¹ Tarai kuno chiara choku Efeso: Izvi zvinonanga vanonhereji nomwe panhara yavo omuho, jinofamba pazvikira zvinomwe zvomukore: ² Inini ndinoiziva mushando yake, mshando yake, rucengerero rwako, kuti uchatendera zvakashata, wakazvirapira vanonanga Mapostoro kuveni asipi, vakazivika kuti vainga vanhepi; ³ Vechichingirira Matambujiko, vano rucengerero, vakashanda ngozina Rangu, vachikazivi kuremba. ⁴ Asi inini ndirivenga imwimwi, ngokuti makasiya rudho wenhu okutanga. ⁵ Asi cherechejai pawakawa, asi ndinovhisa kutambujika kushata kondau yako, kudhai iwewe watama kutenderuka. ⁶ Asi izvo: vanovenga mushando yakashata, jokuti ininivo indinojivengavo. ⁷ Asi anonjeve ngaazve, zvinonanga Mweya mucheche: Asi anowina, inini kuha komumbhuti oupenhu, uripakati po paradase Wa Mwari. ⁸ Tarai kungirose yo ku Esmira: izvo zvinonanga pokutanga nokupejesera, wakafa, echipona: ⁹ Inini ndinoziva mushando yako, pahurombo nopamatabujiko. Vanotuka vechiti Majuda, kuveni asipi, ngozvokadhi vateperi va satan. ¹⁰ Uchatyia Pazviro zvaunona pakutambujika, ngokuti satan arikudha kuti amudhire Mujeri, kuti muyejwe; Asi munozowana Matambujiko, ogumi ronjiko. Kururama mbhesa kufa, asi inini ndinokupa hata youpenhu. ¹¹ Anonjeve ngahazwe, zvinonanga Mweya mucheche: Anowina, azotambujiki ngo Rufu ochipiri. ¹² Tarai kungirose iri kucheche riri Pergamo: Izvi zvinonanga wiya anobhanga rinocheka kwese: ¹³ Inini indinoziva Mabhsa Ako kanogara, kuno chigaro cha Satani: Asi inini indino gara no zina rangu, kuti uchanunura gonda rangu pamazuva anonesa, Asi chaenga chirichapupu chakakwana, chakafa pakati penhu, kunopona satani. ¹⁴ Asi inini ndinozviro zvishoma kwauri: Asi imwiwi munavaiya vanomatawhwa a Balaao, ngowapi waijijisa Abalaque kukhandira mapuwe okukhugunha pamberi povana vaIsrael, kuti vatangue no mudhiro ozvimwarimwari, vachita chichaichi choupombwe. ¹⁵ Asi iwewe nozviro zvishikashandi, zvandinovenga. ¹⁶ Tenderukai; kudhai, ndakawhusana naye no Bhanga ropamuromo pangu. ¹⁷ Asi anonjeve anozwa zvinonanga Mweya mucheche: Anowina ndinomuita kuti ahe mana akavigwa, ndinozomupa bhuwe rakachena, asi pabhuwe nozina ripswa rakathwa, pachina mundhu anoriziva, achiripi wyiya anoriachira. ¹⁸ Tirai kungirose iri Tiratira: Izvo anonananga Mwana Wa Mwari, anomadisho ake tenga mulazvo omuriro, asi murenje jake jakatojana no tyusi rakaperera. ¹⁹ Asi inini ndinoziva Mabhasa Ako, No rudho, no gonda, no rucengerero, mabhasa ako, okupejesera akakura kupinda okuamba. ²⁰ Asi inini ndakakushora ngokusia mukaji wako Jezebel, anozwi Muporofita, waijijisa nnokuchengeja varanda vangu, kuti vaite chichaiche choupombwe, no mudhiro ozvimwarimwari. ²¹ Asi inini ndakamupa nguva kuti iyena atenderuke kuzvichaichi zvake zvoupombwe, ngokudharo iyena azivi kutenderuka. ²² Asi inini ndinokhandira mubedo, kuvaiya vanoita zvoupombwe nayena, pamatambujiko makuro, kudhai watama kutenderuka kumushanda. ²³ Asi nokuvana vake asi inini ndinovahuraya pakufa; Asi no Macheche ese anozviziva kuti inini ndini ndinoziva kupwtanga zvakashata; asi umwe na umwe ndinomupa se mushando yake. ²⁴ Asi inini ndinoti kuvamweni variku Tiratira, kuvese vachina murairo yondhoyo, Avazivi kujika ka satani, asi inini andidhiri muthwaro kwamuri; ²⁵ Asi zvamunazvo,viganhi mbhesa mukuviya kwangu. ²⁶ Asi kawiya anowina, nokuchengeta mushando mbhesa pakupejesera, ndinozonupa simba pakati ponhika; ²⁷ Asi anozoinhisa nomushakwe osimbi; kudha tenga mujiyo omatope unozopera kupwanhika ngo matimbu, kudhai tenga inini ndakaaschira Bhabha wangu; ²⁸ Asi inini ndinozomupa nhereji jo mangwanani. ²⁹ Asi anonjeve ngahazwe, zvinonanga mweya mucheche.