¹ Asi zvakaitika kuti ku Iconio, vakangena vese ku Juda, vakavereketa kakawanda pano mbhungano, yavakatenda, kuva Judeu nokuva Grego. ² Asi maJuda vachikazwi vakaita mutyiko vakurukuru vomahedeni nohama. ³ Asi ivona vakagara panguva yakawanda, vechivereketa zvinoshanda zva Mambo, ngokwapi vaipa chapupu kumazwi onhasha, zvaitika kuti zvikhobijo no zvishamiso zvaitika ngonhara javo. ⁴ Asi mbhungano yo mudoropa yakakashana, vamweni vainga varikumahedeni, vamweni vainga vari ku mapostori. ⁵ Asi vechita kukakanijana, maJuda no vahedeni, pamwepo novatungamiriri, kuti vaverekete kushata kwavo, kuti vavafure, vakavafura. ⁶ Asi ivona, vechiziva zvonazvo, vakatiza kwenda ku doropa ro Licaonia, raidainjwa listra na Derbe, pamutundu padivi. ⁷ Ponapo ivona vaiteketesa Vhangeri. ⁸ Mwanarume umweni O Listra waiga akara pasi, wainga akaneseka mumurenje, wakaremara kuvha mundani mai wake, wainga achito afamba. ⁹ Wapi waifamba akangwarira echiona kuti wainga no gonda kuti warapwe; ¹⁰ Wakananga ngoizwi guru: Mukai wechienda pamurenje pake, iyena wakambhuka akafamba. ¹¹ Asi, mbungano, pavakaona zvainga zvakaita Pauro, vakamusa maizwi avo, vechit ngo ndimi Licaonica: Zvimwari zvaikaita tenga vandhu, vakaderuka mbhesa itusu. ¹² Asi vakadainja Bernabe oJupeter; kuna Pauro, Marcurio; ngokuti iyena wainga Mambo ngokuvereketa. ¹³ Mapirista vo Jupeter, vainga pamberi po doropa ravo, vechivisa mambuti akanasiriwha pamusuvo, iyena, wainga aperekejwa, waida kuita mudiro kwaari. ¹⁴ Asi vapostoro Bernabe na Pauro, pavakazizewa zvonazvo, vakamwesa nguvo javo, vakaphuka pa mbhungano, vechidainjira. ¹⁵ Vechiti: anarume, ngenhe maota zviro zvonazvo? Itusu tirivanarume tenga imwimwivo, tinotendewhavo kuitavo kudakara kumweko, asi imwimwi makateketesa Vhangeri kuti imwimwi mutendeuke pazviro zvakashata kuna Mwari unopona, wakaita denga no nhika, bahari, nazvese zvirimunhika. ¹⁶ Kwapi kumu bariwhana wakapera wakasiya vahedeni vechifamba mugwanja ravo. ¹⁷ Asi, pazvese, achaigepi asiya iyena achina chapupu, echita zvakana kuvha mudenga, echiotipa muvhura panguva pokubereka, echizaja moyo jedhu ngozvokuha nokudakara. ¹⁸ Asi pahakananga zvonaznvo, asi vakaona mbhungano kuti avazivi kuita mudiro wavo. ¹⁹ Asi vakaviya ma Juda amweni ku Antioquia noku Iconio,vakaenda kwainga no mbhungano, vechifura Pauro, vechimukwekweteja kwenda naye kunja ko Doropa, vairangarira kuti wainga akafa. ²⁰ Asi, pavainga vajiji vakagara mubhiripiri mavo iyena wakamuka, ewakangena mudoropa, asi mangwana fumi, wakabuda na Barnabe kuenda Derbe. ²¹ Asi pavateketesa Vhangeri padoropa ponapo, vakaitwa vajiji vakawanda, asi ivona vakawhirira ku Listra no Iconio, no Antioquia. ²² Vakatendhewha vakuru vovajiji, veivavangisa kuti vagare pagonda, kuti itusu tinodendewha kungena pa Umambo wa Mwari ngo pakati pomatambujikpo. ²³ Asi vainga vakhetea ngorusanano, mangameri pachiara no chiara, vechinamata nokusanha, ivona vakatumwa na Mambo, pawiya wavainga vamutenda. ²⁴ Pavainga vapinda ngo Pisidia, akaviya ku Pafilia. ²⁵ Painga avereketa mazwi ngo Perges, vakaderuka ku Atalia. ²⁶ Asi ponapo vakaenda mbhesa ku Antioquia, panga pakaseswa ngo nhasha ja Mwari ngokuti kwavari basa rainga razajiswa. ²⁷ Asi pavakaguma, wakavaunganisa pasoto, vakananga zvakawanda zvainga zvakaita Mwari kwavari. Ngokuti iyena wainga afunhugunhura musuvo ogonda kuno mahedeni. ²⁸ Asi ivona vakagara ponapo chiripi nguva shomanani no vajiji.