¹ Zvino kwapera makore gumi nomarongomuna, ndakakwirazve Jerusarema pamwepo naBhanabhasi, ndikatorazve Thithusi. ² Neni, ndakakwirayo ngokutio ndakaoniswa chioniso, ndakaisa pamberi pavo vhangeri rendinochumaira pakati pemadzidza. Asi ndakariisa, kunevakuru vari vega ngokufishika, kuitika kuti ndaizotera kurumba nokuti ndaiya ndakambotera kurumba pasina shwiro. ³ Asi kunyazwi naThithusi uwo waiya neni, aazi kuangiridzwa kuti achekwe kunyazwi waiya muGiriki. ⁴ Asi ndakaita kundaro ngendaa yevantendi vokunyepa avo vakapotedzwavo ngokufichika kwedu kwetinako munaKristo Jesu, kuti vatipotedze muuhloko. ⁵ Atizi kudzipfaisa kwavari, kunyazwi nepadoko, kuitira kuti gwinyiso revhageri rigare nemwi. ⁶ Asi kubva kunaavo vaiya nembiri yokuti vari vakuru (kunyazwi vari vakadini, azvina ndaa kwendiri; Mwari aatsananguri unhu hwomunhu); avo, ndinoti , vaiya vambirikira avazi kututsira chiro kwendiri. ⁷ Ngokuti uwo, wakachanda kubudikidza ndiPetro, wakachekwav, ⁸ ( kumuita mupostori kune vakachekwa, wakachandawo kubundikidza ndini ngokunditumira kune vemadzidza) ⁹ Naapo Jakobe, Khefasi, noJohani, avo vaizwi ndivo madzeyo vakazia nyasha idzo dzakapuwa kwendiri, wakandimbata inini baBhanabhasi ngenyara dzokumudyo ngoukama, kuti isusu tiende kunevemadzinza, navo vaende kunevakachekwa; ¹⁰ Chiro chimwe chega chevakatironzera kuti tikarakadze ngevarombo; ichochaiya acho chendaidisissa kuita inini. ¹¹ Asi apo Khefasi aguma Antiokhi, ndakamuphikisa pamberi pehope yake, nokuti waiya anendaa pachake; ¹² ngokuti vasati vaguma vanhu vamweni vachibva kuna Jakobe, iyre vaidya pamwepo nevemadzidza; Asi apo vaguma, wakanhongoroka akadzipaura, akangara ega pachake ngokuti waitya chikwata chevakachekwa. ¹³ Nevamweni vaJudha vakadzitisawo kudai ndiye, kunyazwi naBhanabhasi wakapukiswawo ngokudzitisa kwavo. ¹⁴ Asi apo ndaona kuti avzi kuhamba ngokuraramisa, kudai ngegwinyiso revhangeri, ndakati kunaKhefasi pamberi pavo vese: ''Kudai iwewe, kunyazwi uri muJudha, asi unogara kudai ngevari vemadzidza, haiwa kudaingezvevanoita vaJudha, unovaangiridza ngenjirannyi vemadzidza kuti vagare kudai ngevaJudha?'' ¹⁵ Isusu, pachedu tiri vaJudha ngechibarirwe, haiwa vemadzidza vachaich, ¹⁶ Asi techizia kuti munhu aapembedzwi ngemishando yeMupango, asi kubudikidza ngokungonda muna Kristo Jesu, isusu nesu takatenda muna Kristo Jesu, kuti timpebedzwe ngokungonda munaKristo, haiwa ngokuitamishado yeMupango. ¹⁷ Asi kudai, taitsvaka kupembedza munaKristo, isusuwo temene takaoneka tiri vachaishi, ndizvo Kristo waamushadi wokushaish haiwa. ¹⁸ Asi, kudai ndechizoakazve izvo zvendakaparadza, ndidzionisa kuti ndiri mupauki. ¹⁹ Ngokuti inini kubudikidza ngeMupango ndakafa kuneMupango, kuti ndione kunaMwari ²⁰ Ndakakohomerwa pamwepo naKristo. asi andinipi ndichapona, asi ndiKristo unopona mukati mwangu. Nendaramo yendinopona zvino munyama, ndinopona zvino munyama, ndinopona ngokungoda kuri nkunoMukororo waMwari; Naapo uwo, wakandida, akadzipira ngendaa yangu. ²¹ Andirerusu nyasha dzaMwari; ngokuti kudai kupembedzwa kwechizouzwa ngeMupango, ngokudaro Kristo wakaterera kufa pasina shwiro.