¹ Teka hi Petrus, rasul Yesus Kristus, ma kuan ulun asing isa sabak, isa tapidi, hang litar Pontus, Galatia, Kapadukia, Asia, baya Bitinia, ² susuk andri rensana Alatalla Ammah, daya pengudusan teka Ruh Barasis, umak kapersayaan nunung Yesus Kristus, nelang mitik ira Ni. mara eh anugrah naan umak hanyu, himpan damai sejahteranu batamah-tammah. ³ Amun Alatalla nelang Ammah teka Tuhan Takam Yesus Kristus naberkat. Hang wuang Kamurahen Ni, Hanye ngami kami pamelum wau daya tagal kayakinanjari isa warisan mitah kebangkitan Yesus Kristus teka pampatei. ⁴ Nyeiru warisan isa puang sagar wawai, puang sagar hala, nelang puang sagar wawai. Warisan ru haut na simuh hang wuang surga umak naun. ⁵ Daya kuasa Alatalla nasalinung malupui iman neu kasalamaten isa siap natantarang hang pijumpuhanni. ⁶ Naun arai hewu neu hal yeru, biar itati naun kaingkam panyusah hang wuang katuluh papire masa subaan. ⁷ Hal yeru jari daya nguji iman nu, iman labis baharaga teka amas, isa tau rakit daya apui isa nguji imannu. Katuluh ni tau jari himpan imannu tauji nelang kaiyuh pujian, kamuliaen, nelang hurumat tawuk Yesus natantarang. ⁸ Naun huan suah kadinung Hanye, kude naun ngalelu Hanye. Naun huan kadinung Hanye itati, kude naun tatap harap pada ma Hanye nelang bangat arai hewu isa puang iyuh antuh, isa penu andri kamuliaen. ⁹ Naun itati rahat narime neu diri naun raerai teka iman naun, kasalamaten amirue naun. ¹⁰ Kuan nabi ngantara nelang nunti eleh neu kasalamaten yiti, neu anugerah isa sagar jari milik naun. ¹¹ Here naniki neu hie sa sagar nelang hamian sa Ruh teka Kristus isa naan hang wuang here bapaner pada ma here. Ina kajadian ni tawuk Ruh nawara ma here neu penderiataan Kristus nelang kamuliaenni isa naharak udi iru. ¹² Hal iru haut natantarang ma kuan nabi sabujurni here puang rahat malayani diri here raerai, kabalikanni hanyu. sindrah ngawauh here isa ngaraja ni nyeiru isa natahampe ma hanyu mitah here mitah kuan pangarasaen here hang wuang Ruh Barasis, isa haut nakirimni teka surga. ina katuluh hal nelang kuan malaikat hamen karasa. ¹³ Jari, siapakan kunuannu, Himpan kunuannu jari barasis. Yakin tatuuleh neu anugerah isa sagar naami ma hanyu, hang wuang pernyataan neu Yesus Kristus. ¹⁴ Neu kuan anak isa taat, ada manyarah daya ngalut bahumnu, yalah kapihuan hanyu uweng pangatahuan. ¹⁵ Kudeni, Kewangun Hanye isa haut nerau hanyu ulun barasis, kaliru pada hanyu barasis hang tinga pantane nu. ¹⁶ Daya naan tatulis, "Kudusleh hanyu, daya Aku kudus." ¹⁷ Nelang, amun hanyu nerau "Ammah" nyeiru Hanye isa puang nantau uruwawa umak mahakimi tiap ulun nyalah ngalut ualah agwini, tangalisleh tawuk hang wuang pakiaan pamelumnu nelang hurumat ma Hanye. ¹⁸ Hanyu karasa daya hanyu haut natewuh teka tinga pantane nu isa budu tka uruk ajar itak kakahnu, puang andri bana isa nyata perak atawa amas. ¹⁹ Kabalikanni, nau haut natewuh daya ira Kristus isa mulia, nelang yalah anak domba isa puang uweng cacat atawa noda. ²⁰ Kristus haut natantu kapihuan dunia jari, kude itati hang andrau isa pijumpuhanni, Hanye haut natantuakan ma naun katuluhni. ²¹ Mitah Hanye naun harap tuu ma Alatalla, nelang Alatalla haut ngindrik Hanye teka padang ulun matei nelang Hanye haut naami kamuliaen hampe iman nelang kaharapen nu naan hang wuang alatalla. ²² Hanyu haut ngulah amirue nu barasis tawuk taan andri kapinuu.umak tujuan andri ahilelu isa tulus, jari palelu isa andri isa lainni andri tulus teka wuang atei. ²³ Hanyu haut laher wau, puang andri wini isa tulen, kude andri wini isa puang tau hansur, mitah firman Alatalla isa welum ma kalalawahni. ²⁴ Daya, "Katuluh tenga nyalah bariwit, nelang kamuliaenni nyalah wunge bariwit. Bariwit jari karing, nelang wungeni patei, ²⁵ Kude firman Tuhan kekal hampe kalalwahni" ina khabar maeh isa natahampe ma hanyu.