¹ Ndizvo kudai kuripo kunyaradza munaKristo, kudai kuripo kuembedzerwa kworudo, kudai kuripo kuiyana kwoMweya, kudai dziripo nyasha dzinorudo nokuitirwa nyasha, ² Itai kuti kudakara kwangu kuite kwakaperera; muite vane mupinimidzo umwe, munerudo rumwe nechisungo chimwe nomupinimidzo umwe ³ Musaita chiro ngokudzida nokuti ngokudzitunhumadza, asimukupfaa kwomupinimidzo umwe ngaumwe ngaeerenge kuti vamweni vanomupinda ngokunaka. ⁴ Umwe ngaumwe ngaerekete kuringira zviro zvake, asi ngaaringire zvevamweni. ⁵ Uyu mupinimidzo ngaugara mukati mwenyu uwo waiya mukati mwaKristu Jesu, ⁶ Uwo, kunyazwi waiya mumuemo waMwari, ⁷ aazi kupinimidza kuti chirichiro chokukara kuedzana naMwari, Asi wakadziita usina shwiro, echidzitorera muemo womuranda, akabarwa mumuemo womunhu. ⁸ Naapo echioneka anomuemo ⁹ Ndizvo Mwari wakamukudza kakurutu, akamupa zina riri padera pezina reshe. ¹⁰ Kuti ngezina raJesu mabvi eshe agwadame, evari mudenga nevari munyika nevari mudenga nevari munyika nevari pashi penyika. ¹¹ Kuti ndimi dzitende kuti Jesu Kristo ndiye Mambo, kutimwari baba akudze. ¹² Ndizvo, vanodikanwa vangu, kudai ngezve mwakandipurutana ngenguva dzeshe, haiwa panguva dzendiripo dzega, asi zvno munopinda kakurutu apo ndisipo, shandirai ruponeso rwenyu mukutya nomukuhuta; ¹³ Ngokuti ndiye Mwari unoshanda mukati mwenyu, echimuita kuti mukone mweshe kuda nokushandira kudakara kwake kwakanaka. ¹⁴ Itai zveshe pasina kuvhuruvhuta nokuti kuita hasha. ¹⁵ Kuti muite vasina chevanoitirwa ndaa, vakarurama, muri vanada vakarurama, muri vana vamwari musina ndaa pakati pomubarirwana wakashongoroka nowakapauka, mujeke pakati pavo kudai ngenyeredzi dzinojeka paderapenyika. ¹⁶ Ngokubatisisa izwi rokupona kunoita kuti ndiwe nacho chokuganza ndicho ngezuva raKristu, kuti andizi kutera kurumba pasina shwiro nokuti kutera kushanda pasina shwiro. ¹⁷ Asi kunyazwi ndechidururwa padera pomudiro nomushando wokugonda kwenyu, ndinodakara ndechidakara nemwi mweshe. ¹⁸ Ngokudaro dakaraiwo imwimwi, mudakare neni. ¹⁹ Asi ndinogonda muna Mambo Jesu kutumira thimothi kwomuri ngomashoko enyu. ²⁰ Ngokuti andina munhu umweni wakadai ndiye, ungazonasa kumutambudzikira imwimwi ngokugara kwenyu. ²¹ Ngokuti veshe vanodzitsvakira zvavo, haiwa izva Jesu Kristu. ²² Asi imwimwi munozia kugondeka kwake thimothi, kuti kudai ngomwana unababa, ngokudaro iye wakashanda nenimukuhambisa vhangeri. ²³ Ndizvo ndinogonda kuti ndizoona zvooitika kwendiri; ²⁴ Neni ndinogonda munaMambo kuti ndinozosira kuuyayo. ²⁵ Asi ndapinimidza kuti zvinosisira kuti nditumire Epafrodito. Kwamuri hama wangu inoshanda pamwepo neni, nouri joni pamwepo neni, nhumwa. ²⁶ Ngokuti waisuhumira imwimwi mwese, naye wakatambudzika kakurutu ngokuti mwakadzwa kuti wairwara. ²⁷ Ngechigwinyiso wairwara ari pasinde pokufa. Asi Mwari wakamuitira kwega asi nokwodirwo, kuti nditsatambudzika pandera pokutambudzika. ²⁸ Ngokudaro ndinopinda kuda kumutumira kwomuri, ndizvo kuitira kuti mumonezve mundakare, kuti neni ndisanyanya matambudzika. ²⁹ Ndizvo muashirenyi munaMambo ngokudakara kwese, muremedze vakadaro. ³⁰ Ngokuti wakapasindee pokufa ngendaa yomushando waKristo, echipira kupona kwake mungozi, kuti apedzise izvo zvaisisira zvomushando wenyu kwendiri.