¹ Tabe teka aku Paulus, Silwanus andri Hi Timotius, hampi naun ungkup Tesa-lonika hang wuang Alatalla, Ammah takam, baya Tuhan Yesus Kristus. ² Barkat nelang kasana- ngen sagar naami hampi naun teka Alatalla, Ammah takam, itetes Tuhan Yesus Kristus Amen. ³ Kami tu'u arai mahewu ma naun kawan pulaksanai daya naun haut welum ne-lang malihara iman, kami basyukur ma Alatalla daya Hanye haut ngami ahilelu nelang sinta-Ni ma naun, ahilelu nelang sinta yiru pa da welum hang sasameh naun pada. ⁴ Daya kasa-baren andri antu kape atei naun nadap kawan ulun sa ngakupe, ngahanangan, sa haut naingkam naun, daya yiru satiap kami hawi ma kawan ungkup Alatalla ka-mi saratang iwara ma here neu iman kaparisayaan sa haut ireket hang atei naun. Neu Penghakiman Alatalla ⁵ Daya naun haut kaing-kam sakit hanang jari naun haut patut muneng hang wuang Kerajaan Alatalla ⁶ Alatalla tu'u adil amun Alatalla ngami hukuman iwaleh ma ulun isa haut ngahanangan atei nelang welum naun. ⁷ Hanye sagar ngami kaaraien ma naun sa haut nyansara na-un, andrim kami pada, tawuk Tuhan Yesus minau teka surga sindrah kawan maleikat-Ni sa tamam, ⁸ Hanye nyadia apui sa malelap umak iwale hampi ulun sa puang nawat nga-ran Alatalla andri ma ulun sa puang hakun parisaya hampi Surat Brasis Injil* Yesus,Tuhan takam. ⁹ Here sagar kaingkam nahukum nabinasa hampe kalalawah, lawit teka sinta Tuhan pihante kawasa-Ni. ¹⁰ tawuk Hanye hawi ngampan natawat hang pena-penah kawan ulun kasayangen-Ni andri nahu-rumat hang penah katuluh ulun parisaya, daya naun pada parisaya ma kawan kasaksian kami. ¹¹ Daya yiru pada, kami ilaku dua ma naun, ngam-pan Alatalla malelu nelang sinta, palus hanye ngami kawan pilakaan atawa inun kabahumen naun, ngulah ngaraja pagawian sa ma'eh hang wuang iman andri kawasa-Ni. ¹² ngampan ngaran Tuhan Yesus na ta- wat hang wuang naun, ne-lang naun pada hang wu- ang Hanye, susuk andri barkat teka Alatalla baya teka Tuhan Yesus Kristus.