¹ Daya takam uweng jannji, yai isa na kaleluku, ayu takam ngabarasisi tenga daging takam teka katuluh pikurun hang wuang tenga nelang ruh nelang ngulah himpan paruna barasis hang wuang takun ma Alatalla. Arai Hewu Paulus ² Sadianu unengan hang wuang atei nu. Kami puang uweng kahalaen hang dahapan hieleh, puang nyandrusak hie-hie, nelang puang ngalap kalabihan teka hie-hie. ³ Aku puang kaeau ina umak ngampihala hanyu, daya kapihuanni, aku haut kaeau ma hanyu himpan hanyu naan hang wuang atei kami, umak matei sasameh nelang welum sasameh. ⁴ Kayakinan ku hante hang amau hanyu, kahewuen ku hante nadap hanyu, aku naami kahewuen, aku limpas andri arai hewu hang wuang kasusahen kami. ⁵ Walehani, tawuk aku hampe hang Makedonia, tenga kami puang uweng kaiyuh katenangen, malah sansara teka katuluh alah, nyeiru pibauren teka luar nelang penu andri katakuten isa teka wuang. ⁶ walehani Alatalla, isa ngarariu ulun isa puang uweng kaharapen, ngarariu kami daaaaya pihawian Titus. ⁷ Puang daya ekad pihawian ni'ai, walehann ni pada daya tantulu rariu isa ngulah hanye arai hewu hang hanyu, yalah hanye haut nyurah pada ma kami neu hanye kasungu hanyu, hanang ateinu umak aku hampe aku magin arai hewu. ⁸ Jari, biar aku haut ngulah hanyu mahanang kunu daya suratku ma hanyu, aku puang sasal. biar aku suah sasal ma hanyu, irun daya aku kadinung neu suratru ngampihanang ateinu biar ekat erang tumat. ⁹ Itati aku arai hewu, puang daya hanyu mahanang kunu, kude daya hanyu mahahnang kunu daya hamen batobat, daya naun mahanang atei neu batobat ru, daya hanyu mahanang kunu yalah kala isa na kabahumen Alatalla hampe hanyu puang na tangkurang ma katuluh hal inun-inun daya kami. ¹⁰ Daya, hanang atei isa yalah sa sameh andri kabahumen Alatalla tau jari patubatan isa puang sasal nelang napalupui makai kasalamaten. Kude, hanang atei hang dunia tau ngenei papmpatei. ¹¹ Daya, pansining kaawe ramani hanang aheng isa nyanrukui kala kabahumen Alatalla ru ngulah hanyu bagawi andri kapinuu ni isa bangat hante, iru nantarang neu hanyu puang uweng kahalaen, kasangiten, katakuten, kasungu, samangat, nelang walehan ni. Hang wuang katuluh alah, hanyu haut nantarang neu hanyu puang uweng kahalaen hang wuang hal yeru. ¹² Jari, amun aku nulis surat ma hanyu, hal yeru puang umak kabahumen ulun isa na ampihala nelang puang pada umak kabahumen ulun isa na ampihala, kude himpan kapinuu nu nadap kami natantarang ma hanyu hang dahapan Alatalla. ¹³ Iru sababni, kami narariu. labis teka narariu kami ru, kami labis araihewu kamulek hang amau karaien Titus daya ruhni haut sigar daya naun katuluh. ¹⁴ Daya, amun aku suah ngampi angar hanyu nunung hi Titus, aku puang maka mamangan. Walehanni kewangun kami iwara alakatantuluh ni ma hanyuhang wuang kapinuu, kaliru pada kaangaran kami hang dahapan hi Titus haut tuu tabukti. ¹⁵ Nelang, ahi leluni nadap hanyu magin hante, amun hanye ngitung kataaten nu katuluhni, kewangun hanyu nyammut pihawianni andri takut atawa gaer, hang wuang katuluh hal ¹⁶ Aku penu kaaraien hang wuang katuluh hal aku naan kayakinan hang wuang hanyu.