RUNDRUI HANG WUANG TENGA PAULUS ¹ Aku arai hewu biar iru puang nguntung aku. Aku sagar nampalus paninungan-paninungen ku nelang piwaraan teka Tuhan. ² Aku karasa naan erang kaulun hang wuang Kristus, isa haut ampatbalas taun haut naenei ma surga hang tingkat telu -- inunsa hang wuang tenga ni, aku puang karasa; atawa hang luar tengani, aku pada puang karasa, Alatalla ai isa karasa. ³ Nelang aku haut karasa kewangun ulun yiti -- inun hanye naan hang wuang atawa hang luar tengani, aku puang karasa, Tuhan ai isa karasa -- ⁴ hanye naeanat ma Firdaus nelang karengei lengan isa naantuhn ni, isa puang iyuh na antuh daya murunsia. ⁵ Ma ulun yiti aku tuu arai hewu, umak aku erai, aku puang arai daya kasuali daya hang amau kalemean-kalemean ku. ⁶ Walehanni jaka aku hamen arai hewu, aku puang sagar jari nyalah ulun budu daya aku sagar iwara isa kapinuu. Kude, aku nahan ni himpan puang uweng ulun nantau aku labis teka inun sa haut dinung here nelang rengei here neu aku. ⁷ umak nyaga aku himpan ada kajut miarai hang amau papanerang-papaneran isa labis , makani naan runrdui naami hang wuang tengaku, hanyene kuan iblis isah ngulah susuh aku himpan aku puang anggsr. ⁸ Neu hal yeru, aku ilaku ma Tuhan hampe hantelu kali himpan nanan aku. ⁹ Kude, Hanye kaeau ma aku, "Anugrah Ku sukup ma hanyu daya kuasa Ku parua hang wuang kalemean." Daya iru, aku labis sanang nelang arai hang wuang kalemeanku himpan kuasa Kristus muneng hang wuang aku. ¹⁰ iru sababni, aku kaingkam sanang hang wuang kalemeanku, daya sikasaan, hang wuang kasusahenku baya Kristus.Daya amun tawuk aku maleme, aku gansang, Ahilelu Paulus ma Jemaat hang Korintus ¹¹ Aku haut jari ulun budu daya hanyu maksa aku, sabujurni aku na harus nakallelu daya nu. Daya, akuna puang uweng kakurangen na banding andrikuar rasul isa luar biasa ru, biar akuna puang uweng inun apani. ¹² Siri-siriisa nantarang erang kaulun rasul haut natantarang hang penah-penah naun hang wuang kasabaren, hang wuang siri mujizat-mujizat, nelang kaajaiban-kaajaiban. ¹³ Daya, hang wuang hal inu hanyu naampirandah teka jemat-jemaat lain, kasuali aku puang jari panyusah ma hanyu ? Laku maaf daya aku puang adil. ¹⁴ Itati, aku hamen ngarasa hanyu umak mahantelu kalini nelang aku puang jari beban ma hanyudaya aku puang ngantara inun isa jari milik nu, walehanni hanyu. Daya, kuan anak puang wajib ngumpul harata ulun matueh ni, kude ulun matueh a=umak anak-anakni. ¹⁵ Nelang, aku andri sanang mangurbankan milik ku nelang tengaku umak hanyu. Jaka aku labis ngalelu hanyu, inunkah hanyu sagar nangkurang kalelunu ma aku ? ¹⁶ Kude, biar aku puang nyameat hanu, hanyu ngeau aku licik nelang nuruk hanyu andri nipu ngakal. ¹⁷ inunkah aku ngalap untung teka hanyu mitah ulun -ulun isa nautus ma hanyu ? ¹⁸ Aku handasak hi Titus himpan tulak nelang ngutus kami himpan tuilah baya hanye. Inunkah hi Titus ngalap untung teka hanyu ? Inun kah kami puang takia hang wuang ruh isa sameh nelang takia hang lalan isa sameh ? ¹⁹ Balalu, Inunkah hanyu haut lawah mamikir neu kami hambela diri kami raerai neu hanyu ? Kami bapaner hang dahapan Alatalla hang wuang Kristus, kude hal yeru isa nakalelu hanyene umak ngamuan hanyu. ²⁰ Daya, aku takut, gere tawuk aku hawi, aku sagar panalu hanyu puang nyalah isa na aheng dayaku, nelang hanyu puang sagar manali aku nyalah isa naharap dayanu. Ada hampe jari pibaburen, hiri dengki, iraraat, daya aheng ni raerai, fitnah, basa murun, sakah, nelang rawek rukah. ²¹ Aku gaer tawuk aku hawikamulek, Alatallaku sagar ngaranahan aku hang dahapan hanyu nelang aku sgar mahanang atei kapihuanni nelang tatap hauat abtubat teka najis, cabul, nelang nafsu isa haut naulah here.