¹ Asi wakadhavira Jesu ngopawsa ngomuezaniso, echiti: ² Umambo omudhenga eakatojana na Mambo anoita diri ro Muchado oMwana wake. ³ Iyena wakatuma varanda vake kuti adhinje vaiya vainga vakakokwa pa diri ro muchado, asi ivona avazivi kudha kuviya. ⁴ Ngopaswsa, Mambo wakatuma varanda vamweni, echiti: Vhunjanhi vayana vakakokwaya; Onanhi kuti tanasirira kurarira; Ngombe jangu, nozvinhama zvangu zvapera kufa, zvese zvanaka. viyanhi kudiri ro muchado. ⁵ Asi ivona avazivi kuvataja vaskapinda: Umwe kuenda kumaminda kwake, vamweni vakaenda kuchavo. ⁶ Vamweni vakahaka varanda va Mambo, vakavanhoweja vakavauraya. ⁷ Asi Mambo vakanhangajwa, pavakazvizwa Masothsa novajohoni vakapisa Doroba Ravo. ⁸ Asi wakavhunja varanda vake: Kuti diri romuchado ra naka. ⁹ Asi kuvaiya vainga vakakokwa vainga vasizivi kururama. Ngokudharo endanhi mugwanja asi mukakhanda kokanhi kuti vaviye kudiri ro Muchado; ¹⁰ Asi varanda vakabhudha ngomugwanja vakakhanda, vakanaka novakashata, ndau yakazara ngovakokwi. ¹¹ Asi, Mambo paakangwina kuti aone vakakokwa, vakaenda koona Mwanarume wainga achina nguvo jo muchado. ¹² wakati: ''Shamwari, wangenesa kudhini pano? Asi Mwanarume wakanharara. ¹³ Asi Mambo wakati kuvaranda: Sunganhi murenje no nhara jo Mwanarume,mukhandirenhi kunja pachidhima, panokuchema nokujekera ko meno,'' ¹⁴ Ngokuti vazinji, vanodhanijwa, asi vashoma vanosanwa. ¹⁵ Asi vafarisi vakaenda koita chirongwa kuti tinobhatisa kudhini jesu pamavereketero avo. ¹⁶ Vakavatumira vajiji vake pamwepo no Herodiano. Ivona vakati kuna Jesu: Mambo, tinozviziva kuti nzvokadhi chijijiso chako unojijisa guanja ra Mwari, azvadhi nombhangiro yomundhu azviti kusiana kuvandhu. ¹⁷ Tivhunjei kuti zvichini zvaunaorangarira? Zvinoita kuripa degcima ku kesari kana azviiti? ¹⁸ Vavazwa kushata kwa Jesu, Jesu wakati: Ngenhi munoeja, vaporiti? ¹⁹ Ndikhombijenhi machereni odecima.'' Asi vakavisa zana rimwe. ²⁰ Jesu wakati: ''Ngochani chiemo ichi no zina iri?'' ²¹ ivona vakati: nja Kesar.'' Asi Jesu wakati: Ipanhi kesar zva kesar, ipanhi zva Mwari zva Mwari.'' ²² Pavakazwa zvonazvo, vakadhakajiwha vakapinda. ²³ Pazuva ronaro ivona vakaitiwha chipanza, kuti akuna rumuko, asi vakavhunjisa, ²⁴ vechiti: Mambo, MosI wakati: Kana Mundhu wafa, achina Mwana,VHama yake anodhika kurovora mukaji wake kuti awane Mwana o hama yake.'' ²⁵ Painga no hamanohama nomwe. Okutanga wakafa, achina Mwana, wakasiya mukaji wake kuno hama yakona. ²⁶ Ngokudharo, ochipiri, nohochitatu mbhesa ochinomwe. ²⁷ Vapera vese, mukaji wakafa. ²⁸ Parumuko, ngoyapi hama anotora mukaji? Ngokuti vese vainga navo. ²⁹ Asi, Jesu, wakadhavira, imwimwi makaposeka, ngokuti amuzivi matahotaho no simba ra Mwari. ³⁰ Ngokuti parumuko ivona avarovorani, avapekejani muchado. Kuchiripi kudharo, vakatenga ngirose jokudhenga. ³¹ Asi, ngorumuko kuvakafa, Amuzivi kuverenga zvamakavhunjwa na Mwari. ³² Kuti inini ndi Mwari wa Abraham, Meari wa Izaque, na Mwari wa Jacob? Asi Mwari asipi Mwari ovakafa.'' ³³ Mbhungano payakazvizwa, yakadhakajiwha ngochijijo chake. ³⁴ Asi, vafasrisi pavakazvizwa kuti Jesu wainga anharaja Masaduceu. ³⁵ ivona vakaungana, douta ro Mutemo, vechimueja, nokumuvhunjisa; ³⁶ Mambo, Ngowapi mupango wakakura pa Mutemo?'' ^{37 38} Jesu wakati: '''Idhai Mambo wako Mwari no Moyo wako wese, no mweya wako wese, no ndhangarijo yko yese. Oho ngowakakura nokutanga Mupango. ³⁹ Asi, Mupango ochipiri wakatojanazve naondhoho, Idhai mudhoni wako tenga iwewe.'' ⁴⁰ Pamupango muviri ijijinopira pamutemo ovaporofeta.'' ⁴¹ Vafasisi, vainga vachakaungana, Jesu wakavavhunjisa, echiti: ⁴² ''Munorangarirenhi ngondava ya Kristo? Ngowani Mwana?'' Iyena akati Mwana wa Davi.'' ⁴³ Wakati Jesu: Ngenhi Davi, mumweya, dhainjai Mambo, wechiti: ⁴⁴ ''Mambo wakavhunja ku Mambo wangu; kuti garai kumuho wangu, mbhesa inini ndinodhira vavengi vangu pasi pomurenje jako''? ⁴⁵ Kudhai Davi, kudhai, anodhainja, Kristo'' Mambo'', ngenhi iyena Mwana wa Davi? ⁴⁶ Apana waidha kudhavira mazwi ariese Apanazve Mwanarume waidha kuvhunjisa pazuva ronaro kwenda kumbeji.