¹ Naapo pendakauya kwomuri, hama, ndechichumaira chakafishika chaMwari, andizi kuchandisa mazwi makuru nokuti ungwaru hwakakura. ² Nokuti ndakadziemesera kuti andizozii chiro pakati penyu kwega Jesu Kristo, uwo wakakohomerwa. ³ Neni ndakauya kwomuri ndakaremdzaka, ndechitya, ndechihuta kakurutu. ⁴ Mazwi angu nokuchumaira kwangu kwaiya kusina mazwi okukoma oungwaru, asi mukuoniswa kwoMweya nokwesimba. ⁵ Kuti kungonda kwenyu kusazotseana muungwaru hwevanhu, asi musimba raMwari. ⁶ Asi pakati pevabva muzero tinoereketa ungwaru,kunyazwi husiri ungwari hweiyi nyika nokuti hwevatongi veiyi nyika, avo vanopora. ⁷ Asi tinoereketa ungwaru hwaMwari, hwakafishika, hwakafishika, uhwo Mwari hwaakaemesa karetu nyika isati yasikwa, kuita uthende hwedu. ⁸ Apana naumwe wevatongi weiyi nyika wakazwisisa izvi; ngokuti dai vakazwisisa, vaizodai vasikazi kukohomera Mambo wouthende. ⁹ Asi, kudai ngezvakanyorwa kuti: Izvi zvisikazi kuoneka ngemadziso nokuti kuzwika ngenzee nokuti zvisikazikanwi mumwoyo mwevanhu, izvo ndizvo zvaakanasirira Mwari kwavari vamuda. ¹⁰ Zviro izvi Mwari wakazvionisa kwetiri kubundikidza ndiMweya. Ngokuti Mweya unotsvakisisa zvese,kunyazwi noudzamu hwaMwari. ¹¹ Ngokuti ndiani munhu unozia zvomunhu, kwega mweya womunhu uri mukati mwake? Ngokudarozve akuna unozwisisa zvaMwari, kwega Mweya waMwari. ¹² Zvino atizi kuashira mweya wenyika, asi Mweya unobva kunaMwari, kuti tizwisise zvipo zvakapuwa kwetiri ndiMwari. ¹³ Tinowereketa ngzviro izvi ngemazwi, haiwa nomazwi vokuzia, no Mwea Mutswene unojijisa, kupingura zviro zvo mweia no pakati po mwea. ¹⁴ Asi munhu wenyama aashiri zviro zvoMweya waMwari, ngokuti zviri upenzi kwaari, naye akoni kuzvizwisisa ngokuti zvinotongwa ndiMweya. ¹⁵ Asi uwo voMweya unotonga zviro zwese, asi iye emene aatongwi ngomunhu. ¹⁶ Ngokuti ndiani vakaziwa ulangarijo waMambo, wamujijise? Itusu tino urangarijo waMwari