haut nulis tulisan ma jemaat, kude Diotrefes, isa ngangab dirini yalah ulun isa panga penting, puang narime kami. ¹⁰ Andri kalahie, amun aku hawi, aku sagar ngitung kuan ulahan isa naulah daya ni, kewangun hanye kaeau manyu hal isa puang bujur nawan kami andri papaneran isa jahat. ngaan puas andri kuan ulahan ni, hanye erai puang hakun narime kuan pulaksanai isa kaharapen, nelang palus nguring here isa lagi kasungu hampe nyanawit kuan jemaat. ¹¹ Kuan pulaksanai isa nakalelu, ada hampe ngalut ulahan isa murun teka gawian isa maeh. Hie isa gulah gawian isa maeh iru sameh asalni teka Alatalla. ¹² Hi Demetrius haut ngami kasaksian daya katuluh ulun nelang daya kapinuu ni ru raerai. Kami pada ngami kasaksian, nelang hanyu karasa neu kasaksian kami ru sabujurni bujur. ¹³ Magun hene lagi isa hamen natulisku mahanyu, kude aku puang hakun nulis makai tintah hang amau karats ¹⁴ Walehanni ahengku hamen hinang panali andri hanyu, nelang takam langsung bapaner. ¹⁵ Mara eh damai sejahtra nyindrah naun. Tabe teka kuan hengau nu. Nelang tahampe tabeku ma katuluh kuan hengau ku.