Ngami Andri Karelaen ¹ Neu aku, kalabihanku umak nulis mahanyu manyu pelayananku ma ulun-ulun barasis. ² Daya, aku karasa karelaen nu, isa jari karaenku neu hanyuma kuan ulun ulun Makedunia, nyeiru daya Akhaya haut nyiap ni teka taun dahulu daya samangatnu leh isa haut hanggarak meheni teka here. ³ Walehanni, aku ngutus pulaknaiku ina himpan karaienku neu hanyu ada jari sasiahang wuang ahl yeru. Andri kalahie, hanyu haut nyadia dirinu nyalah isa haut nawaraku. ⁴ Daya, amun papire ulun Makedunia hawi sindrah andru akunelang here ngapung hanyu huan siap, kami (puang usah ngantuh hanyu) sagar nakabahumen daya kayakinanan yena. ⁵ Daya iru, aku bapikir parlu umak handasak kuan pulaksanai na tulak badahulu ngapung hanyu nelang ngampisiap pangamianisa haut najanjinu kapihuan ni.Andri kalahie, pangamian yiti haut nasadia jari pangamian isa andrikarelaen, puang andri paksaan. ⁶ Aku nyurah hal yiti : Hie isa muau butit sagar kaiyuh wasian butit pada, nelang ulun isa mau hene sagar kaiyuh wasian hene pada. ⁷ Tatiap ulun harus ngami nyalah isa haut na ahengni inun isa naan hang wuang atei, puang andri napaksa atawa tapaksa, daya Alatalla ngalelu ulun isa ngami andri penu karaien. ⁸ Nelang, Alatalla kaiyuh ngami andri limpas katuluh Anugrah ma naun himpan naun kaiyuh ampun katuluh ni sukup hang wuang katuluhanni tatiap gawian isa maeh. ⁹ Yalah isa haut natulis : "Hanye haut hambagi, Hanye haut ngami ma kuan ulun paua, kapinuu Ni tatap ma palus makalalawahni." Mazmur 112 : 9 ¹⁰ Itati, Hanye isa nyadia wini ma here tukang pu'au baya rute umak panguta here,hanye sagar nyadia nelang ngampihene wini ni umak napua'u himpan iyuhan ni magin hene hasilni. ¹¹ Hanyu sagar tatau hang wuang katuluh hal daya katuluh ahi lelu nelang kaeh atei nu, isa mitah kami ngantu syukur ma Alatalla. ¹² Daya, pangarawahen palayanan yena puang ekat nyansukup nuju ma kuan ulun barasis, kude pada ngampi sukup syukur nuju ma Alatalla mitah ulun rama. ¹³ Malupui bukti palayanan yena, here sagar nawat Alatalla daya kataaten nu hang wuang pangakuannu neu Injil Kristus, nelang umak katuluh kaeh ateinu ngarawah here nelang ma kuan ulun rama. ¹⁴ Nelang, hang wuang dua-dua here umak hanyu, here kasungu daya ahi lelu karunia Alatalla isa malimpas ma hanyu. ¹⁵ Syukur pada ma Alatalla hang amau pangamian Ni isa ang batikas !