¹ Kwainga No Mwanarume Umweni Ku Cesareia, zina rake Waidainjwa Cornerlio, wainga Arimukuru, pamutivio waidainjwa Italiano; ² Wakasanja, waityia Mwari, No Nhumba yake yese, waipekeja zvizinji kuno Mbhungano Iyena Wainamata Mwari. ³ Iyena wakazvina zvokadi mukurota, ngondava yo Nguva Muvhumbamwe Yo zuva, Asi Ngirosi Imwe Ya Mwari, Yaiviya Kaari, yaimuvhunja kuti: Cornelio! ⁴ Asi Iyena, waisota Ngokungwaririra, No Vazinji Vainga Vakaremba vaiti: Zvichini Zvonazvo, Mambo? Kupekeja Kwako Nokunata Kwako kwazika Mundangriji Ja Mwari. ⁵ Asi wari tumai Mwanarume Ku Jope, Dainjai Simoni, Anozina Rinozwi Petro. ⁶ Wainga Aripamuzi Po Mwanarume Muvhakachi, Kuti Ndipamwepo no Bahari. ⁷ Asi Paakabhuda Ngirose Yainga Yechivereketa na Cornelio, Vaviri Pavashandi Vake, No Musoja, Vainga Varipo Naiyena. ⁸ Panga Echiverenga zvese, wakamutuma ku Jope. ⁹ Mangwana Fumi, Kuveni Ivona Vaienda Mugwanja, Pavakaguma Phedo No Doropa, Petro Wakakwira Pachurungweni kuti Anamate, Phedo Nonguva Ndhandhatu. ¹⁰ Wainga Nonjara Iyena, waidha kuha, painga echinasirira, Chakambera kwari Chiruswa. ¹¹ Iyena wakaona Denga Rakafungunhuka, Rechideruka Chiro, Tenga Jira, rakaterera kumativi marongomuna Onhika, ¹² Zvinhama Zvomusora Nozvinpokambaira, Nochiri Jomudenga. ¹³ Asi Rakaviya Izwi, Rechiti: Petro, Urayai Uhe. ¹⁴ Asi Petro wakati, Azvitiki, Mambo, ngokuti, Andizivi Kumboha Zviro Zvakasiana Kana Zvakaswipiswa. ¹⁵ Asi Izwi Rakawhirira Rechiti, Kochipiri; Zviya Zvakachenesa Mwari, Uchazvita tenga zvakashatiswa. ¹⁶ Zvonazvo zvakaitika katatu, zvirozvo zvakatohwa kuwenda Mudenga. ¹⁷ Asi Petro Pairangarira Zvonazvo asi zvaida kuita kuti zvioneke, asi Vanarume vainga vatumwa ndi Cornelio, wakavhunjisa kunhumba Ya Simoni, vakaima pamusuvo. ¹⁸ Wakamudainja, wakavhunjisa, ewainga No zina Kuti Petro, wainga Atrimurendo Ponapo. ¹⁹ Asi Painga Petro Echirangarira Hope Jonajo, Mweya Wakamuvhunja Kuti Vanarume Vatatu Varikukuswaka. ²⁰ Ngokudaro Mukai, Uderuke, Wende Naye, Uchikakaniji, Ngokuti inini Ndakutuma. ²¹ Asi Petro waderuka Vandhu, vakati, Inini Ndini Waurikuswanaga, Ngondava Yenhu Iwewe Iripano? ²² Asi Ivona Vakati: Cornelio, Wainga Mukuru, mundhu Wakarurama Waityia Mwari wainga no Chapupu Chakanaka Panhika Yese Yo Majuda, Wakajekesewha Ngoyakacena Ngirose kuti Imudhaije Mbhesa Kunhumba Kwake, Kuti Azwe Mazwi Ake. ²³ Asi Pavakamudainja Kuti Angene Mumba Wakaashira Panhumba. Asi Mangwana Fumi. Petro wakaenda Naye Asi Wakaendavo No Hama Jimweni Jo Jope. ²⁴ Pamangwana Fumi Vakaguma Ku Cesareia. Cornelio wainga Echivavetera, Paakadainja Majibaba Vake No Majishamwari Vopamoyo wake. ²⁵ Asi Zvakaitika kuti, Pakangena Petro, Wakawanana Na Cornelio, Asi Wakawa Pamurenje Jake Akanamata. ²⁶ Asi Petro Wakamuka, echiti: