¹ Karekare, Mwari wakavereketa kumadziteteguru edu echichandisa maprofita, nguva djimweni nomaitiro akasiyana. ² Asi, pamazuva okupedjisira ano, Iyena wakavereketa ngomwana Wake, wiya waka djiimisira kugara atarca wozviro zvese pamwepo ndiyenazve wakasika nyika. ³ Iyena ndiyena kupenya nouthende waMwari, nomuezanisa kamare waMwari rokugwinyisa zviro zvese simba roizwi rake, ponthopo achenesa zvichaichi, wakagara pasi ngokumuho kaukuru mudenga, ⁴ mwana wakapinda kunaka kunongirozi,ngokuti wakagara utaka yozina rakapinda kunaka kunoradjo. ⁵ Ngokuti, ngoiri ngirozi yakananga nokuti ngoyapi nguva echiti, ''Ndiwe mwana wangu, Inini nyamasi ndakubarazve''? ''Ndinozoita baba wake, Iyenavo unozoita mwanawangu''? ⁶ Ngokudaro, Mwari paakavisa dangwe rake munyika, Wakati: ''Ngirosi djese djaMwari ngadjimunamate''. ⁷ Ngondava yongirozi, Mwari unoti:''Uwo anoita ngirozi djake djiite mphepo, novachandiri vake kuti vaite murazvu womuriro''. ⁸ Asi, ngondava yoMwana, unoti: ''dendemaro Rako, Mwari, rinogara mphera kare nokare; nomuponda wokunaka ndiwona muponda youmambo wako. ⁹ Iwewe wakada kunaka wakanyenya kuchata; ngokudaro Mwari, Mwari wako, wakakuzodja ngomafuta okudakara, kupinda chamwari djako. ¹⁰ Kudaro pakutanga, Mwari, wakaradjika djevo ronyika; nomatenga ari muchando yonyara Djako. ¹¹ Zvontho zvinozopera, asi Iwe unogara uripo. Zvonazvo zvese zvinozosakara inga chokusimira. ¹² Inga gwanja unozodjipeta inga ngozvokusimira zvinozosanduridjwa. Asi Iwewe unogara unogara wakadaro, makore Ako aazotoperizve". ¹³ Asi ngovapi ngirozi Mwari, yaakavereketa ndiyona kanakuti ngoyapi nguva, echiti: ''Garai iwewe ngokumuho wangu, mphera ndaita magava ako chitambarariro chosoka djako''? ¹⁴ Ngirozi djese andiyopi mweya inochandira here inotumwa kuchandindira vaiya vanozogara utaka woruponeso?