Paulus Baya Rasul Palasu ¹ Aku uweng aheng, hanyu sabar nadap aku, daya akuna budu, nelanghanyuntuu sabar nadap aku. ² Daya, daya aku kaingkam ngadidit ma hanyu makai kadidit ilahi daya aku ahut ngalap hanyu jari daranganku, hanyeiru narime hanyu jari erang kaulun wawei isa suci ma dahapan Kristur. ³ Kude, aku takut, gereku, sameh nyalah anipe isa andri licik ni ngakal hi Hawa, kaliru pada kunuannu sagar nyantawang teka pikaeh isa kapinuu ngalut inun isa na pataan Kristus. ⁴ Dayani, hanyu sabai ai tawuk naan erang kaulun hawi nelang iwara neu Yesus isa lain, isa lain teka isa nawara daya kami, atawa tawuk hanyu narime, atawa Injil lain isa huan suah natarime dayanu. ⁵ Kala eau ku, aku puang ngakurangen teka kuan rasulisa lana. ⁶ Biar aku puang panai bapaner, kude puang kalahie hang wuang pangarasaenku, daya makai katuluh sara, kami haut nantarang ma hanyu ma katuluh hal ni. ^{8 7} Atawa, inunkah aku ngulah dusa tawuk aku ngaranahan tenga himpan hanyu na ampamau daya aku iwara khabar Injil Alatalla ma hanyu andri cuma-cuma ? Aku ngalap jemaat-jemaat isa lain andri narime upa teka here daya melayani naun. ⁹ Nelang, tawuk aku baya hanyu nelang pau'a, aku puang nymeat sunahn erang kaulun daya kuan pulaksanai hawi teka Makedunia ngampi sukup kaperluanku. Nelang, hang wuang katuluh hal, aku jaga dirikuhimpan puang jari beban ma hanyu nelang aku sagar nampalus gawianni. ¹⁰ Kalawew wangun kapinuu Kristus naan hang wuang aku, kaangarankuna puang sagar nahalang halang daya Akhaya. ¹¹ Daya inun ? Inunsa daya aku ngaan ngalelu hanyu ? Alatalla ai isa karasa ! ¹² Walwhani, akuna sagar nampalus ngaraja inun sa naulah dayaku hampe aku uweng kaiyuh kasampaten teha here isa naan kabahumen himpan kaiyuh sameh nyalah kami hang wuang kaangaran here. ¹³ Daya, kuan ulun nyalah iru sabujurni kuan rasul palasu, kuan pagawian isa sulas, ngalut yalah rasul palasu, kuan panggawi nisa sulas, isa miubah jari rasul Kristus. ¹⁴ Kuan hal yeru puang nangkemah daya kuan iblis haut jari malaikat piraai. ¹⁵ Daya iru, puang sagar nangkemah amun kuan pelayan pada miubah yalah kuan pelayan isa kapinuu, isa hujungni hereru sagar nyansameh andri ulahan here raerai. Panyusah Paulus Neu Keristus ¹⁶ Hibdra lagi, aku kaeau ada suanah isa ngantuh aku na budu. mun daya kaliru, tarimeleh akuna yalah ulun budu himpan aku pada kaiyuh sunah butit karaien. ¹⁷ Inun sa nawaraku hang wuang kapinuu neu kaaraien yena, aku puang kaeau yalah kabahumen Tuhan, walehanni yalah daya kabuduenku. ¹⁸ Rama ulun arai daya kangarenku. Jari, aku pada uma arai hewu. ¹⁹ Daya, hanyu tuu bujaksana hampe andri arai hewu basabar nadap ulun budu ! ²⁰ Hanyu tuu sabar, jaka naan ulun ngangab hanyu walah, ngantuh hanyu, ngalap kauntungen hang amau hanyu, balalu nanan hanyu, atawa netap uruwawanu. ²¹ Andri amangan tatuu aku akeau daya kami kajut lamah umak hal isa kala yeru ! Kude, inun ai neu ulun lain mape nelang anggar, aku paner yalah ulun budu -- aku sika sa heei. ²² Inunkah here ru ulun Ibrani ? Apu pada. Inunkah here ru ulun Israel ? Aku na pada. Inunkah here ru turunan Abraham ? Akuna pada. ²³ Inunkah here ru malayani Kristus ? Akuna labis lagi -- akuna bapaner nyalah ulun rapui. Uyuh raraku haut hene, nelang gaha ne panjara, peleppangkung puang iyuh reken, nelang haut gaha niba pampatei. ²⁴ Teka ulun Yahudi, haut handime kali aku narime epat pulu kurang isa wuah cambuk. ²⁵ Hantelu kali aku na weweh makai uei, hindra natummuk makai watu, hantelu kali aku naan hang wuang kapal,kayem, erang andrau erang malem aku nagulung daya galumbang laut. ²⁶ Hene tuu hang wuang pakiaan ku aku hang wuang ancaman bahaya aang wuang hungei, teka kuan rampuk, teka ulun Yahudi, nelang teka ulun puang Yahudi. Aku naan ancaman bahaya teka kota, teka jumpun haket, hang laut, nelang bahay teka kuan ngaku pulaksanani. ²⁷ Aku ahut buyuh rara nelang bagawi weat, tatap jaga, kajuju nelang malah, gaha puang kuman, karinginan, daya ngaan bapama. ²⁸ Nelang hal isa lain pada, naan pada tanggungjawabku hang tatiap andrau nyaga malihara katuluh kuan jemaat. ²⁹ Hie sa maleme, aku puang maleme ? Hie isa lawu, nelang aku puang mahanang atei ? ³⁰ Jaka aku harus anggar, aku sagar anggar hang amau isa nantarang kalemeanku. ³¹ Aal;atalla nelang Ammah Tuhan Yesus Kristus, isa harus narariu hampe makalalawahni, karasa neu aku ipusu. ³² Hang Damaskus, gubernur hang ime Raja Aretas mansining kota Damaskus kai nyamba aku. ³³ Kude, aku naampinau hang wuang karean teka panawa isa naan hang tembok, hampe aku lepah teka tangan ni.