¹ Sono mwawanyane ndirive kukhumba kutinye muwe waremwa pamakani gha vyawanangwa vya Mzimu. ² Mukumanya waka kutinye , para mukawa wambura kupurikana mukaguzikiranga kukusopa vikozgo vyambura kuyowoya. ³ Ntheura nkhukhumba kutinye mwize mumanyiske kutinye, parive yumoza wakuyowoyera mu Mzimu wa Chiyuta mweneuyo wangamanya kunena kutinye Khrisitu wize watembeke, parive yumoza uyonyene wanganena kutinye, " Yeso Khrisitu ndi Fumu" kwene mweneuyo wakuyowoyera mu Mzimu wakupaturika pera. ⁴ Pari vyawanangwa vyakupambamna pambana vyawanangwa cha wanthu kufuma kwa Khrisitu, kwene Mzimu njumoza pera. ⁵ Pari uteweti wakupambana pambana wa Chiyuta, kwene Fumu njumoza pera; ⁶ Ndaposo pari machitiro vyakupambana pambana kwene Chiyuta njumoza pera, mweneuyo wakukhuwirizga mu wose. ⁷ Chiyuta muyumoza yumoza wa isenye Mzimu wakujirongolera munthowa yakhe na yakhe; chifukwa chauwemi wawosenye. ⁸ Mwa Mzimu mweneyura yumo wakupikwa vyawanangwa chakuyowoya na vinjeru vya Chiyuta, mweneyura munyakhe wakupikwa vyawanangwa chakuyowoya vya mahara vyakufumira kwa Chiyuta. ⁹ Mwa Mzimu yumoza pera munyakhe wakupikwa chipurikano cha Chiyuta. Mwa Mzimu yumoza pera munyakhe wakupikwa vyawanangwa vyakuchizga nthenda. ¹⁰ Mwa Mzimu yumoza pera munyakhe wakupikwa vyawanangwa vyakuchitira vya minthondwe munyakhe vyawanangwa vya uchimi, munyakhe nkhongono yakumanyira mizimu yakupambana pambana, munyakhe vyawanangwa chakuyowoyera mazgu ghakupambana pambana, munyakhe vyawanangwa chakutanthaulira mazgu ghakupambana pambana. ¹¹ Kwene vyose vyeneivi ndi mlimo wa Mzimu yumoza pera, mweneuyo wakumugawira uyu na uyu nga ndi umonyene wakukhumbira. ¹² Chifukwa nga ndi umonye thupi liliri limoza, ndaposo liri naviwaro vinandi ndi thupi limoza, ntheuraso ndumo waliri na Khrisitu. ¹³ Chifukwa isenye tose wa Yuda na waGriki, wazga na wanangwa wuwo na Mzimu yumoza tikiza tabapatizikira mu thupi limoza. ¹⁴ Sono thupi, kutinye ndi chiwaro chimoza hawe. ¹⁵ Usange lundi linganena kutinye, "ine ndine woko hawe; kutinye ndili yumoza wathupi hawe," Sono kasi lingareka kuwa limoza na thupi chifukwa cha ichinye. ¹⁶ Usange khutu linganena kutinye kwa imwe, " ndine jiso hawe; kutinye nditi yumoza wathupi hawe," Sono kasi lingareka kuwa limoza na thupi chifukwa cha ichinye. ¹⁷ Thupi lose usange rize liwenge jiso kasi mphanyi likupulika wuli, usange thupi lose rize liwenge khutu pera. kasi mphanyi likunuska na vichi. ¹⁸ Kwene nga ndi umonye kuliri Chiyuta walikuwika chiwaro ichi na ichi mu thupi nga ndi umonye wakiza wakhumbira . ¹⁹ Vyose vize viwenge chiwaro chimoza kasi mphanyi thupi lirinkhu. ²⁰ Kwene Sono vilipo viwaro vinandi ndapo thupi ndimoza. ²¹ Jiso kutinye likunanya kunena hawe ku woko kutinye ndilive nanchito na iwenye, nanga ndi mutu kutinye ughanenere malundi kutinye ndilive na nchito na imwenye. ²² kwene viwaro ivyonyene vikuwoneka kuti nvitechitechi chomene ndivyonyene vikukhumbikwa chomene. ²³ Ndapo viwaro vya thupi vyeneivyo vilije nchindi ndivyonyene tikuvipwelelera chomene,ntheura viwaro vya thupi lithu ivyonyene nvyasoni ndivyonyene tikuvipwelelera kwakuriska. ²⁴ Kwene viwaro vya thupi ivyonyene nvyakutowa kwakuruska kutinye vikukhumbikwa kuvipwelelera ntheura hawe,Chiyuta wari kurenga thupi kutinye viwaro ivyonyene vya soni vize vipokelere nchindi yikuruko. ²⁵ Mwakuti mwize muwavye mphatikano mu thupi, kwene kutinye viwaro vize vipwelerane kwakuyana waka. ²⁶ Usange chiwaro chimoza chikukomwa viwaro vyose vikukomwera nacho pamoza, usange chiwaro chimoza chikuchindikika vyose vikuchindikikira nacho pamoza. ²⁷ Sono imwenye muli thupi lya Khrisitu, ndapo yumoza yumoza wa imwenye nchiwaro cha thupi liranye. ²⁸ Chiyuta mu mipingo wakhe wari kuwimika wanthu wanyakhe wa kudanga ndawonyene wakutumika, wa chiwiri ndizonyene zinchimi ndapo wachitatu ndawonyene mbasambizgi, ndaposo na awonyene wakuchita minthondwe Sono ndapo wakwizapo awonyene wari navyawanangwa vyakuchizgira, vyakovwilira, vyawurongozgi, ndaposo na vyawanangwa vyakuyowoyera mazgu ghachirendo. ²⁹ Kasi wosenye mbakutumika. kasi wosenye ndi zinchimi. kasi wose mbasambizgi. kasi wosenye mbakuchita minthondwe. ³⁰ Kasi wose wari na vyawanangwa vyakuchizgira. kasi wose wakumanya kuyowoya mazgu ghachirendo. kasi wose wakumanya kutanthaura mazgu gha chirendo. ³¹ Kwene mwize muwike mitima yinu oa vyawanangwa ivyonyene vya kuzirwa kwakuruska.