Mukai, Inini Kamare Ndiri Mundhuvo Inini. ²⁷ Asi Painga Echibuya Naye, Wakangena, wakakhanda vakawanda vaina vakaungana. ²⁸ Asi Wakati: Munozviziva kuti Azvitendewhu kuti Mundhu Mujuda Avhiri Kubhata NoVanhikanja, Avavhiri Nokukwedera kavari Asi Mwari Wandikhombija kuti Dhaijai Onhikanja Wakaswipa. ²⁹ Ngokudaro Inini, Ndandadainjwa Ndaviya Ndichina Simba Rodivi Rangu, Asi Inini Ndinovhunjisa: Ngondava Yenhi Mandidainja? ³⁰ Asi Cornelio wakati: Pamazuva Marongomuna, zamara Nguva Yonai Washanha, Nokunamata panguva Mvhumbamwe panhumba pangu. ³¹ Asi Mwanarume wakajidira pamberi pangu nonguvo jinonhanikira, wakati: kuna Cornelio, munamato wako unozika, asi Kupa kwako kunorangariwha Na Mwari. ³² Mutumirei Ku Jope, mudainje Simoni Muvhakachi pamwepo no Bahari. ³³ Asi ngokukasika Ndakamutuma kwari, waita zvakanaka Ngokuvia Pano; wari Tiripano tese Pamberi Pa Mwari, kuti Ndizwe zvese zvinoronga Mwari Kwatiri. ³⁴ Asi Petro Paakafungunhura muromo, wakananga, kuti idizvona kuti Mwari ayiti zvito zvovandhu. ³⁵ Asi, ngonhika yese, Kuwiya anotyia, echita zvakarurama, asi Enao anodakajisa. ³⁶ Mazwi akatuma Mwari kuvana vake vo Israel, vechiteketesa vhangeri rorunhararo pakati Pa Jesu Kristo; iyena ndi Mambo ovese. ³⁷ Imwimwi munoziva mazwi Akaviya Mujudeia yese, kutanga Ku Garireia, pakupera pokubabatiswa ka Johani. ³⁸ Ngondava Ya Jesu Nazare, nga Mwari wakazoza ngomweya wakachena, No Simba, wakagogoma mundau jakasianasiana echita zvakanaka, echirapa, vese vaiga vakasungwa ndi Satani, ngokuti Mwari wainga naiyena. ³⁹ Asi iItusu tirivandhu vochapupu pazvese zvakaitika no zvakaita, panhika Yo Majudeu, noku Jurusarema; wapi wavakauraiya vomupapaika pamatabwa. ⁴⁰ Asi Mwari, wakamuka pazuva rochitatu, wakaita Mushando yake; ⁴¹ Asipi mbhungano yese, asi chapupu chakaitwa na Mwari Mukurongeka; itusu, pamwepo naiyena takaha, nokuha, pakamuka kuvakafa. ⁴² Asi iyena wakatituma kuti tichumaire ku mbhungano, echipekeja chapupu kuti iyena wakatumwa ndi Mwari kuti aite vatongi ovandhu vakafa. ⁴³ Asi kunavese vaporofeta vanopa chapupu, pavese vaoya vanotenda asi vakaashira kuregerewha pakati pozina rake. ⁴⁴ Painga Petro echivereketa mazwi onao, Mweya Mustene wakambwera pakati pavo vese vaiya vaizwa mazwi. ⁴⁵ Vatende vainga vakacekwa, vaiya vainga vakaviya na Petro, vakagara vakakaseka, vairangarira kuti vahedeni vainga vakapuwavo chipo cho Mweya Mustene. ⁴⁶ Ngokuti ivona vakazwa vechivereketa ndimi jakasianasiana, vechibhonga Mwari. Asi Petro wakadavira: ⁴⁷ Zvingaitika kuti mundhu angaphinginijira kumwa, kuti vachjababatiswa ivona, kuti kudaro, tenga itusu, makaashira mweya Mutsene? ⁴⁸ Asi wakavatuma kuti vababatiswe ngozina Ra Mambo. Asi wakavakumbira kuti agare navo mazuva manganana.