¹ Vanarume hama, no majibaba, ndazwa wari, kuinikiriwha kwenhu. ² Asi Ndainga ndazwa kuti ivona vaivereketa ngo ndimi yochiheberi, vakaita kunharara. Asi ivona vakati: ³ Asi inini nngozvokadi ndi Mwanarume okujuda, ndakabwahwa ku Tarso ko Cicilia, ndakehwa ku Doropa kumurenje ko Gamaliel, ndakajijiswa zvakanaka omutemo opatena ngozvokureremeja Mwari, ngokudaro imwimwi ndimwi nhamasi. ⁴ Inini, ndakatevera chiara mugwanja ronaro mbhesa kufa, ndechisunga vanarume novanakaji, ndechivadira mukarabhoso. ⁵ Asi ngokuti mukuru omapirista ndichapupu wangu, no rutongo wese no majiciao, vapi, inini, ndinotora, hama jimweni, ininivo, ndakavavisa vakasungwa ku Jurusarema, kuti vatambujwe. ⁶ Asi zvakaitika kuti, pandainga mugwanja, ndandaguma phedo no Damasco, phedo no masikati, ngokukasika chieza chakakura chomudenga chakanhanikira kwandiri. ⁷ Inini ndakawa pasi, ndakazwa izwi rimwe raiti: Sauro, Sauro, ngenhi ukunditeverera? ⁸ Inini ndakadavira: Ndiyani, Mambo? Asi iyena wakati: Inini ndiri Jesu, oku nazare, wiya waukutevera. ⁹ Asi vainga nainini ngozvokadi vakaona chieza, vakagara nokutyia, asi ivona avazivi kuzwa izwi ravaiya vaivereketa nainini. ¹⁰ Inini; ndakati, ndinoitenhi, Mambo? Asi Mambo wakati: Mukai, endai ku Damasco, konayo unovhunjwa zvese kuti zvinotumwa kuti vaite. ¹¹ Asi pandaikonewha kuita kuona, ngondava yonduma yokujeka, inini ndakatowha ngo nhara kunavaiya vainga nainini, ngokudaro ndakaguma ku Damasco. ¹² Asi waizwi kuti Ananias, Mwanarume urusanano ngo pakati pomutemo, wainga no chapupu cho ma judeu waipona ponapo; ¹³ wakaviya mbhesa kwandiri, wakagara pamberi pangu, iyena wakandivhunja, hama Sauro, kuti aite nani pameso, asi panguva yonayo ndakamuona. ¹⁴ Asi iyena wakandivhunja: Mwari Baba wedhu wakakutendera kuti iwewe uzive kuda kwavo, asi uhone vaiya vakarurama kuti uzwe izwi ro pamuromo pake. ¹⁵ Ngokuti iwewe unoita chapupu chovandhu vese, paziya zvawakazwa nokuona. ¹⁶ Asi, wari, ngenhi wakaima? Mukai ubabatiswe, kuti usuke zvishaishi zvako, wechiteketese zina ra Mambo. ¹⁷ Zvakaitika kwandiri, ndandawhurira ku jurusarema, ndainga ndeinamata mu Teperi, wakaviya kwandiri Extase; ¹⁸ Inini ndakaona wiya waindivhunja, kuti kasikai, wakabhuda ngokukasika ku jurusarema, ngokuti vasnotendera kuita chapupu kwandiri. ¹⁹ Asi Inini ndakananga; Mambo, ivona vanozviziva kuti inini ndaisunga nokusujunhura musinagoga vaiya vaikutende. ²⁰ Asi panguva yokuti ngazi ya Estevao, chapupu chako, yakaerera, inini ndaingavo ndiripo, ndakabheseravo ngokufa kwake, ndaiviga nguvo javaiya vaimuraya. ²¹ Asi ivona vakandivhunja: Kuti endai, ngokuti inini ndinokutuma kuenda ndhambo, kuno vahedeni. ²³ Ivona vakazwa mazwi onao, kochikapiri vakamusa maizwi, vechiti: Zvinoitika panhika, ngokuti azvizivi kunaka kuti iyena apone. ²² Pavainga vechidainjira, vaivhisa nguvo, vaikhandirira mudenga, ²⁴ Nduna yakatuma kuti vatore musanga wakavanga, vechiti, kuti tinovhunjisa no kusujunhuwha, kuti vazive ngondava vaidanjira kavari. ²⁵ Asi pavainga vakasungwa no makitai, Pauro wakati kuna mukurukuru wainga aripo: Zvinoita kuti musujunhure mwanarume oku roma, hande, unosungwa, echiti? ²⁶ Asi mukurukuru, pakazvizwa zvonazvo, wakaenda kozvinanga nduna, yakananga, kuti sotai zviro zvinoda kuitwa mwanarume uhu ngoku roma. ²⁷ Asi Nduna, yayakwedera, wakati: Ndivhunjei, kuti iwewe uri muroma? Iyena wakati: Hande. ²⁸ Asi nduna yakadavira: Inini nomutengo wakawanda wainga mudoropa ro roma. Asi Pauro wakati: Inini ndinazvo chingo ndakabhawha. ²⁹ Asi ngokukasika vakalhedera kavari vaida kuti vamuvhunjise, kuna Nduna wakatyia, pavakazvizwa kuti Pauro wainga okuroma, wainga asunga. ³⁰ Mangwana fumi, waida kuziva zvokadhi ngokuti ndava yakona yaiviswa ngo majudeu, iyena wakasujunhura makitai, asi wakatuma kuti vakukuru vo mapirista vomurutongo wavo; vainga vaturukihwa kuna Pauro, wakavakhombija pamberi pavo.