¹ Abingi baghelitepo pakubunganika pamupene ifindu fyosi fyofikakanilisiwa pakati papitu, ² Ngati mumo bakatusimbila fyo tubusiwe kale nabo bakaba baketi sona babombi ba isyu. ³ Po naketa ukuti chisa nune , papo nabusikisisye akisakisa ukufuma pabwandilo , ukuti ungulembele akisa akisa ifindu ifi mulubatiko lwake uwe wemughindikiwa Feyofilasi, ⁴ ukuti ube nakamanyilo kapasima kafindu fyo ukamanyisya ⁵ Mumasiku gho u Herodi akaba we malafyale usongo uwayudeya kukaba kukaba uputi usongo ilita lyake awe Zakaliya ukufuma ku chikolo cha Abija, umukasi wake unElizabeti wepe akaba waluko lwa Aloni. ⁶ Bosi bakaba bafholofu paso gha chala, bakendagha pabwelu mundaghilo syosi namalamulo ghosi. ⁷ Loli batakawa numwana nayumo chifukwa u Elizabeti akaba mughumba sona bakaghoma. ⁸ Po kakisa akabalilo ko uZakaliya akaba pabupa bwa chala( pamaso gha chala) akabombagha imbombo yake iyabuputi nulubatiko lwa chighaba fyabo. ⁹ Ukuyana ninyigho syabo syabaputi akasaliwa ukuti aye ingile munyumba ya Chala pakocha ikemo. ¹⁰ Ichilundilo chabandu ichingi chikiputagha kusi pakabaliro ko bakochagha ikemo. ¹¹ Po umungelon wachala akamubonekela sona akisa akima pambali ya nyobe indilo [pachighemo ichakochelapo ikemo. ¹² UZakaliya mo amubona akakenukila, ubogha bukamwagha. ¹³ Loli umungelo akamubula ukuti manye ghoghopeghe, Zakaliya, chifukwa ulwiputo lwako lwapulikikwa. Umukasi wako tise abe numwana. Timukamwitisye ingamu yakuti Yohani. ¹⁴ Ukuyapakuba nubuhofu sona nubufwase, sona abingi bakuya pakuhoboka nukupapiwa kwake. Pakuti akwisa kuwa mukulu pamaso gha chala. ¹⁵ Teye akang'wepo lumo uwayini pamo ifyakung'wa ifyamaka ifyakukolwa, sona tikise isule numbepo mwikemo ukufuma mulufukwe lwa mayi wake. ¹⁶ Abingi abanhyenya bamu isilayeli bakuyung'amukila kwa Malafyale uChala wabo. ¹⁷ Akwisa pakuba pandasi pamaso gha Malafyale mwambepo namumaka gha Eliya, pakusighomola indumbula syabandu abatata nabana sona nabasita kukonga indaghilo namumaha gha bwanaloli pakutendekesya ukwisa kwa Malafyale chala ,abndu bakitendekesyagha isya yuyo.'' ¹⁸ UZakaliya akayugha ku mungelo yula akati, ningamanya bulibuli isi? pakuti une nemundu usongo sona numukasi wangu wepe wesongo.'' ¹⁹ Umungelo akamwamula nukuyugha kukwake, ''Nene ne Gabriel, nenimilile pamaso gha Chala Ingatumiwa pakuyugha nuwe, nukwisa namasyu amisa agha krisitu. ²⁰ Keta ukuya pakuba myee, kwambula ukuyugha, mupaka papoifindu fimo fyabombiwa. Chifukwa utakusubalila ngani amasyu ghangu, ghoghakuya pakukwaniisiwa mukabaliro kake.'' ^{21 22 23} Po abandu bakanda pakulindila u Zakaliya. bakaswigha ngani bobkwaghe ukuti ukutagha akabaliro akatali muchalichi. Loli mo akufuma atayugha nachimo ku babo. Bakasysnia ukuti aketitepo fimo ifyamundasi mo alimuchalichi. Akapitililabu pakubonesya ifimanyikwilo nukuba myee kwambula ukuyugha. po kakisa akabalilo akakuti amasiku aghakubombela imbombo yake ghamala, akabuka kunyumba yake. ³⁰ Po umungelo akayugha kwake, '' manye ghoghopeghe, Maliya., pakuti waghiwe nichisa cha chala. ³¹ Keta tise ube nichifuba chamwanya mkati nukwisa ukupapa umwana umwana lume. ³² Tukise umwitisye ilita lake ukuti 'Yesu.' Takabe mundu umukulu sona takitisiwe ilita lyakuti Wapamwanya ngani. UMalafyale Chala akuyumupa umwene imbumbu ya bunyenya bwa Daviti. ³³ Takise alamulire inyumba ya Yakobu akabaliro kosi sona te akabepo nubumaliro kubunyafyale bwake. ³⁴ Maliya kayugha kumungelo, '' Ifi tifikabombiwe bulibuli, pakuti ndamumenye lumo umwanalume? ³⁵ Po umungelo akamwamula nukiyugha kukwake, '' Umbepo mwikemo takise papako uwe. po umuswepu yula yo akuya pakupapiwa akuyukwitisiwa ukuti mwana Chala. ³⁶ Keta , umukamu wako wepe u Elisabeti wepe abanichifuba chamwana mukati umwanalume mubwasongo bwake. Ughu mwesi wake wa namabala 6 kukwake yo akwitisiwa ukuti atapapite lumo. ³⁷ Pakuti chitalipo nachimo chicho