¹ Asi kwaari panguva yonayo, Mambo Herode ewakadira ehara kuti amutambuje kumacheche Amwe. ² Asi wakauraiya Tiago, hama ya Johani ngo bhanga. ³ Asi pavakaona kuti zvaidakajisa ma Juda, iyena wakaita zvizinji, kuti asunge Petro (ainga mazuva ochingwa chichizivi kuvira). ⁴ Wapi, wakafungirisavo, mujeri, wakavapa masoja marongomuna, waivangwarira, echida kuvabisa kuti ku mbhungano pakupera ko Pasika. ⁵ Asi Petro wainga ari mujeri, asi soto yainga yechita mukumbiro wakavanga kuna Mwari kwaari. ⁶ Asi Herode painga echida kumubisa kuti amukhombije pausiku Onao Petro wainga akavata pama soja maviri, akasungwa, asi vaonereri vainga pamusuvo vechionerera. ⁷ Asi vakaviya ngomudenga ngirose Ya Mambo, asi chieza chakanhanikiira mujeri, kakuswasa Petro ngopamutivi, wakamuka, echiti; mukai, ngokukasika, No makitayo munhara make. ⁸ Asi ngirose yakamuvhunja: Rongejai ubhate magwadara ako. Asi iyena wakaita. Wakati: Simirai camisa yako, nditeverei. ⁹ Pavaskabuda, ewaitevera, asi avachaikwirepi kuti zvainga zvokadi kuti waita tenga ngirose, asi waitrangarira kuti painga nokurota kumweni. ¹⁰ Asi pakupinda pakutanga pochipiri muonereri, wakaguma pamusuvo O simbe, unotora doropa rainga rakafungunhuka kwariri rega; asi paakabu bhuda, vakaenda mugwanja, asi ingirose yakabhuda kwari. ¹¹ Asi Petro paakaehiritra, wakati: Wari inini ndinozviziva zvokadi kuti Mambo wakatuma ngirose yake, asi yakandinunura munhara ma Herode pazvese zvaitika no mbhungano yo maJuda. ¹² Asi iyena, wakazviziva zvonazvo, wakaenda panhumba pa Maria, Mai wa Johani, wainga no zina Maraco, ndipona painga navese vechinamata. ¹³ Asi, Petro, painga echigogoja musuvo, pakaviya musikane umweni zina rake wainga Rode, kuti apurikire. ¹⁴ Asi, iyena wakaziva izwi Ra Petro, ngokudakara azivi kufungunhura musuvo okungena, kuchiripi kudea iyena wakagogoma kwenda mumba, wakanaga kuti Petro wainga kunja pamusuvo okungena. ¹⁵ Asi wakati: Iwewe urikupenga. Asi iyena wainanga bhasi kuti idizvona, ivona vaiti: Ingirose yake. ¹⁶ Asi Petro wainga echitaka, asi pakufungunhhura,vakasika asi vakagara vakakaseka. ¹⁷ Asi, wakavaita chiwewe kuti vanharare, wakavaverengera pakuviswa mujeri ndi Mambo wakati: Teketesanhi zvonazvo kuna Tiago nohama jake. paakabhuda, wakaenda kunja ku ndau imweni. ¹⁸ Asi pakuviya pazuva, painga no masoja, ngondava, yo zviro zvainga zvakaitika na Petro. ¹⁹ Asi pakatora Herode, azivi kuwana, paakawsangisira vaonereri, wakawatuma kuti vauraiwe. Asi kuvha ku Judeia mbhesa ku Cesareia, vakagara ponapo. ²⁰ Asi Herode wainga akanhangajwa ngovandhu vo Sidom No Tiro; asi ivona, vecchiva kwenda kaari, vechipinda mukurungama ku Brasto, wainga echifamba na Mambo, vakakumbira runhararo, ngokuti nhika yavo yacthemberera zviro zvokuha zvokunhika ka Herodes. ²¹ Pazuva rimweni vakaoniwa, Herodes wakasimira nguvo jakadakaja parutongo echita mabuyo. ²² Asi mbhungano yakatyia: Izwi ra Mwari, kuchiripi Mundhu! ²³ Panguva yonayo ngirose ya Mambo yakamutema, ngokuti iyena azivi kuvapekeja nduma, asi pavakahiwa ngo honhe, wakasiya wakasiya kufema. ²⁴ Ngokudaro mazwi Mwari aikura, echiengejera. ²⁵ Bernabe na Saulo, wakavazajisa basa ravo, vakawhurira ku Jurusarema, vakatoravo naivona Johani, wainga nozina rokuti Marco.