1
Teka Paulus, Silwanus baya Timotius ma jemaat ulun-ulun Tasalonika hang wuang Alatalla Am'mah nelang Tuhan Yesus Kristus. Anugrah baya damai sejahtra minau hang amau hanyu. {Papire isa lain nabasa} ["Mudahan Rahmat baya damai baya hanyu teka Alatalla Am'mah takam Tuhan Yesus Kristus."]
2
Kami kete-kete ngantuh syukur ma Alatalla umak naun katuluhni nelang ngenei naun katuluhni hang wuang du'a-du'a kami.
3
Kami puang hapus tueleh ngampi itung manyu iman nu, gawian ahi lelu baya kabahumen hang wua parisaya nu hang awe wayah ni hanyu naan hang wuang Tuhan Yesus Kristus hang dahapan Alatalla Am'mah takam.
4
Kuan pulaksanaiku hang wuang ahi lelu Alatalla, kami karasa tu'u ne'u Alatalla isa haut nerau hanyu,
5
mitah Injil isa haut natarime nu, puang ekat papaner ni aiwalehanni daya nasindrah kuasa Ruh Barasis, nelang andri jaminan kapastian isa kapinu'u, biar hanyu haut kataru nyalah inun sa ingkam kami tawuk kami naan hang penah-penah naun umak kabahumen naun.
6
Kaliru pada hanyu haut jari kumpulan isa na suntu kami, nelang suntu teka Tuhan tawuk hanyu narime firman andri penu kaaraien daya Ruh Barasis walau hang penah pamaksaan.
7
Hasilni, hanyu haut jari suntu manyu here katuluh isa parisaya hang daerah Makedunia baya Akhaya.
8
Daya teka penah-penah naun firman Tuhan haut lagar puang ekat hang Makedunia nelang hang Akaya ai. Salabisni, sarita manyu iman nu ma Alatalla haut galis rasa ma katuluh unengan hampe kami ngaan parlu lagi nyandrengei piwaraai manyunhal iru.
9
Daya here erai isa iwara ma kami, kewangun kami haut nasamut daya naun, nelang kewangun naun haut iwaleng teka berhala-berhala umak narime Alatalla hang wuang welum isa kapinu'u,
10
nelang ngandrei pihawian Anak-Ni teka suruga isa haut mihemuk teka padang ulun matei, hanye ne Yesus, isa sagar mambebas takam murka isa sagar hawi.