chipala pamaso gha Chala.'' ³⁸ Maliya akati, '' Keta une nemubombi wa Chala umwanakasi. Leka ifi fibe ngati ulu kukwanmgu ukuyana nubutenga,'' Po umungelo akisa ubuka amuleka. ³⁹ Po umaliya akanyamuka mumasikiu ghalaghala nalubilo akabuka nukwingila mukaya ka chighamba cha Yudeya. ⁴⁰ Po akabuka nukwingila munyumba ya Elisabeti sona akamulamuka. ⁴¹ po sikabombiwa ukuti mo uElizabeti apulika umaliya akumulamuka, umwana mulufukwe lwake anyelanyela, sona u Elizabeti akisula nu mbepo mwikemo. ⁴² Po akakwesya amasyu nukuyugha namaka, Mulibasayiwa mwebanakasi umwe, sona lusayo nuluseke lwa mulufukwe lwako. ⁴³ Choni chicho chikubombiwa kwa une ukuti umayi wa Malafyale wangu ukuti ise kukwangu? ⁴⁴ po keta ukuti , isongo cha kulamuka kwako chisa mumakutu ghangu, po umwana mulufukwe lwangu anyela mwakuhoboka. ⁴⁵ Musayiwa umundu yuyo akwitika ukuti kuli ukukwanilisiwa kwa kufindu fifyo wabuliwa uwe ukufuma kwa Chala. ⁴⁶ U Maliya akayugham ukuti , umuzimu wangu ghukumupala Chala, ⁴⁷ sona umbepo wangu ghufwasite ngani mwa Chala wangu umupoki. ⁵⁴ akisa abapa ubutuli aba ku isilayeli abambombo bake, ukuti bakumbukeghe pakulangisya ichisa ⁵⁵ (ngati mumo akayughila kubatata witu) kwa Abulahamu nakubanyenya akabalili kosi.'' ⁵⁶ Umaliya akikala nu Elizabeti imyesi mitatu po akanyokelagha kunyumba yake. ⁵⁷ Po akabaliro kakati kakwana aka Elizabeti akakupapila umwana po akapapa umwana umwanalume. ⁵⁸ Po abapalamani bake naba kamu bake mobapulika ukuti uchala alangisya ichisa ichikulu kukwake pobosi bakisa basekela pamupene nawe. ⁵⁹ Po sikabombiwa pisiku ilya namabala eyiti popo bakisagha nukumuputula umwana yula. Bakabaghila ukuti bamwitisyeghe ilita lya ''Zakaliya,'' ilita lya tata wake . ⁶⁰ Loli umayi wake akamula akati ,''Awe . Tise itisiwe ukuti Yohani,'' ⁶¹ Po bakayugha kukwake, ''Atalipo nayumo kukwinu kubakamu wako yo akwitiswa ilita lili.'' ⁶² vPo bakapanga ifimanhyikwilo ku bise ngati mumo akulondela umwene ukuti mumo bakwisikisye ingamu.. ⁶³ Uwise akalalusya ichakulembela, 'sona akalemba, ''Ilita lyake we Yohani,'' abandu abingi bakaswigha ifi. ⁶⁴ Nalubilo umulomo wake ghukighuka sona nululime lwke lukamasuliwa. akyugha nukumukwesya uchala. ⁶⁵ Ubogha bukabagha abndu bosi bobakikalagha mupipi nawe. Fyosi fifyo fikabombiwagha fikamanyikwa akaya kosi ukufika ko ku Yudeya. ⁶⁶ Bosi babo bakaghapulika bakaghasunga mundumbula syabo, nukuyugha , '' Ka umwana uyu tise abe buli? pakuti inyobe ya Malafyale chala yilinawe. ⁶⁷ uwise uzakaliya akisula numpepo mwikemo sona akasololagha, akati , ⁶⁸ ''Akwesiwe uMalafyale, uchala wa isilayeli, pakuti akisa pakututula sona akukwanilisya ukupoka abandu wake. ⁶⁹ Akanyamusya ulupembe lwabupoki ku uswe munyumba ya mubombi wake Daviti ⁷⁰ (ukayana namumo akayughila mumulomo wa bikemo bake abasololi abalilo akatali akakunyuma), ⁷¹ ubupoki ukufuma ku balughu bitu sona ukufuma munyobe sya bosi bobatubengite uswe. ⁷² Akabomba isi pakulangisya ichisa ku batata bitu sona napakumbusya ulwitiko lwake ulukulu ⁷³ .Ulufingo ulu afingite to Abulahamu kubatata bitu. ⁷⁴ ukuti tupokiwe kunyobe syabalughu , nukuti isetumubombele kwambula ukoghopa. ⁷⁵ mubwikemo namubwanaloli bo akali ukwisa mumasiku ghitu ghosi ⁷⁷ inga sona numwe, umwana, wepe ayukwitisiwa ukuti musoli wapamwanya, pakuti tumukabuke munyuma mwa Malafyale pakuyania isila, pakuyania abandu isyakwisakwa kwake, ⁷⁶ pakubapa ubumanyili bwa kupokiwa kwa bandu nukubuhokeliwa kwa mbibi. ⁷⁸ FYosi ifi fikuya pakubombiwa chifukwa cha chisa cha Chala, chifukwa cha mump isuba likufumila ukufuma kumwanya akwisa pakutwafwa uswe, ⁷⁹ napakubala kubabo bobali muchisi sona namumusyesye wa bufwe. Takabombe ifi pakutulongosya inyayo situ musila ya mutende.'' ⁸⁰ po umwana akanda ukukula nukuba namaka mwa mbepo sona akaba mungolongo mpaka papo isiku lya kubonekela ku chilundilo chabanya isilayeli .