¹ Ngokudaro, mwakamuswa muKristo, toranhi zvenhezuru, pakangara Kristo yakangara mukono yomudho yaMwari. ² Emesai mipinimidzo yenyu kunezviro zviri padera, haiwa kuzviro zviri munyika. ³ Ngokuti imwimwi mwakafa, nokurarama kwenyu kwakafishwa pamwepo naKristo munaMwari. ⁴ Naapo Kristo uwo, uri kurarama kwenyu oonesw, munozoonekwavo pamwepo naye muuthende. ⁵ Ngokudaro, zviemuriro zvenyu zvenyika; ndizona: Kuomba, kusikasukika, kuemura kwomuiri, kudisisa zvakashata nokuemura pfuma, ukwo kuri kudira miedzaniso. ⁶ Ngendaa yeizvi zviro ushungu hwaMwarihunouya padera peavo vokusikapurutana. ⁷ Ngozviro imwimwivo mwakahamba mukati mwazvo karetu, apo muchagara mukati mazvo. ⁸ Naapo, tizaizve, zvese zviro izvi: kunhangajua, kuswamwa, zvakachata nozvese zvinonhadzisa nopamuromo yenhu. ⁹ Musanyeperana, Umwe noumwe, kwechioneka kuti mwakarasha munhu wekaretu nezviito zvake, ¹⁰ nemwi mwakadzifekedza munhu mutsva, uwo unomusirirwa muruziyo, kuti aedzane nomuedzaniso vouwo wakamusika. ¹¹ Naapo apachina muGrego no muJudha, wakachekwa nokuti, wenyika mukanza, muSkuthia, hloko nowakasunhurika, asi Kristu ndiye zvese nomukati mwazvo zvese. ¹² Ndizvo, kudai ndakasanagurswa noMwari, wakacheneswa newanodikanwa, pfekai, pachenyu mwoyo, wokuzwira urombo, nyasha, kunaaniswa, kupfaa nokusekerera. ¹³ Mwechisenguerera umwe noumweni, muchireguererana umwe noumweni, kuti aripo munhu anoendaa kunoumweni. Kudai ngezvaakamurekerera noMambo, ndizvo nemwiwo munosisira kurekereravo. ¹⁴ Kupinda izvi zvese, dzipfekedzei ngoRudo,nokuti ndirona mukunharara kwakaperera. ¹⁵ Kunharara kwaKristo kutonge mumwoyo yenyu, ndikwo kwemwakadaidzirwa mumuiri umwe, muchimbonga. ¹⁶ Mazwi aKristo ngagare mukati mwenyu ngokuwandisa, mwechidzidzisana nokupangana umwe noumwe muungwau hweshe; mechimbonga mumwoyo yenyu. ¹⁷ Kunyazwi chiinyi chomunoita, ngeizvi nokuti ngomuchando, yaMambo Jesu , mwechimbonga kunaMwari Baba kubudikidza ndiye. ¹⁸ Vakaji, pfarirai vamuna venyu, kudai ngezvinosisira vari muna Mambo. ¹⁹ Vanarume, idhanhi vakaji venhu, mushavabhata ngohasha. ²⁰ Vana, zwiranhi Majibhabha Enhu, Ngokuti zvinodhakajisa Mambo. ²¹ Majibhaha, mushahambira vana venhu, kuti musharuza kudhakara. ²² Wachandi, remekejai YaMambo yenhu omunyinka ngezviro zvese, haiwa ngokurindwa, kudai ngevanodakadzisa vanhu, asi ngomwoyo weshe, mwechita Mambo. ²³ Zvese chomunoita, chandai ngomwoyo, kudai ngevanochandira Mambo, haiwa vanhu. ²⁴ Mechizia kuti munozoachira mushado wenhaka kubva kunaMambo Kristo. ²⁵ Ngokuti iye unoita zvakachata unozoachira zvaakaita; akuna mutsananguro kuna vanhu.