¹ Piwaraan Khusus Umak Kawan Budak Katuluh ulun sa nangung beban erang kaulun budak harusleh nganggap tuani erang kaulun sa pantas kaiyuh katuluh hurmat umpan ngaran Alatalla andri pangajaren takam puang natarung. Bulu kawan budak sa tuanni nyeru ulun kaharapen,ada nangkurang ikam hurmat umak here daya here hanyeru kawan pulah na'i sa mira iman. ² Sabalikni,kawan budak harus malayani tuanni andri labih ma'eh lagi dayasa narime berkat palayanan hanye ru ulun ulun sa harap andri here sa na paahi.Ajaranni andri kawan patataanni kawanhal mak here. Manyu Ajaran Lain Andri Sinta Duit . ³ Amun naan ulun sa ngajar ajaren lain sa puang sasuai andri paneran sa wuah teka Tuhan takam Kristus Yesus andri puang sasuai andri ajaran kasalehan, ⁴ hanye yiru pangakatau andri puang kataru arati inun inun.Hanye ekat tatarik andri pikurun sa puang sehat,sa ekat bahual papaneran sa justru ngulah atei bahiri,tuar,fitnah,andri nanguh sa puang ma'eh, ⁵ nelang palus tarus tarusan ngulah hual hang penah kawan ulun sa kunuanni haut rusak andri puang narime sa wuah,sa nanguh neu pika'eh hanye ru cara umak kaiyuhen kauntungen. ⁶ Daya iru kasalehen na taharak nanam sukup sagar ngami riran sa hante. ⁷ Daya, takam puang ngenei inun inun katika hawi pi dunia andri takam pada pada puang ta'u ngenei inun inun katika takam kaluar teka dunia. ⁸ Amun haut naan panguta andri pama,takam sagar kainam sukup. ⁹ Ulun sa hamen jari tatau walu ma wuang hal andri tampaleng,nelang ba masam nafsu sa budu andri katakuten sa sagar nyanleteng ulun ulun ma wuang kahansuren andri sansara. ¹⁰ Daya, sinta ma duit hanye ru wakat teka katuluh masam pikurun.Kawan ulun sa ngantara duit haut manyimpang teka iman andri nyansara dirini raerai nelang bamasam kahanangen. Papire Hal sa Harus Naitung ¹¹ Kude mun,naun erang kaulun murunsia teka Alatalla,sanawit dirimu teka katuluhni iru,Agah pika'eh,kasalehen,iman,kasih,katabahen, andri kalembuten. ¹² Bajuangleh hang wuang pajuangan iman sa ma'eh andri tegeylah pamelum sa kalalawah sa umak hanyu na herau hantek hanyu ngami pangakuan sa ma'eh hang hadapan hene saksi. ¹³ Hang hadapan Alatalla sa ngami pamelum hang ammau katuluhni andri hang hadapan Yesus Kristus sa ngami pangakuan sa ma'eh katika bahadapan andri Pontius Pilatus,aku ngami parentah ma hanyu, ¹⁴ Kirani hanyu ngaraja parintah iti andri puang cacat andri puang hala hampe pihawian Tuhan takam Kristus Yesus. ¹⁵ Saat katika sa haut na tantuNi,Hanye sagar nantarang tengaNi raerai ekat hanyeleh Penguasa,Raja hang ammau raja,andri Tuan hang ammau tuan. ¹⁶ Ekat Hanyeleh sa kalawah,sa muneng hang wuang pira'ai sa puang iyuh na sanriet,sa puang erang kaulun pun suah kadinung atau kaiyuh kadinungNi.Umak Hanye katuluh hurumat andri kuasa kalalawah!Amin ¹⁷ Samantara iru ,parintahleh kawan ulun tatau hang zaman iti umpan puang sombong atau ngelah kaharapen pada katawen sa puang pasti,kude elahleh kaharapen ma Alatalla,sa andri diwi nyadia katuluh umak takam umak na nikmati. ¹⁸ Ami parintah ma here umak ngaraja sa ma'eh, umpan jari tatau hang wuang pigawian sa ma'eh, jari ulun sa murah atei,andri siap babagi. ¹⁹ Andri kaliru,here sagar ngumpul harata umak dirini raerai here raerai umak dasar sa ma'eh umak waktu sa sagar hawi bulu here kaiyuh itegei pada hang pamelum sa sabujurni. ²⁰ Timotius,jagaleh inun sa haut na parcaya ma hanyu.Kilahleh kawan papaneran sa duniawi andri papaneran sa kusung kawai nelang hual sa hala na antuh"pirasa", ²¹ Sa andri pangakuanni,iman papire ulun jari manyimpang. Anugrah nyindrah hanyu.