¹ Yuda, nyabasa wa Yesu Khilistu na m'mbale wache wa yakobe , kuna iwo wakuchemelewa , wakukondewa kuna Mulungu Baba , na wakusungiwa na Yesu Khilistu; ² Chifundo changu na mtendere na chikondi bzikuwandileni imwe. ³ Wakukondewa, pakuchita bzakamkulumize bzense bzakunemberani bza kupulumusiwa, bza ife tense ndakulumiziwa moyo inepano kukunemberani naro chapasiwa kabodzi kwa wakuchena moyo waMulungu. ⁴ Nakuti pana wanthu wale omwe adakumpzeneraniimwe. Wanthu omwewa adanembiwa madzina yawo kale iwo ndiwo wanthu wakusaya , kukumbira Mulungu wathu kukhala chilakolako chakunyasa tsono iwo ambalamba Yesu , Khilistu omwe ndiye Mfumu yathu na Mbuya. ⁵ Tsapano ndikufuna ndikukumbuseni_ imwe napo mukuziwa kale ibzi _nakuti mbuya adapulumusa wanthu wache nakuwabulisa m'ziko la Aigupto , soma pa mbuyo pache adadzonga iwo omwe alibe kukhulupilira. ⁶ Ndipo angelo , omwe alibe kukwanisa kutenda bzawo na udindo bwawo tsono iwo adasiya mbuto zawo_ Mulungu adamanga na maunyolo yakusaya kumala, tsono iwo akuwakoya mbuto zam'dima, kufikirana nsiku ikulu ya kuweruza. ⁷ Ningaa pomwe sodom na Gomorrah na miyi ya kuzungulira polondana nayo idabzipereka kuchigololo na akutewera zachilakolako bzakudabwisa . Bziniyikiwa mwakuyezeza pakuchitiwa bzilango bza moto wakusaya kumala . ⁸ Tenepoyo pomwe, iwo khalota adapsipiza mathupi yawo . Adanyoza ufumu wawo adachitira , bzakuphonya ulemelero ⁹ Soma Mikaeli mkulu wa angero pakuchita ngunga na mdyerekezi nakugazana bza thupi la Mose, alibe kulimbika moyo kulewera thangwe kumulewera mwano, "Soma adati mbuya atsudzuleni!'' ¹⁰ Soma iwowa bzomwe ambadziwalini ambachitira makiliyado napo bzomwe ambadziwa chibadwire, ninga bzamoyo bzakusaya mzeru , ambataika na ibzi. ¹¹ Tsoka kuna iwo! Nakuti adafamba njira ya Kaini tsono adabzidzonga mchisokonokero cha Balamu. Thangwe la kulipira nakutaika chizunzo cha kole. ¹² Iwo ndiwo ambakhala namawanga pamaphwando yanu yachipangano, pakudya namwe pabodzi_ akubzifuwa wokha wasaya mantha. Mitambo yakusaya madzi yakutengekatengeka ninga mphepo; ninga miti yamayinza, yakusaya bzinthu_ yakufafa kawirikawiri, yakuzu mizi. ¹³ Iwo ali ninga mafunde yakugopsa ya panyanza , akubvundunduka thobvu lamanyazi la iwo wokha; nyenyezi za kuchokera, bzimene m'dima wakupsipa bii ikubzikoyera wakusaya kumala. ¹⁴ Tsono kuna iwo Henoki , wa chinomwe kuchokera kwa adamu , alewera kuti "Nyang'anani! Mbuya akuwabwera nawakuchena wache bzuru makumi makumi. ¹⁵ Iye akubwera kudzachitira wense chiyeruzo . Nakugaza wa kusaya kupemphera omwe ambabzichita bza kusaya kupemphera, nabzakulimba bzomwe anyakuipa anyakusawa kupemphera adabzisewera kuna iye . ¹⁶ Iwo ndiwo anyakudandaula, anyakunyoza, anyakufamba ninga mwa bzikhumbokhumbo bzawo. Napa pamulomo pawo ambasewera bzikulukulu, akutenda wanthu thangwe lakupindula kwao, iwo ambanyoza anzawo . ¹⁷ Tsono imwe, abalewangu mukumbukire mafala yakulewedwa kale, amtumwi wa mbuya wathu yesu Khilistu. ¹⁸ Nakuti adalewa kuna imwe, ''Panthawe yakumaliza panzagumanika anyakunyoza anyakufamba ninga mwabzikhumbokhumbo bzakusaya kupemphera pa iwo okha''. ¹⁹ Iwo ndiwo anyakupambukisa; wanthu wamakhalidwe yachibadwidwe wakusaya kukhala naye Nzimu. ²⁰ Tsono imwe, wakukondewa, mangirirani pabodzi mwekha chikhulupiliro chanu, cha Kuchena nakupemphera na Mzimu Wachena. ²¹ Mubzikoye mwekha muchikondi cha Mulungu, nakudikira chifundo cha Mbuya wathu Yesu Khilistu kufikira moyo wakusaya kumala. ²² Napo winango wakukumbukakumbuka muwachitire chifundo. ²³ Soma winango; muwapulumuse nakuwachosa kumoto; kuna winango muwachitire chifundo namantha, muwenganenawo pomwe malaya yakuchita mawanga mthupi. ²⁴ Tsono kuna iye omwe amkwanisa kukudikirani mungakhumudwe nakuimisa pamaso paulemelero pache wakusaya bvuto nakukomedewa , ²⁵ Kuna Mulungu yekha Mpulumusi wathu kupitira mwa Yesu Khilistu Mbuya wathu, wamphamvu, na ulemelero, nawaulamulilo, zikanati kuyamba nthawe na tsopano ate kufika nthawe zense, Amen.