¹ Mwawabari paranye khwiza kwa imwenye,kwiza kutinye nkhamupharazgirani vya muchindindi cha chiyuta kutinye nkhayowoya lizgu lyakumutindikani na ghamahara hawe. ² Pakutinye khiza nadumura kutinye ndimanye kanthu kanyakheso mukati mwinu hawe kwene Yeso Khirisitu pera uyonyene wakiza wakapayikika wakafwa pa mphinjika. ³ Ndapo nkhiza nkhawa namwe mu utechitechi mu wofi ukuru na mu kutenthema. ⁴ ndapo kuyowoya kwane na kupharazga kwane kutinye vikiza vikawa mu kukopa wanthu,namazgu ghamahara,gha Charu hawe,kwene mazgu ghane ghakawa muchipanikizgo cha Chiyuta na nkhongono za ine. ⁵ mwakutinye chipurikano chinu chize chireke kujinthika mu mahara gha wanthu kwene munkhongono za Chiyuta. ⁶ Ndapo tikuyowoya mazgo gha mahara ku awonyene mbakunkwima mu chipurikano,kutinye ndimahara gha wanthu wa mu muwiro uwu hawe,pamo nkhongono zawanthu wakuwusa mu muwiro uwu uwonyene nkhongono zawo zikumara. ⁷ Hawe,ndapo tikiza tikuyowoya mahara gha Chiyuta aghonyene nga muchindindi na ghakubisika,gheneagho Chiyuta wakiza wakimika ku wuchindami withu papo kare pambere Charu chindarengeke. ⁸ Pize pawavye na yumoza wa wakuwusa wa muno mucharu cha pasi mwene uyonye,wakiza wavimanya chifukwa wize wawe wakuvimanya mphanyi,wakawavye kuyipayika pamphinjika fumu ya wuchindami. ⁹ Ndapo kuri nga ndi umonye kuri kurembekera kutinye: "Ichonyene jiso rindawone, pamo nkhutu rikupurika - veneivi ndivyonye Chiyuta wakiza wari kunozgera awonye wakumutemwa." ¹⁰ Ndapo Chiyuta wakiza wari kutivumburira use vyeneivi kwizira mu muzimu.pakutinye muzimu ndiyo wakusanda vyose nanga ni vyapasi pamutima wa Chiyuta. ¹¹ Kasi ni njani wakiza wakumanya ivyonye viri mu mutima wamunthu. Asi ndi muzimu wa iyomwene ,Nntheura pela parije munthu wa Chiyuta kwene muzimu wa Chiyuta pela. ¹² Isenye Kuti tirikupokera muzimu wa Charu cha pasi hawe.kwene muzimu wakufuma kwa Chiyuta mwakuti tize tipurikiske Ichonyene Chiyuta wari kutipa kwa wanangwa. ¹³ Tikuyowoya ivinye mu mazgu ghakusambizgika na mahara gha wanthu hawe kwene namahara gha muzimu pera kulongola unenesko wa muzimu ku awonyene wari na muzimu. ¹⁴ Uyonyene warije muzimu kutinye wize wapokerere vinthu vya muzimu wa Chiyuta hawe.pakuti kwaiyonye ni vya uchindere. ndapo kutinye wangize wamanye kuvipurikiska hawe chifukwa vikwiza vikumanyikwira mu uzimu wa Chiyuta pera. ¹⁵ Ndapo uyonyene wari na uzimu wangiza wangeruzga kawiro ka vinthu vyose,kwene wangiza weruzgike na wariyose hawe. ¹⁶ pakutinye ni njani uyonyene wakumanya maghanoghano gha fumu, kutinye wize wamanye kunjirikizga Chiyuta."kwene isenye tiri nagho maghanoghano gha Khirisitu.