Ngumpul Parapah Umak Ulun-Ulun Kudus ¹ Itati, pulaksaniku katuluh, kami hamen hanyu karasa manyu Anugrah Alatalla isa haut naamini ma Jemaat hang Makedunia, ² Neuni hang wuang heneni ujian panyusah, hene kaaraien nelang hante here isa paua haut balabisan hang wuang katatauen katulusen atei here. ³ Aku basaksi daya here haut ngamikala kamampuan here, walehanni labis teka katauen here hang amau karelaen here raerai. ⁴ Here ilaku andri kapinuu atei nunung kami neu anugrah himpan kaiyuh uma hang wuang pelayanan ulun-ulun barasis. ⁵ Nelang, ina isa naulah daya here, puang nyalah isa nakabahumen daya kami, satuu ni, here nyarah diri tenga here raerai ma Alatalla, wau udi hie nuju kami daya kabahumen Alatalla. ⁶ Jari, kami handasak Titus, kewangun hanye haut ngamialaini, kalahiue pada hanye haut nyanuput gawian anugerah hang wuang naun. ⁷ Kude, sameh kala hanyu hene kalabihan ma katuluh hal, hang wuang iman, papaneran, pangarasaen, katuluh ulah gawi, nelang haang wuang ahi lelu nu nadap kami, sabujurni hanyu pada balabisan hang wuang anugerah ni. ⁸ Aku puang iwara neu yiti jari parentah, kude umak nanguh mitah kapinuu ulun lain neu ahi lelunu. ⁹ Daya, hanyu karasa anugerah takam Yesus Kristus, sabujurni, biar hanye tatau, hanye lera tatuu jari pa'ua tagal hanyu himpan mitah kakurangen Ni, hanyu jari tatau. ¹⁰ Nelang, hang wuang hal yeru aku ngami pendapatku, daya iti jari pikaeh ma hanyu, isa teka taun yari, hanyu puang ekad ngarajani, kude labis teka iru kabahumennu umak ngarajani. ¹¹ Jari, itati, sanuputnu dulukatuluh gawian ru himpan sameh andri karelaannu umak nyanuput inun isa naan hang hanyu. ¹² Daya, jaka naan kasiapen ngami, pangamianru sagar natarime, yalah isa naan hang erang kaulun, nelang puang yalah isa badasar andri isa puang uweng hang hang hanye. ¹³ Hal yena puang ekat nyandrauh ulun lainnelang ngampisusah hanyu, kude himpan naan sameh imbangni. ¹⁴ Maraeh kalabihannu itati nyansukup kakurangen here himpan kalabihan here udihie nyansukup kakurangen naun. andri kala yeru naan kasaimbangen. ¹⁵ Nyalah isa haut natulis hang wuang kitab barasis, "Ulun isa ngumpul hene, puang balabihan nelang ulun isa ngumpul butit, puang kakurangen." Keluaran 16 : 18 Pangutusan Titus ¹⁶ Walehanni, syukur manyu Alatalla isa ngelah hang wuang atei Titus kapinuu isa sameh sa naan hang aku umak hanyu. ¹⁷ Daya, Hanye puang ekat narime huyuankami, kude andrimkapinuu ateini isa hante, hanye hawima hanyu daya kabahumen ni raerai. ¹⁸ Baya andri hi Titus, kami ngutus kuan pulaknai isa haut na tantulu rariu hang penah katuluh jemaat hang wuang pangabaran Injil. ¹⁹ Puang ekat iru ai, hanye pada napidi daya jemaat-jemaat himpan tulak baya kamihang wuang palayanan Anugerah na, isa nakaraja daya kamiumak ngenei kamuliaen Tuhan nelang nantarang karelaen kami. ²⁰ Kami bangat bahati-hati himpan puang uweng ulun isa sagar ngampihala kamihang wuang hal neu pangamian hante kami isa haut naatur daya kami na. ²¹ Kami bausaha ngarajani andri bujur, puang ekat hang wuang pandangan Tuhan, kude pada hang wuang pandangan murunsia. ²² Nelang, baya andri here, kami ngutus pulaknai kamiisa haut gaha nauji daya kami nelang tabukti rajin hang wuang katuluh ulah gawi, labis lagi hanye itati magin rajin daya hanye uweng kayakinan isa hante nadap hanyu. ²³ Itati neu hi Titus, hanye ru pasangan nelang hengau bagawi ku isa tuu bariran umak hanyu, here utsan teka jemaat-jemaat, isa kamuliaen nintu Kristus. ²⁴ Jari, tantarang nu leh ma here, ma dahapan jemaat-jemaat, bukti ahi lelunu nelang kaangaren kami hang amau naun.