¹ Ndapo mwize mupenjiskane kutemwa kweniso mwize muwike mitima yinu pa vyawanangwa vya mzimu, nkhani nkhani.chawanangwa chauchimi. ² Chifukwa paranye munthu wakuyowoyera mumazgo gha chirendo kutinyene wakuzayowoyera ku wanthu hawe, kwene kwa Chiyuta pakutinyene parije munthu wakupurikiska ivyonye wakuyowoya kwene wakunenera mu muzimu ivyonye vyamuchindindi. ³ Ndapo iyonyene wakuchima wakuyowoya mazgo ghakuwazenga wanthu, ghakuwanchiska na ghakuwasanguruska. ⁴ Ndapo uyonye wakuyowoya mu mazgo ghachirendo wakujovwira yekha pera, kwene uyonyene wakuchima wakuzenga mupingo wa Chiyuta. ⁵ Ndapo ndakhumbanga kutinye nose mwize muwe na vyawanangwa vyakuyowoyera mu mazgo gha chirendo, kwene kwakuruska nkhukhumba kutinyene muwe na vyawanangwa vya uchimi. uyonyene wakuchima nimukuru kuruska uyonyene wakuyowoyera mu mazgo gha chirendo uyonyene wakuyowoyera mu mazgo gha chirendo wangize wawe mukuru nayo usangenye yumoza wangamanya kutanthaura ivyonye wakunena _ mwakutinye mupingo wa Chiyuta uzengeke. ⁶ Ndapo mwize mughanaghane mwawanyane, usange ningiza kwa imwenye uku nkhuyowoyera mu mazgo gha chirendo kasi ningamuchitirani uwemi uli? usange ichonye nkhunena chirije uvumbuzi pamo umanyi pamo uchimi, pamo mazgo ghakusambizga. ⁷ Ndapo nanga nituthu twambura umoyo uto tukufumya mazgo nga ni fyoliro pamo chiding'indi, kasi munthu wangizamanya uli kaliliro ka ichonye wakurizga kuti ntchakutinye, kwambura kutinye kimbiro kawo kize kapambane. ⁸ Na mulizgi wa mbata wakujirizgira bweka, ninjani wanganozgera kuruta ku nkhondo. ⁹ Nduminyene kuliri na imwenyene wuwo usange mukureka kufumya mazgo ghakupulikikwa chifukwa cha kunenera mu mazgo gha chirendo:kasi munthu wangize wamanye wuri ichonye ukunena ndiko kutinye ukunena waka ku mphepo. ¹⁰ Mu Charo chose muri mazgo ghanandi gha wanthu wakupambana pambana, ndapo parije naghamoza aghonyene ghakureka na kupurikikwa. ¹¹ kwene usangenye nkhureka kupurika mazgo ghara nditi ndiwenge murendo kwa uyonyene wakuyowoya nayo wati wawenge murendo kwa inenye. ¹² Pakuwona kutinye mitima yinu yikunwekera vyawanangwa vya mzimu, ntheura mwize muwike mitima yinu pa ivyonyene vikuzenga mupingo wa Khirisitu. ¹³ Nhteura uyonyene wakuyowoyera mu mazgo gha chirendo wakwenera kulomba chawanangwa chakutanthaulira mazgo gharanye. ¹⁴ Usange nkhuyowoyera mumazgi gha ntheura, Nadi muzimu wane ukulomba, kwene maghanoghano ghanenye ghakukhara waka. ¹⁵ Kasi sono ndichitengechi, niti nirombe na mzimu pera hawe, kwene na maghanoghano wuwo. nitinimbe na mzimu pera hawe kwene na maghanoghano wuwo gha Chiyuta. ¹⁶ Usange ungize umwimbire Chiyuta na mzimu pera, Kasi munthu wambura kumanya wangize wayowoye wuri kutinye ku lurombo lwako lwakuwongera paranye warije kumanya na ichonyene ukunena. ¹⁷ Nanga lurombo lwako lungawa luweme nkhani, ndapo wuri munyako kutinye lukumovwira kanthu hawe. ¹⁸ Nkhumuwonga Chiyuta chifukwa nkhumanya kuyowoya my mazgo ghachirendo kuruska imwenye mose. ¹⁹ kwene paranye niri pawungano mphanyi nkhukhumba kunena mazgo ghankhonde pera gheneaghonye ghakupurikikwa pakuwasambizga wanthu wanyakhe, kuruska kuyowoyera mu mazgo gha chirendo ten sawuzandi. ²⁰ Mwawanyane, mwize