¹ Naapo Jesu wakatuhua noMweya kuenda kubani kakaenda koenjua ndiSatani. ² Aapera kusanha makumarongumuna homazuva Nomakumarongumuna Ousiku, iena wainga anonjara. ³ Satani wakavia akati: "Kundai urimwana waMwari vunjai buwe iri rivie chigua''. ⁴ Asi Jesu wakadavira kuti: ''Zvakanhohua, kuti asipi kuenga mundhu anopona ngochingua, asi ngomazvi ese anobuda mukanua mo Mundhu. ⁵ Asi Satani wakamutora akamudira pakati poDoroba rokachena padera poteperi. ⁶ ''Akati: Kudai iwewe uriMwana waMwari, Jikandirei pasi, ''iena anozomuvunja Njirosi jake kuti jikuhake, Ngokudaro murenje jako ajisochiki buwe'''. ⁷ Jesu wakati: Zvakanhohua kuti auviri kueja Mwari wako. ⁸ Ngopatsua Satani wakamutora wakamukombija nhika yese noUmambo wako. Pamwepo noUtendi wayo. ⁹ Iena wakati Jesu: Zvese zviro izvi ndinokupa iwewe ungadinamata''. ¹⁰ Ngokudaro Jesu wakati: Budai pano Satani! Asi zvakanhohua kuti unonamata Mwari kuega uechimutenda yega'''. ¹¹ Naapo Satani wakamusia Ngirosi jakavia jikamuchandira. ¹² Ngokudaro Jesu paakazvizua kuti Johani wakangena mujeri, wakabuda kuenda kuGalileya. ¹³ Echibuda kuNazarea wakaenda kopona kuKafarnaumi kunogara Bahari roGalileya, kudalaunda yoZebulom naNaftari. ¹⁴ Izvo zvakaitika kuti zvizajike zvakanangua ndiMuporofita Isaya. ¹⁵ Kunhika yoZebulom noNaftari, Guanja roBahari, kuchipi kuJordani kuGalileya kovahedeni. ¹⁶ Mbungano yainga muchidima yakaona kujeka, noVamweni vainga pamufuriri Ochidima vakaona kujeka''. ¹⁷ Kuva panguva iyonayo, Jesu wakatanga kuchumaira kuti tenderukanhi ngokuti Umambo homundenga Uripedho''. ¹⁸ Paienda kuBahari roGalileya, wakaona hama no hama mbiri, Simoni, waidanjua Pita, no Andreia waikandira Juia mukumua, vainga vaveji. ¹⁹ Vakati Jesu: Vianhi kwaandiri nditeverenhi ndinozomita vaveji vovandhu''. ²⁰ Ngokukasika vakasiya zvijua vakamutevera. ²¹ Jesu paifamba wakaona hama no hama mbirizve Tiago Mwana waZebedu naJohani mwana waZebedeu ivona vainga mungarava naZebedeu baba wake veinasira majua, iena wakavadanija. ²² Ngokukasikira vakamutevera, vakasia ngarava. ²³ Jesu wakaenada kuGalileya, echijijisa miSinagoga echumaira mazvi matsa Umambo echirapa ndaunji yese yokusianasiana pakati pombhungano. ²⁴ Masoko yake akazika kuSiria novandhu vakavisa vese vainga no ndauji jokusianasiana, novainga noMadimoni, novainga wakaremara, naapo Jesu wakavarapa. ²⁵ NoMbhungano huru yakamutevera kuGalileya, kuDekapoli, kuJerusalema mbhesa kuJudia.