¹ Ubu bombwandilo bwa masyu amisa agha yesu krisitu ,umwana wa chala. ² Ukuyana namo silembeliwe mwa yesaya umusolori '''keta, nguwatumila umutumiwa wangu umwe we akwisa pa kuyanisya isila; ³ Amasyu ghawe akukolera mungulongo '' muyania isila sya chala ;; munosye isila syake syigholoke; ^{6 4} Yohani akisa ,pakosya mungolongo nukukulumbilira amasyu ghalupinduko nukubokekeliwa kwa mbibi. Akaya kosi kamuyudeya nawandu bosi bamu yerusalemu bakabuka kukwake. Bayaka bosiba nawe mulusoko lwa yorodani nukulapa imbibi. ⁵ Yohani akafwala umuselekesya ghoghukaba na meya gha ngamila nukufwala ulamba wa chipapa mumusana sona akalyanga indafu nubuki bwa mungolongo. Aka. ⁷ Akalumbilira akati '' we akwisa mu nyuma yangu we ali namaka ghakunginda une; uyu ngabaghila ukusatula utukungilo twa sapato syake . ⁸ Une ngoboysa namisi ghene lori umwene akwisa pakosya nu mbepo mwikemo. ⁹ Sikabombiwa mumasyu gha kunyuma ukuti u Yesu akafuma mkaya ka Nazareti mu Galilayi , wepe akosiwa nu Yohani mulusoko lwa yorodan . ¹⁰ Bo uyesu afuma mumisi, akaketa kumwanya kwighukite umnbepo wa chala akika papake akawa ngati ngunda . ¹¹ '''Amasyu ghakafuma ku mwanya, '' uwe we mwana wangu umughaniwa. ihobokete ngani nuwe. ¹² Mwakwambula ukukaba umbepo wa chala akamutuma mu ngolongo . ¹³ Uyesu akikala amasiku 40, nukwanda ukugheliwa nu satana. Akabapoka nifinyamana ,abandumi bake bakamubombela uyesu. ¹⁴ Bo uyohani apinyiwa uyesu akingila mkaya ka Galileya nu kufumusya amasyu amisa agha chala. ¹⁵ U yesu akati akabaliro kakwana ukunyafyale bwa cha chala bwa palamila. Pinduka nukusubila amasyu amisa. ¹⁶ Bo u Yesu akwenda mulubafu lwa nyanja ya Galileya, akababona aba Simon nu Andileya umukulu umukulu wa simoni akaponia ichilepa munyanja chifukwa bakaba bakolaswi. ¹⁷ U Yesu akayugha kukwabo akati, '' sakuno mungonge une nguya pakubapela ukuya bakukola abandu. ¹⁸ Mwalubilo bakafileka ifilepa fyabo nukumukonga u Yesu. ¹⁹ Bo u Yesu endapo akamutunda kamo akamuketa u Yakobe umwana wa Zebediya nu Yohani umukulu wake , bakaba mu bwato ba kanosyagha ifilepa fyabo . ²⁰ Akabitisya bosi bakamuleka uwise Zebedayi mu bwato pamupene nabambombo wake wakanda ukumukonga. ²¹ Bakingila mukaya ka kapenamu , sona pisiku lya sabata, U yesu akingila munyunba yakumanyilamo [sinagogi] nukwanda nukumanyisya. ²² Abandu bakaswigha ngani nubumanyisi bwake, papo akamanyisya ngati mundu yumo yo ali nubulamuliro ngani ukubakinda abamanyandaghilo. ²³ Mulamula [sinagogi] mo bakiputagha akabamo umundu yumo umwanalume yo akaba nimbepo inyali akakuta ngani akkolera, ²⁴ ''ukulonda kutubombelaki uwe,Yesu wa Nazareti? wisa pakutukomania utwe? ngumenye mo ubelire uwee. We mwikemo mwana wa chala. ²⁵ Yesu akakemela imbepo inyali , akati ube myee ufumemo mumundu uyu. ²⁶ Imbepo imbibi yikamuponia pansi nukufuma uku yikukolera. ²⁷ Awandu awingi bakaswigha, bakanda ukulalusania benene,''çhochoni ichi? bobumanyisi ubupya nubulamuliro! akalamulira nimbepo imbibi posyope sikamupulikira! ²⁸ Imbiri yake yikamanyikwa akaya kosi ka mu Galilayi. ²⁹ Bobafumamo munyumba yo bakiputilagha, bakingila mu nyumba ya Simon nu Andileya, pamupene niya Yakobe nu Yohani. ³⁰ Wepe umayifyala wa Simoni akaghona pansi akaba mubine umubili ghukamubagha.mwalubilo bakamubula uyesu isya bubine bwake. ³¹ Umwene akisa akamukola inyobe nukumunyamusya,akanyamuka ububine bosi bukafumamo mwamukolo yula akanda nukubabombela abene. ³² Bo kakwana akabaliro akanamasuba bo izuba lingila bakisa nabo bosi ababine naba mbepo imbibi . ³³ Akaya kosi bakabungana pamulyango wa nyumba. ³⁴ Uyesu akaposya abandu abingi bobakaba babine nimbungo syakulekanalekana nukufumya imbepo imbibi, lori atakitisya ukuti imbepo imbibi siyughaghe chifukwa sikamumanya. ³⁵ Akanyamuka pangero ngani bokukali ku tachile , uyesu akanyamuka akabuka pakwiputa kubusyefu. ³⁶ U Simoni nabo akaba nabo bakanda pakumulonda , ³⁷ Bakamwagha bakayugha kukwake bakati '' wesi umundu akulonda uwe.' ³⁸ Akati '' twende twebosi pamupene twingile mutwaya tosin tusyungulire ukuti inje ndumbilire, kulakula mumo bakwiputila ( sinagogi) chochifukwa nasa kuno nune. ³⁹ U yesu akenda akaya kosi ka Galileya pakulumbilira amasyu munyumba syakumanyilamo nukufumya imbepo imbibi. ⁴⁰ Umundu yumo yo akbinagha imbungo ya maketa akisa kwa yesu nukumusuma, akafughama pansi nukumubusya ukuti linga wighanite ungaswefya;; ⁴¹ U yesu bo ichisa chamukora akagholosya inyobe yake, akamupalamasya , akati kukwake nighanite leka swepa;" ⁴² Nalubilo imbungo ya maketa yikafumamo mumwake nukupola. ⁴³ U yesu akamusoka ngani umundu yula nukumubula ukuti bukagha. ⁴⁴ Akayugha ku kwake , manye umubulaghe yumo umundu ,lori bukagha uye wilangisye ku muputi wako, sona uye ubike ifyabupe ifyakupola kwako ngati mo umose akabalamulila ngati chisimikisyo kukwabo. ⁴⁵ Lori akabuka nukwanda ukuyugha nukufumusya amasyu mubwabuke umwakuti uyesu atakingila mukaya mula umwa pa bwelu lori akikala ko abandu batakabako lori pope abandu bakabukagha ukufuma mwakulekanalekana.