mureke kuwa nga mbanichi mu kaghanaghaniro. pa uheni mwize muwe nga twana tuchoko. kwene mukaghanaghaniro mwize muwenge walala. ²¹ Mu marango muli kurembeka kuti ndamukuwayowoyera wanthu awa na kayowoyero ka chirendo ndaposo na lurimi lwawaheni, "Nanga mwize muwe ntheura wanthu wane wa Isirayeri, kutinye ndumo yikunenera." ²² Ntheura kuyowoyera mu mazgo ghachirendo kutinye ntchimanyikwiro cha Chiyuta, ku awonyene wakupurikana hawe. kwene nichimanyikwiro ku awonyene mbambura kupurikana. Kwene mazgo gha uchimi nga wanthu awonyene wakupurikana kutinye nga wanthu wa waka hawe. ²³ Ntheura usange mpingo wose wawungana ndapo wose wakuyowoyera mu mazgo ghachirendo wa kuwaro pamo wambura kupurikana wakunjiramo asinyene wangize wamuyowoyerani kutinye murikufutha. ²⁴ Kwene usange wose wakuchima ndapo wakunjiramo wambura kupurikana pamo wakuwaro, wakuchontheka na kayowoyero gha wose ndapo wakweruzgika na vyose ichonyene wakupurika. maghanoghano ghakhe ghakubisika ghakuvumbukwa pakweru. ²⁵ Ntheura wakiza wagwada pasi na kusopa Chiyuta na kuphara kutinye nadi Chiyuta wari mumumo pamoza namwe. ²⁶ Mwawanyane, paranye mukuwungana pakusopa yumoza wimbenge sumu ya Chiyuta. munyakhe wize wasambizgenge, yumo wize warongorenge ivyonyene vyafuma mu uvumbuzi wa Chiyuta, munyakheso wayowoyenge mu mazgo gha chirendo, ndapo munyakheso wize watanthaurenge mazgo ghara. karikose kize kawenge kakuzenga mupingo wa Khirisitu. ²⁷ Usange walipo awonye wakuyowoyera mu mazgo gha chirendo, wize wawenge wawiri nkhaninkhani watatu, wize warondezgenge pakuyowoya. ndapo yumoza wize watanthaurenge ivyonyene wakuyowoya. ²⁸ Kwene usange parije wakutanthaura, ipo wize wakhare chete mu wungano, wari yose wize wayowoyenge kwa iyomwene na kwa Chiyuta. ²⁹ Zintchimi nazo zize ziyowoyepo ziwiri pamo zitatu mazgo gha Chiyuta, aponyene wanyawo wakuranguruka na ivyonyene wakuyowoya . ³⁰ Usange yumoza wa awonyene wakutegherezga wapokera uvumbuzi waChiyuta, peneapo uyonyene wangudanga kuyowoya wize wakhare pasi. ³¹ Mose yumoza yumoza mungiza manya kuchima mwakutinyene wose wize wasambire ndapo wose wachiskike. ³² ndapo zintchimi zikwenera kujikora mukuchima kwawo. ³³ Pakutinye Chiyuta uyonyene wakupereka uchimi uwunye kutinye ni Chiyuta wa utimbanizgi hawe, kwene ngwamutende. nga ndi umonye kuliri mu mpingo wose wa wanthu wa Chiyuta. ³⁴ Wanakazi wize wakhare waka chete oa mawungano, chifukwa wandazomerezgeke kuyowoya. kwene wakwenera kukhara mumaro ghawo nga ndi umonye liliri dango lya chiyuda. ³⁵ Usange wari na kanthu kakufumba, wize wafumbenge wafumu wawo kunyumba. chifukwa ntcha Soni kutinye wanakazi wize wayowoyenge pa mawungano. ³⁶ Kasi mazgo gha Chiyuta ghakambika na imwenye? pamo Kasi ghakizira imwenye pera? ³⁷ Usange pari yumoza uyonyene wakujipima kutinye na ntchimi pamo wakukhuwizgika na muzimu wakwenera kumanya kuti ivyonye nkhumuremberani ni dango lyakufuma ku Fumu. ³⁸ usange wareka na kulorako na ichinye, namwe mwize mureke na kumupimako. ³⁹ Ntheura, mwawanyane, khumbiskani kuchima ndapo mwize mureke kukanizga awonye wakuyowoyera mu mazgo gha chirendo. ⁴⁰ kwene vinthu vyose vize vichitikirenge mu uweme na mundonda.