¹ Vakandipa chenganhi siya kotora kakupima. Vakandipazve: Mukanhi pindani teperi ra Mwar, altari vakamunamata. ² Pakati poruvana mukati rakapuwa kuvahedeni, ivona vanozocthika madopa rakachena pamukono muronganimbo wanozvigara makumi manai nomwezi mbiri zvomwezi ³ Asi inini ndinopa chapupu sho simba Rokuporofita, vakasimira magagara, pamazuva anokwana, kuita mazana nomazana makumatanthatu. ⁴ Asi zvapupu zvonazvo zvibhani zviviri zvi pambheri panMambo panhika. ⁵ Asi aripo anoshaisha, muriro unovha pamuromo, unomija vavengi vake.ari umwe anoshaisha anodhika afe kudharo. ⁶ Asi chapupu ichi chinosimbha kuti chifunge dhenga, kuti ichana panguva yavanoporofita. Ngokuti ivona vanosimba rokuchinja kumwa kuviya ngazi, kuti vatonise kushata kwese, kangana kavanodha. ⁷ Asi pavanopeja chapupu chavo, shikala chinokwira pagehena nopakajika chinozoita hondo navo. Vanozovavhunjirira nokuvauraya. ⁸ Asi muviri wavo unozogara mugwanja (nomadoro pa makuru), kwapi Mambo wavo wakakohomewha. ⁹ Pamazuva matatu no hafu, asi vandhu vombhungano, no ndhimi, no nhika, jinozosota, muviri, ngokuti avazotendewhi vasote. ¹⁰ Asi vanopona panhika vanozodhakara ndivona, vechicherecheza vechipa mufupo umwe kuno umweni, ngokuti vaporofita vaviri vakatyityijira vanopona panhika. ¹¹ Kupera komazuva matatu no hafu, mweya wakava ka Mwari wakangena, ivona vakagara vakaima. Kutyia kakakura kwakaviya kavaiya vaidha zvonazvo. ¹² Asi vakazwa izwi rakakura, raivha kudhenga, rechiti: ''Viyanhi pano!'' Ivona vakakwira, kudhenga ngomumakore, kuveni vavengi vaivapoterera. ¹³ Panguva yonayo, pakaoneka muduma ngopasi wakakura, divi gumi ro Doroba rakapwanhika. Mazana manomwe ovandhu vakafa pamuduma ngopasi, vakapona vakajaruka vakapira nduma kuna Mwari mudhenga. ¹⁴ Ochipiri wakapinda. onai, ochitatu arikuviya ngokukasika. ¹⁵ Ngirosi yo shinomwe yakarija whamanda asi maizwi makuru akavereketa kudhenga, echiti: ''Umambo o Nhika ino waita UMambo wa Krristo, iyena anotonga nokutonga.'' ¹⁶ Asi makumaviri navarongomuna vakagara pachigaro, pa Mwari, vakasikimara pasi, vakakotomisa mumeso mavo pasi, vakanamata Mwari, ¹⁷ vechiti.'' Nhasha tinokupa, Mambo Mwari, anosimba rese, wiya wainga,wiya anogara wakakura no simba wakatanga kutonga. ¹⁸ Nhika inoswipiwha, kunovia kunhangajwa kwako. Asi nguva yaguma yokutongwa kuvakafa kuti vapuwe mubhairo ovaranda, mapororofita, novazene vese vanotyia zina rako, kuvadhoko novano simba, nguva yaguma kuti mupwanhe vese vanopwanha nhika.'' ¹⁹ Ngokudharo Teperi ra Mwari, riri mudhenga, rakafungunhuka asi areka ochitenderano yakaoneka mukati mo Teperi no Mbhene. Nokutekenheka, no Muduma ngopasi, no mvhura yakakura inomapuwe.