¹ Pinampukni, kawan pulaksanaiku, awat naun badoa ma kami, ngampan lengan Tuhan yina tau nata hampe daya kami andri maeh nelang natawat, nya lah sahaut hampe naun, ² ngampan kami pada tau nasanepah teka kawan ulun isa murun atei, daya puang katuluh ulun parisa ya ma Tuhan Yesus. ³ Kude, Tuhan yiru pama lelu. Hanye sagar ngampi kansing nelang nyalinung naun teka ulun sa murun atei yiru. ⁴ Kami haut parisaya hang wuang Tuhan neu ulah gawi naun sagar ngulah ngaraja inun sa haut nahuyu daya kami. ⁵ Kami pada parisaya Tuhan sagar nanrukui atei naun hampi ahilelu nelang sinta Alatalla andri kakua ten teka Kristus. Parentah ngampan Bagawi ⁶ Kawan tawari wanga, hang wuang ngaran Tuhan Yesus Kristus, kami ilaku ngampan naun nyanawit tenga naun teka kawan ulun sa welum hang wuang antuwule nelang puang su suk andri sa haut natarime naun teka kami. ⁷ Naun haut karasa kalaawe naun ngalut kawan ulah gawi andri tarungtu,u puang andri antuwule, tawuk takam sasameh hiye. ⁸ Kami pada puang babaran kuta waulun amun puang nabayar. Kami pada bausaha bagawi kaandrau kamalem ngampan kami pada puang kajut nyameat teka kawan naun. ⁹ Sabujurni kami naan hak neu kawan yeru teka naun, kude kami sini nantarang palus ngami suntu hampi naun neu gawi yiru, ngampan tau iyuh naalut daya naun. ¹⁰ Tawuk kami magun baya naun, kami marentah naun kala yiti; " Amun ulun puang hakun bagawi, ada hanye na'ami kuman." ¹¹ Daya, kami karengei na'an papire teka naun sa welum ngenei antu wule, kude ngulah gawi sapuang baguna. ¹² Hiye sa ulun kalayiru kami ilaku, andri nasehat hang wuang nga ran Tuhan Yesus Kristus, ngampan hanye tau bagawi mamaeh bulu nguta rote teka hasil ulah gawini raerai. ¹³ Neu naun kawan pu laksana'iku, ada naun peda ngulah ngaraja antu kaeh. ¹⁴ Amun naun kahaba ulun puang hakun ngalut nyalah isa hang wuang surat kami yina, awat naun mantaru atawa ngami siri ma ulun yiru, nelang ada naun barahurun atawa bahengau andri hanye ngampan hanye bulu timul amangan. ¹⁵ Kude adasa naun ngulah hanye nyalah musuh, kude ami taguran atawa nasehat nyalah erang pulaksanai naun. Pijumpuhan Paner ¹⁶ Tuhan ngami kaara ien, kasanangen sapuang iwitusni hang ulah gawi kia karaja naun, Tuhan pada nyindrah nelang ngarairing naun katuluh. ¹⁷ Aku hi Paulus, ngami tabe nelang nyurat ala katantuluh yina andri tanganku raerai ngampan surat yina tu'u-tu'u teka aku. ¹⁸ Ahilelu nelang sinta teka Tuhan takam Yesus Kristus, nyindrah nelang malelu naun katuluh Amen.